તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • National
  • The NIA Found Evidence That A Ransom Racket Was Operating From The Hotel. True, A Club Owner Was Interrogated For Hours.

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

એન્ટિલિયા કેસ:સચિન વઝેની કસ્ટડી 7 એપ્રિલ સુધી વધારવામાં આવી, કોર્ટે NIAને સારવારની સુવિધા આપવાના નિર્દેશ આપ્યા

મુંબઈ8 દિવસ પહેલા
NIAએ બપોરે 3 વાગતા વઝેને કોર્ટમાં રજૂ કર્યો હતો
  • 100 દિવસ માટે મુંબઈની એક હોટલનો રૂમ બુક કરવામાં આવ્યો હતો
  • વઝેને આશંકા હતી કે આગામી સમયમાં તેને છુપાવવું પડી શકે છે

એન્ટિલિયા કેસમાં પકડાયેલા મુંબઈ પોલીસના સસ્પેન્ડેડ API સચિન વઝેની કસ્ટડી 7 એપ્રિલ સુધી વધારી દેવામાં આવી છે. સ્પેશિયલ કોર્ટે NIAને નિર્દેશ આપ્યા છે કે વઝેને દરેક પ્રકારની મેડિકલ સુવિધા ઉપલબ્ધ કરાવવામાં આવે. વઝેની કસ્ટડી આજે ખતમ થઈ રહી હતી. જેને ધ્યાનમાં રાખીને NIAની ટીમ વઝેને લઈને સ્પેશિયલ કોર્ટ પહોંચ્યા. કોર્ટ લાવતા પહેલાં NIAએ વઝેની મેડિકલ તપાસ પણ કરાવી.

NIAની સ્પેશિયલ કોર્ટે એજન્સીને નિર્દેશ આપવામાં આવ્યા કે 7 એપ્રિલે આગામી સમયે રજૂઆત કરે તે સમયે વઝેના સ્વાસ્થ્ય અને તેમની બીમારીઓ પર ડીટેઈલ્ડ રિપોર્ટ રજૂ કરે. આ પહેલાં સચિન વઝેના વકીલ રોનક નાઇકે કોર્ટને એક એપ્લિકેશન લખી હતી. જેમાં તેઓએ કહ્યું કે વઝેને છાતીમાં દર્દની સાથે સાથે હાર્ટમાં 90% જેટલાં બે બ્લોકેજ છે. આવી સ્થિતિમાં વઝેને તેમના કાર્ડિયોલોજિસ્ટ પાસે જવા દેવામાં આવે, કે જેથી તેમની મેડિકલ ટ્રીટમેન્ટ શરૂ થઈ શકે.

સચિન વઝેને ભાઈ સાથે 5 મિનિટ મુલાકાતની મંજૂરી
સચિન વઝેના ભાઈ સુધારામે NIAની સ્પેશિયલ કોર્ટમાં એપ્લીકેશન લગાવીને તેમની સાથે મુલાકાતની મંજૂરી માગી હતી. સુધારામે સચિનને કપડાં આપવા માટે કોર્ટ રૂમમાં જ 5 મિનિટની મુલાકાતનો સમય આપવાની ભલામણ કરી હતી. કોર્ટે તે અરજી માન્ય રાખી હતી. જે બાદ કોર્ટરૂમમાં જ સચિન અને સુધારામ વચ્ચે 5 મિનિટની મુલાકાત થઈ હતી.

બપોરે અંદાજે 3 વાગે NIAની ટીમ વઝેને લઈને કોરટ પહોંચી
બપોરે અંદાજે 3 વાગે NIAની ટીમ વઝેને લઈને કોરટ પહોંચી

મુંબઈની એક હોટલમાંથી ખંડણી વસૂલવાનું રેકેટ ચલાવી રહ્યો હતો વઝે
આ દરમિયાન સચિન વઝે અંગે NIAએ વધુ એક ઘટસ્ફોટ કર્યો છે. સૂત્રોના જણાવ્યા અનુસાર, સચિન વઝે મુંબઈના નરીમાન પોઇન્ટ સ્થિત 5 સ્ટાર હોટલના એક રૂમમાંથી કથિત રીતે ખંડણી વસૂલવાનું એક રેકેટ ચલાવી રહ્યો હતો. આ રૂમ ઝવેરીબજારના એક વેપારી દ્વારા 100 દિવસ માટે બુક કરાવાયો હતો, જેના માટે 12 લાખ ચૂકવવામાં આવ્યા હતા.

