• Gujarati News
  • National
  • The Goat Was Returning After Offering Prayers On Eid, People Said Yogi Government Should Give Small big Award To The Driver

એક રિક્ષામાં 27 મુસાફરનો VIDEO:બકરી ઈદ પર નમાઝ અદા કરીને પરત ફરી રહ્યા હતા, લોકોએ કહ્યું- યોગી સરકારે ડ્રાઈવરને નાનો-મોટો એવોર્ડ જરૂર આપવો જોઈએ

ફતેહપુર3 મહિનો પહેલા
  • લોકો સોશિયલ મીડિયા પર વીડિયો જોઈને મજા માણી રહ્યા છે.

એક રિક્ષા અને 26 મુસાફર. આ વાત સાંભળીને નવાઈ લાગી શકે છે. પરંતુ, તે સાચું છે. ઉત્તરપ્રદેશનાંફતેહપુરમાં એક ડ્રાઈવર 26 લોકોને રિક્ષામાં બેસાડીને રિક્ષા ચલાવી રહ્યો હતો. તે સ્પીડમાં જઈ રહ્યો હતો ત્યારે તેના પર પોલીસની નજર પડી. જ્યારે પોલીસકર્મીઓએ રિક્ષાને રોકી ત્યારે તેઓ પણ ચોંકી ઉઠ્યા હતા. પોલીસે ગણતરી કરીને રિક્ષામાંથી એક પછી એક 27 લોકોને બહાર કાઢ્યા હતા. બકરીઈદ પર નમાજ અદા કરીને બધા પરત ફરી રહ્યા હતા.

લોકો સોશિયલ મીડિયા પર વીડિયો જોઈને મજા માણી રહ્યા છે. જ્યારે કોઈએ રિક્ષાને મીની બસ તરીકે જાહેર કરવાની માંગ કરી તો કોઈએ કહ્યું, "ડ્રાઈવરને યોગી સરકારને કોઈ નાનો-મોટો પુરસ્કાર જરૂરથી આપવો જોઈએ." તમે ઉપરના ફોટા પર ક્લિક કરીને સંપૂર્ણ વિડિયો પણ જોઈ શકો છો.

આ રિક્ષોનો ફોટો છે, જેમાં 27 લોકો સવાર હતા.
આ રિક્ષોનો ફોટો છે, જેમાં 27 લોકો સવાર હતા.

રિક્ષા લાલૌલી ચારરસ્તા પર ઝડપથી પસાર થઈ ત્યારે પોલીસે તેને રોકી હતી
આ ઘટના બિંદકી કોતવાલી વિસ્તારના લાલૌલી ચોકની છે. બકરીઈદને લઈને ચોકડી પર પોલીસ તહેનાત હતી. આ દરમિયાન એક ઓટો રિક્ષા ઝડપથી નીકળી, પછી પોલીસકર્મીઓએ દોડીને તેને અટકાવી હતી. કોતવાલી પ્રભારી રવિન્દ્ર શ્રીવાસ્તવે એક પછી એક બાળકો અને વડીલોને ઓટો રિક્ષામાંથી બહાર કાઢ્યા હતા. તમામ મહારહા ગામના રહેવાસી હતા. બકરીઈદની નમાજ પઢીને બધા ગામ જઈ રહ્યા હતા. હાલ પોલીસે ઓટો રિક્ષા કબજે કરી લીધી છે.

કોતવાલી ઈન્ચાર્જ રવિન્દ્રએ કહ્યું હતુ કે બકરીઈદ હોવાથી અમે ડ્યૂટી કરી રહ્યા હતા. આ દરમિયાન એક રિક્ષા ચાર રસ્તા પરથી પૂરપાટ ઝડપે પસાર થઈ હતી. જેને અમે દોડીને અટકાવી હતી. ગણતરીમાં ડ્રાઈવર સહિત 27 લોકો ઓટોમાંથી બહાર નીકળ્યા હતા. જેમાં 5 લોકો મોટી ઉંમરના હતા. બાકીના બધા બાળકો હતા. હાલ રિક્ષાને સીલ કરી દેવામાં આવી છે."

આ વીડિયો સોશિયલ મીડિયા પર ઝડપથી વાયરલ થઈ રહ્યો છે. સોશિયલ મીડિયા યુઝર્સ આના પર અનેક રીતે કોમેન્ટ કરી રહ્યા છે, તમે પણ વાંચો...

અન્ય સમાચારો પણ છે...