હિમાચલના CM સુખવિંદર સુખુને થયો કોરોના:PM મોદીને મળતાં પહેલાં ટેસ્ટ કરાવ્યો; હવે વડાપ્રધાન સાથેની બેઠક મુલતવી

હિમાચલના મુખ્યમંત્રી સુખવિંદર સિંહ સુખુ કોરોના પોઝિટિવ આવ્યા છે. તેમણે આજે દિલ્હીમાં વડાપ્રધાન નરેન્દ્ર મોદી મળ્યાં પહેલાં પ્રોટોકોલ મુજબ તેમનો કોરોના ટેસ્ટ કરાવ્યો હતો. તેમનો રિપોર્ટ કોરોના પોઝિટિવ આવ્યો હતો. હવે તે PMને પણ મળી શકશે નહીં.

એવું કહેવામાં આવી રહ્યું છે કે, મુખ્યમંત્રીએ દિલ્હીના હિમાચલ ભવનમાં પોતાને ક્વોરેન્ટાઇન કર્યા છે. તેમની સાથે દિલ્હી ગયેલી ટીમને પણ આગામી ત્રણ દિવસ માટે હિમાચલ ભવનમાં ક્વોરેન્ટાઈન કરવામાં આવશે. શક્ય છે કે હવે તેમના આગામી કાર્યક્રમમાં પણ ફેરફાર થાય.

તમને જણાવી દઈએ કે, મુખ્યમંત્રીએ આજે વડાપ્રધાન નરેન્દ્ર મોદી સાથે મુલાકાત કરવાની હતી. તેમને PMO ને મળવાનો સમય પણ મળ્યો. આજે બપોરે 11 થી 12 દરમિયાન તેમની બેઠકનો પ્રસ્તાવ હતો. પરંતુ, તેમનો રિપોર્ટ પોઝિટિવ આવ્યો હતો. સારી વાત એ છે કે CMમાં બીમારીના કોઈ લક્ષણ દેખાતા નથી અને તેઓ સંપૂર્ણ સ્વસ્થ છે.

દિલ્હીથી બપોરે શિમલા પરત ફર્યા બાદ તેઓ આજે રાજભવન ખાતે યોજાનાર પ્રોટેમ સ્પીકરના શપથ સમારોહમાં પણ હાજરી આપવાના હતા. 21મી ડિસેમ્બરે ધર્મશાળામાં કૃતજ્ઞતા રેલીનું આયોજન કરવામાં આવ્યું હતું. તેમણે 22 થી 24 ડિસેમ્બર દરમિયાન તપોવન ધર્મશાળામાં વિધાનસભાના શિયાળુ સત્રમાં હાજરી આપવાની છે.

14 ડિસેમ્બરે શિમલાથી દિલ્હી ગયા હતા CM
​​​​​​​જણાવી દઈએ કે સુખવિંદર સુખુ 14 ડિસેમ્બરે શિમલાથી દિલ્હી ગયાં હતાં. 15 ડિસેમ્બરે દિલ્હીથી તેઓ તમામ ધારાસભ્યો સાથે રાજસ્થાન ગયાં હતાં. અહીં તેમણે 16 ડિસેમ્બરે રાહુલ ગાંધીની ભારત જોડો યાત્રામાં પણ ભાગ લીધો હતો. સીએમ સુખુ એ જ દિવસે રાત્રે દિલ્હી પહોંચ્યા હતા અને 17 અને 18 ડિસેમ્બરે તેઓ ઘણા કેન્દ્રીય નેતાઓને મળ્યા હતા. NSUI અને યુથ કોંગ્રેસ દ્વારા આયોજિત સન્માન સમારોહમાં પણ હાજરી આપી હતી.