તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • National
  • The Janitors Working At Sangam Have Not Been Paid For 5 Months, He Said Only Respect Does Not Fill The Stomach, Sir!

PMએ જેમના પગ ધોયા, તેઓ આજે ભૂખમરાની કગાર પર:સંગમ ખાતે કામ કરતા સફાઈ કર્મચારીઓને 5 મહિનાથી વેતન મળ્યું નથી, કહ્યું- માત્ર સન્માનથી પેટ નથી ભરાતું, સાહેબ!

પ્રયાગરાજ20 દિવસ પહેલા
  • કૉપી લિંક
કુંભ 2019માં વડાપ્રધાન નરેન્દ્ર મોદીએ સફાઈ કામદારોના પગ ધોઈને વિશ્વને એક મોટો સંદેશ આપ્યો હતો. આજે એ જ સફાઈ કામદારો પાંચ મહિનાથી પગાર વગર જ કામ કરી રહ્યા છે. - Divya Bhaskar
કુંભ 2019માં વડાપ્રધાન નરેન્દ્ર મોદીએ સફાઈ કામદારોના પગ ધોઈને વિશ્વને એક મોટો સંદેશ આપ્યો હતો. આજે એ જ સફાઈ કામદારો પાંચ મહિનાથી પગાર વગર જ કામ કરી રહ્યા છે.
  • સફાઈ કર્મચારીઓને 5 મહિનાથી પગાર ન મળવાથી ઘર ચલાવવું પણ મુશ્કેલ બન્યું

કુંભ-2019માં દેશના વડાપ્રધાન નરેન્દ્ર મોદીએ સંગમના કિનારે સફાઈ કર્મચારીઓના પગ ધોઈને માન-સન્માન વધાર્યું હતું, આજે તે જ સંગમમાં કામ કરતા સફાઈ કર્મચારીઓને 5 મહિનાથી પગાર મળ્યો નથી. પગાર ન ચૂકવવાના કારણે સફાઈ કર્મચારીઓનો પરિવાર ભૂખમરાની આરે પહોંચી ગયો છે. આવી સ્થિતિમાં આ સફાઈ કર્મચારીઓએ હાથમાં પોસ્ટર સાથે વડાપ્રધાનને કહ્યું છે કે માત્ર સન્માનથી પેટ ભરાતું નથી, સાહેબ. અમને અમારી મહેનતની કમાણી જોઈએ છીએ.

પગારની માંગણી માટે નોકરીમાંથી કાઢી મૂકવાની ધમકી
સંગમ વિસ્તાર અને તેની આસપાસના વિસ્તારની સફાઈ માટે જવાબદાર સફાઈ કર્મચારીઓને નમામી ગંગે પ્રોજેક્ટ હેઠળ વેતન આપવામાં આવે છે. સ્વચ્છતા માટે જવાબદારી વિશાલ પ્રોટેક્શન ફોર્સ નામની એક કંપનીને સોંપવામાં આવી છે. આ સફાઈ કર્મચારીઓને કંપની દ્વારા છેલ્લા 5 મહિનાથી પગાર ચૂકવવામાં આવ્યો નથી. હવે તેમની સામે બે સમયની રોટલીનું પણ સંકટ આવી પડ્યું છે. સફાઈ કર્મચારી પવન કુમારે કહ્યું કે હવે અમે અમારા પરિવારનું પાલન કરવા માટે વ્યાજખોરો પાસેથી લોન લઈ રહ્યા છીએ. વ્યાજ ન ચૂકવવાને કારણે, વ્યાજખોરોએ અમને પરેશાન કરવાનું શરૂ કર્યું છે. કેટલાક મહિનાઓથી પગાર ન મળવાના કારણે મૂળ રકમતી નહીં, પરંતુ વ્યાજ પણ ચૂકવી શકતા નથી. અમારી પાસે બે સામના ભોજન માટેના પણ ફાંફા પડી ગયા છે.

લાલ પ્રતાપે કહ્યું કે મારી પત્ની હોસ્પિટલમાં દાખલ છે. હું તેની દવા ક્યાંથી કરાવી શકું? હું શાકભાજી, દવા, સાબુ અને તેલ ક્યાંથી લાવું? કશું સમજી શકતો નથી.

સંજય કુમારે કહ્યું કે અમને પાંચ-છ મહિનાથી પેમેન્ટ મળ્યું નથી. જે કોઈ પણ વેતન માંગે છે, તેને નોકરીમાંથી કાઢી મૂકવાની ધમકી આપે છે. હવે તમે મને કહો કે મારે ઘર કેમનું ચલાવવું?

