મુઝફ્ફરપુર:સનરૂફ ખોલી ડાન્સ કરતી હતી દુલ્હન, અચાનક બેકાબૂ કારે જાનૈયાઓને ઉડાવ્યા

ઉત્તર પ્રદેશના મુઝફ્ફરપુરમાં જાન પરણવા આવી ત્યારે એક બેકાબૂ કારે જાનૈયાને ટક્કર મારી હતી. જેમાં એક વ્યક્તિનું મોત થયું અને 13 લોકો ઘાયલ થયાં હતાં. આ સમગ્ર ઘટના મોબાઇલના કૅમેરામાં કેદ થઈ ગઈ હતી. વીડિયોમાં સ્પષ્ટ જોઈ શકાય છે કે, જાન પરણવા આવી ત્યારે દુલ્હન વરરાજાનું સ્વાગત કરવા માટે એક કારના સનરૂફમાંથી બહાર નીકળી ડાન્સ કરી રહી છે. આ દરમિયાન કારની વિન્ડો પર પણ કેટલાક જાનૈયાઓ લટકીને ડાન્સ કરી રહ્યા છે અને જોત જાતામાં એક બેકાબૂ કાર ટક્કર મારે છે અને કેટલાક જાનૈયાઓ હવામાં ફંગોળાય છે. મહત્ત્વનું છે કે, આ દુર્ઘટનામાં દુલ્હનને કોઈ ઈજા થઈ નથી, પણ અકસ્માત સર્જી કારચાલક ભાગી ગયો હતો. પોલીસે આ બાબતે ફરિયાદ નોંધી આરોપી કારચાલકની વધુ તપાસ હાથ ધરી છે.