100 દિવસ માટે બુક કરવાયો હતી રૂમ નંબર 1964
NIA દ્વારા કરવામાં આવેલી તપાસમાં ઘટસ્ફોટ થયો છે કે સચિન વઝે માટે મુંબઈના એક ટ્રાવેલ એજન્ટે સોનાના વેપારીના કહેવા પર 19મા માળે રૂમ નંબર 1964 બુક કરાવ્યો હતો. હોટલને ID પ્રૂફમાં તેમનું ફેક આધારકાર્ડ આપવામાં આવ્યું હતું, જેમાં વઝેનું નામ સુશાંત સદાશિવ ખામકર તરીકે નોંધાયું હતું. સેન્ટ્રલ ઈન્વેસ્ટિગેશન એજન્સી (NIA)ને હોટલમાંથી ઘણા પુરાવા મળ્યા છે. આમાં સીસીટીવી ફૂટેજ, બુકિંગ રેકોર્ડ્સ અને સ્ટાફનાં નિવેદન સામેલ છે.

છુપાવવા માટે બુક કરાવવામાં આવ્યો હતો હોટલનો રૂમ
NIAનાં સૂત્રોના જણાવ્યા અનુસાર, વઝેને એવી આશંકા હતી કે આગામી સમયમાં તેને છુપાવવું પડી શકે છે. તેથી તેણે આ તૈયારી અગાઉ કરી લીધી હતી. નરીમાન પોઇન્ટ ખાતે હોટલના રૂમમાં સર્ચ ટીમને કંઈ મળ્યું નહીં, પરંતુ સ્ટાફનાં નિવેદનથી સ્પષ્ટ થાય છે કે કેટલાક વઝેને મળવા અહીં આવ્યા હતા. તે 16થી 20 ફેબ્રુઆરી સુધી અહીં રોકાયો હતો. NIAએ અહીંથી 35 કેમેરાના ફૂટેજ જપ્ત કર્યા છે.

ક્લબના માલિકાનું નિવેદન નોંધવામાં આવ્યું
NIAએ શુક્રવારે મુંબઈની એક ક્લબના માલિકનું નિવેદન નોંધ્યું છે. આ ક્લબ સાઉથ મુંબઈની એક હોટલમાં છે. NIAને ક્લબના માલિક અને મનસુખ હિરેનની હત્યા કેસમાં ધરપકડ કરેલા ક્રિકેટ-બુકી નરેશ અને સસ્પેન્ડેડ કોન્સ્ટેબલ વિનાયક શિંદે વચ્ચે સંબંધ હોવાની જાણકારી મળી છે. શુક્રવારે સવારે 11 વાગ્યે NIAએ તેમને પૂછપરછ માટે બોલાવ્યા હતા અને સાંજે 4.50 વાગ્યે ઘરે જવા દીધા હતા.

વઝેના પૂર્વ સાથીઓની ફરી પૂછપરછ થઈ
શુક્રવારે NIAના અધિકારીઓએ સચિન વઝે સાથે કામ કરી ચૂકેલા રિયાઝુદ્દીન કાઝી અને પ્રકાશ હોવલની પણ પૂછપરછ કરી છે. આ પહેલાં પણ NIAની ટીમ આ બંનેની ઘણીવાર પૂછપરછ કરી ચૂકી છે.

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- તમે તમારા કામને નવું સ્વરૂપ આપવા માટે વધારે રચનાત્મક રીત અપનાવશો. આ સમયે શારીરિ રૂપથી પણ તમે પોતાને સ્વસ્થ અનુભવ કરશો. તમારા પ્રિયજનોની મુશ્કેલ સમયમાં તેમની મદદ કરવી તમને સુખ આપશે. નેગેટિ...

વધુ વાંચો