એક તરફ સન્માન, બીજી તરફ પગાર ન આપીને અપમાન. સંગમ ખાતે પ્રદર્શન કરી રહેલા સફાઈ કર્મચારીઓ.
એક તરફ સન્માન, બીજી તરફ પગાર ન આપીને અપમાન. સંગમ ખાતે પ્રદર્શન કરી રહેલા સફાઈ કર્મચારીઓ.

PM દ્વારા પગ ધોવાની સાથે જ દિવસો સુધરવાની આશાઓ હતી
વડાપ્રધાન નરેન્દ્ર મોદીએ કુંભ 2019 માં સ્વચ્છતા કર્મચારીઓના પગ ધોયા હતા. આખા દેશના સફાઈ કર્મચારીઓને આનંદમાં આવી ગયા હતા. સમગ્ર વિશ્વમાં તેનો ભારે સંદેશ ગયો હતો. વિરોધી પક્ષો જ્યારે તેને રાજકીય એજન્ડા જણાવ્યો હતો, ત્યારે સમર્થકોએ દાખલો બેસાડવાની વાત કરી હતી. હાલમાં, આ સન્માનથી દેશભરના સ્વચ્છતા કર્મચારીઓના મનમાં આશા જન્મી હતી કે હવે તેમના દિવસો સુધરશે. જો કે, સંગમમાં કામ કરતા સ્વચ્છતા કામદારોના જીવનમાં એવું કશું જ બદલાયું નથી. હવે જ્યારે તેમને 5 મહિનાથી પગાર મળ્યો નથી, તો આવી સ્થિતિમાં તેમની સામે પરિવારનું ભારણ-પોષણ કરવાનું પણ સંકટ ઊભું થયું છે.

કંપનીના અધિકારીઓએ કહ્યું- જલ્દી જ મળી જશે વેતન
સફાઈ કામદારોને 5 મહિના સુધી પગાર ન ચૂકવવાની બાબત જ્યારે વિશાલ પ્રોટેક્શન ફોર્સ સમક્ષ વાત કરવામાં આવી ત્યારે કંપનીના અધિકારી જે.પી.સિંહે કહ્યું કે ટૂંક સમયમાં સફાઈ કર્મચારીઓનો પગાર આપવામાં આવશે. તેમણે કહ્યું કે સપ્ટેમ્બર મહિનામાં અમારો પ્રયત્ન રહેશે કે અમે 5 મહિનાનો પગાર આપીએ. તેમણે પગારમાં વિલંબને મહાનગરપાલિકા તરફથી ચુકવણી ન મળવા માટે જવાબદાર ગણાવ્યું હતું. તેમનું કહેવું છે કે મ્યુનિસિપલ કોર્પોરેશને ચુકવણી કરી નથી જેના કારણે પગાર આપી શકાયો નથી.

બીજી તરફ પ્રયાગરાજના મ્યુનિસિપલ કમિશનર રવિ રંજનનું કહેવું છે કે કંપની વતી કામ કરવામાં કેટલીક ખામીઓ જોવા મળી હતી, જેના કારણે પેમેન્ટ અટકાવી દેવામાં આવ્યું હતું. ઝડપી સમસ્યા હલ કરીને પેમેન્ટની ચુકવણી કરવામાં આવશે.

કોંગ્રેસે સાધ્યું સરકાર પર નિશાન
સફાઈ કર્મચારીઓને 5 મહિનાથી પગાર ન મળતા વિપક્ષી પાર્ટીઓએ સરકાર પર નિશાન સાધ્યું છે. કોંગ્રેસના નેતા બાબા અભય અવસ્થીએ કહ્યું કે ભગવાન રામે નિષાદ રાજના પગ ધોયા હતા. પીએમ મોદીએ સફાઈ કર્મચારીઓના પગ ધોઈને સન્માન કર્યું હતું, પરંતુ આજે એ જ સંગમ વિસ્તારની સફાઈ કરતા કર્મચારીઓએ દાગીના વેચીને અને વ્યાજખોરો પાસેથી લોન લઈને ઘર ચલાવવું પડી રહ્યું છે. તે દેશ માટે શરમજનક છે. પીએમ મોદીએ તેમના પગ ધોયા છે, તેમણે તેમને સન્માન પણ આપ્યું છે, પરંતુ સાહેબ માત્ર સન્માનથી તેમનું પેટ નથી ભરાતું. ઘર ચલાવવા માટે રૂપિયાની જરૂર પડે છે.

અન્ય સમાચારો પણ છે...