અનુરાગ ઠાકુરે કહ્યું- ક્રિએટિવિટી નામે અશ્લીલતા નહીં ચાલે:OTT પર વધી રહેલા અશ્લીલ કન્ટેન્ટને લઈને સરકાર ગંભીર છે

કેન્દ્રીય માહિતી અને પ્રસારણ મંત્રી અનુરાગ સિંહ ઠાકુરે કહ્યું કે, સર્જનાત્મકતાના નામે ગાળો અને અસભ્યતાને સહન કરી શકાય નહીં. OTT પર વધી રહેલી અશ્લીલ સામગ્રીની ફરિયાદને લઈને સરકાર ગંભીર છે. જો આ અંગેના નિયમોમાં કોઈ ફેરફાર કરવાની જરૂર પડશે તો મંત્રાલય પીછેહઠ કરશે નહીં. અમે અશ્લીલતા અને દુરુપયોગને રોકવા માટે કડક પગલાં લઈશું.

અનુરાગે રવિવારે નાગપુરમાં એક પ્રેસ કોન્ફરન્સમાં આ વાત કહી. કેન્દ્રીય મંત્રીએ કહ્યું કે આ પ્લેટફોર્મને ક્રિએટિવિટી માટે સ્વતંત્રતા આપવામાં આવી હતી, અપશબ્દો અને અશ્લીલતા માટે નહીં. જો કોઈ તેની મર્યાદા ઓળંગે તો તેને બિલકુલ સ્વીકારી શકાય નહીં. સરકાર આવી બાબતો પર પગલાં લેવામાં પીછેહટ નહીં કરે.

OTTને લઈને ફરિયાદ વધી
અનુરાગ ઠાકુરે કહ્યું કે, આ માટે અત્યાર સુધી એક પ્રોસેસ છે. પહેલા સ્તરે પ્રોડ્યુસરે ફરિયાદ સાંભળી તેનો ઉકેલ લાવવાનો હોય છે. 90-92% ફરિયાદનો ઉકેલ પ્રોડ્યુસર લાવતા હોય છે. આ પછી એસોસિયેશન લેવલે તેનો ઉકેલ લાવવામાં આવે છે. જો સરકારના લેવલે વાત આવે છે તો ડિપાર્ટમેન્ટ કમિટી પણ કાર્યવાહી કરે છે. અમે નિયમોને અનુરૂપ કાર્યવાહી કરીએ છીએ.

રાહુલ ગાંધી સમાચારમાં રહેવા માટે કંઈ પણ બોલે છે
આ દરમિયાન અનુરાગ ઠાકુરે કાશ્મીરમાં બળાત્કાર પીડિતો પર આપેલા નિવેદનને લઈને રાહુલ ગાંધી પર નિશાન સાધ્યું હતું. કેન્દ્રીય મંત્રીએ કહ્યું કે કેટલાક લોકો એવા છે જેઓ જે ઈચ્છે તે કંઈ પણ કહીને સમાચારમાં રહેવા માગે છે. જો તેઓ ગંભીર હોત તો મહિલાઓના મુદ્દે પણ ગંભીરતાથી વાત કરી હોત.

હવે OTT પ્લેટફોર્મ વિશે પણ જાણો
OTTનો અર્થ એ છે કે ઓવર ધ ટોપ એ સ્ટ્રીમિંગ મીડિયા સર્વર છે. તે ઇન્ટરનેટ દ્વારા વપરાશકર્તાઓ સુધી પહોંચે છે. OTT પર ડિમાન્ડ પર ત્રણ સર્વિસ ટ્રાન્ઝેક્શન વીડિયો, સબસ્ક્રિપ્શન અને એડવર્ટાઈઝિંગ વીડિયો ઓન ડિમાન્ડ છે.

આમાં, વપરાશકર્તાઓને કેબલ અથવા ડીટીએચ કનેક્શનની જરૂર નથી. તે ઇન્ટરનેટ કનેક્ટિવિટી સાથે તેમના મનપસંદ શો જોઈ શકે છે. OTTનો ટ્રેન્ડ સૌપ્રથમ અમેરિકામાં શરૂ થયો હતો. પછી ધીરે ધીરે તે અન્ય દેશોમાં ફેલાઈ ગયો. વર્ષ 2008માં, રિલાયન્સ એન્ટરટેઈનમેન્ટે બિગ ફ્લિક્સ નામથી સેવા શરૂ કરી. તે ભારતનું પ્રથમ OTT પ્લેટફોર્મ માનવામાં આવે છે.