• Gujarati News
  • National
  • The Government Has Increased The DA By 3 Per Cent, Benefiting More Than 1 Crore Employees pensioners

કેન્દ્રીય કર્મચારીઓને દિવાળી ગિફ્ટ:સરકારે મોંઘવારી ભથ્થામાં 3 ટકાનો વધારો કર્યો, 1 કરોડથી વધારે કર્મચારી-પેન્શનર્સને લાભ મળશે

એક મહિનો પહેલા
  • કૉપી લિંક
  • DAમાં 3 ટકાનો વધારો થતાં હવે મોંઘવારી ભથ્થું 31 ટકા થયું

કેન્દ્ર સરકારના કર્મચારીઓ અને પેન્શનર્સો માટે સરકારે આજે ખુશના સમાચાર આપ્યા છે. તેમને દિવાળીની ભેટ સ્વરૂપે મોંઘવારી ભથ્થું વધારવાનો નિર્ણય લેવામાં આવ્યો છે. કેબિનેટ બેઠકમાં આજે કેન્દ્ર સરકારના કર્મચારીઓ અને પેન્શન મેળવતા લોકોનું મોંઘવારી ભથ્થામાં 3 ટકાનો વધારો કરવાની મંજૂરી આપવામાં આવી છે.

DAમાં 3 ટકાનો વધારો થવાનો અર્થ છે કે હવે મોંઘવારી ભથ્થું (DA) 31% થશે. સરકારના આ નિર્ણયથી 1 કરોડથી વધારે કેન્દ્રીય કર્મચારીઓ અને પેન્શનર્સને ફાયદો મળશે.

નોંધનીય છે કે આ વર્ષે જુલાઈમાં જ સરકારે મોંઘવારી ભથ્થામાં 11 ટકાનો વધારો કરીને એને 28 ટકા કર્યું હતું. આ પહેલાં મોંઘવારી ભથ્થાની ચુકવણી 17 ટકાના દરથી કરવામાં આવતી હતી.

કેમ કરાયો વધારો?
હકીકતમાં લેબર મિનિસ્ટ્રીએ AICPI (All India Consumer Price Index)એ છેલ્લા 3 મહિનાના આંકડા જાહેર કર્યા હતા. એમાં જૂન, જુલાઈ અને ઓગસ્ટના આંકડા સામેલ હતા. AICPI ઇન્ડેક્સ ઓગસ્ટમાં 123 અંક પર પહોંચી ગયો છે. એનાથી જ સંકેત મળ્યો છે કે મોંઘવારી ભથ્થામાં સરકાર આગામી સમયમાં વધારો કરી શકે છે. એના આધારે જ કેન્દ્રીય કર્મચારીઓનું મોંઘવારી ભથ્થું નક્કી કરવામાં આવે છે.

વધારાની અસર બીજા અલાઉન્સમાં પણ
મોંઘવારી ભથ્થું વધવાથી બીજા અલાઉન્સમાં ફાયદો મળશે. એમાં ટ્રાવેલ અલાઉન્સ અને સિટી અલાઉન્સ સામેલ છે. એ ઉપરાંત રિયાટર્મેન્ટ માટે પ્રોવિડન્ટ ફંડ અને ગ્રેચ્યુટીમાં પણ વધારો થશે.

એક વર્ષમાં ઓછામાં ઓછો કેટલો ફાયદો મળશે

ઓછામાં ઓછી સેલરી 18,000 રૂપિયાના આધારે કરવામાં આવેલી ગણતરી 1. કર્મચારીની બેઝિક સેલરી- 18,000 રૂપિયા 2. નવું મોંઘવારી ભથ્થું (31%)- 5580 રૂપિયા/મહિને 3. અત્યારસુધીનું મોંઘવારી ભથ્થું (28%)- 5040 રૂપિયા/મહિને 4. કેટલું મોંઘવારી ભથ્થું વધ્યું- 5580-5040- 540 રૂપિયા મહિને 5. વાર્ષિક સેલરીમાં વધારો- 540*12= 6480 રૂપિયા

અન્ય સમાચારો પણ છે...