તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • Dvb original
  • Remained A Teacher For 10 Years, Started Cultivating Strawberries In Corona Due To Job Difficulties, Today Earns Millions Of Rupees

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

આજના પોઝિટિવ સમાચાર:10 વર્ષ શિક્ષક રહ્યા, કોરોનામાં નોકરીમાં મુશ્કેલી આવી તો સ્ટ્રોબેરીની ખેતી કરવાનું શરૂ કર્યું, આજે લાખો રૂપિયાની કમાણી કરે છે

વારાણસી13 દિવસ પહેલાલેખક: અમિત મુખર્જી
  • કૉપી લિંક
વારાણસીમા રહેતા રમેશ મિશ્રા તેમના મિત્ર મદન મોહન તિવારી સાથે મળી બે એકરમાં સ્ટ્રોબેરીની ખેતી કરી રહ્યા છે - Divya Bhaskar
વારાણસીમા રહેતા રમેશ મિશ્રા તેમના મિત્ર મદન મોહન તિવારી સાથે મળી બે એકરમાં સ્ટ્રોબેરીની ખેતી કરી રહ્યા છે

બનારસના રહેવાસી રમેશ મિશ્રા એક પ્રાઈવેટ સ્કૂલમાં શિક્ષક હતા. બધુ જ સામાન્ય ચાલી રહ્યું હતું, પણ પછી કોરોના આવ્યો અને તમામ સમીકરણો બદલાઈ ગયા. સ્કૂલની નોકરીમાં મુશ્કેલી આવવા લાગી તો નોકરી છોડી દીધી. પણ, હવે પ્રશ્ન એ હતો કે શું કરવામાં આવે? રમેશે ઘણા વિચાર કર્યાં બાદ સ્ટ્રોબેરીની ખેતી કરવાનો નિર્ણય લીધો. તેમના એક મિત્રનું કામ પણ કોરોનાને લીધે બંધ થઈ ગયું હતું, તેમને પણ સાથે લીધા અને સ્ટ્રોબેરીની ખેતી કરવાની શરૂઆત કરી. શરૂઆતમાં કેટલીક મુશ્કેલી આવી, પણ હવે આ ખેતી રમેશને લાખો રૂપિયાનો નફો કરાવી રહી છે. અત્રે ઉલ્લેખનીય છે કે ફૂડ અને કોસ્મેટિક ઈન્ડસ્ટ્રીઝમાં સ્ટ્રોબેરીની ઘણી માંગ છે.

લોકડાઉનની મુશ્કેલીએ કાઢ્યો નવો માર્ગ
રમેશ મિશ્રા બનારસ નજીક આવેલા એક ગામના રહેવાસી છે. BHUથી સ્નાતક થયા છે અને બાસ્કેટબોલમાં ઈન્ટર યુનિવર્સિટી લેવલ સુધી રમી ચુક્યા છે. ટીચિંગના દસ વર્ષથી વધારે અનુભવ છે. રમેશ કહે છે કે લોકડાઉન લાગ્યા બાદ લોકોની નોકરીઓ સતત જવા લાગી હતી. હું પણ અન્ય કામ જોઈ રહ્યો હતો. દરરોજ કલાકો ઈન્ટરનેટ પર સર્ચ કરતો હતો કે ક્યાંક કોઈ નોકરી મળી જાય, પણ કંઈ જ સુજતું ન હતું. કેટલાક લોકોએ કહ્યું કે સ્ટ્રોબેરીની ખેતીમાં ઘણો નફો મળી રહ્યો છે, પણ હું તે અંગે વિશેષ જાણકારી ધરાવતો ન હતો. આજુબાજુના વિસ્તારોમાં પણ સ્ટ્રોબેરીની ખેતી કોઈ કરતું ન હતું જેથી કોઈ જાણકારી મળી શકે.
ત્યારબાદ હું ઈન્ટરનેટ પર જ રમેશને જાણ થઈ કે પુણેમાં સ્ટ્રોબેરીની ખેતી કરનારા ઘણા લોકો છે. ત્યારબાદ તે પુણે ગયો અને ત્યાં કેટલાક સપ્તાહ રહી સ્ટ્રોબેરીની ખેતીની જાણકારી મેળવી. તે કહે છે કે પુણેમાં છોડની જાળવણી, ટપક પદ્ધતિથી સિંચાઈ જેવી વિવિધ બાબતો શીખવા મળી. એ વાતનો પણ અંદાજ લગાવી શકાયો કે આ ખેતી માટે શરૂઆતમાં કેટલી જમીનની જરૂર પડે છે અને તેમા કેટલા પૈસાનું રોકાણ કરવું પડે છે.

રમેશ પુણે ગયા અને ત્યાં કેટલાક સપ્તાહ રહી તેમણે સ્ટ્રોબેરીની ખેતીનું ઝીણવટભર્યું અધ્યયન કર્યું, ત્યારબાદ તેઓ વારાણસી આવી ખેતી કરવાની શરૂઆત કરી
રમેશ પુણે ગયા અને ત્યાં કેટલાક સપ્તાહ રહી તેમણે સ્ટ્રોબેરીની ખેતીનું ઝીણવટભર્યું અધ્યયન કર્યું, ત્યારબાદ તેઓ વારાણસી આવી ખેતી કરવાની શરૂઆત કરી

પુણેથી 15 હજાર છોડ મંગાવ્યા, એક છોડની કિંમત રૂપિયા 15 હતી
સ્ટ્રોબેરીની ખેતી નફાવાળી ખેતી બને તે માટે ઓછામાં ઓછી બે એકર જમીન જોઈએ છે. રમેશ કહે છે કે મારી પાસે આટલા પ્રમાણમાં જમીન ન હતી. પણ આ મુશ્કેલીનો પણ ઉકેલ આવી ગયો. તે કહે છે કે મારા મિત્ર મદન મોહન તિવારીનું સપ્લાઈનું કામ હતું, પણ કોરોનાને લીધે તે પણ બંધ હતું. મે તેમની સમક્ષ સ્ટ્રોબેરીની ખેતી કરવાનો પ્રસ્તાવ રજૂ કર્યો તો તેઓ તૈયાર થઈ ગયા. મદન સાથે જોડાયા બાદ જમીનની સમસ્યા પણ ઉકેલાઈ ગઈ. મદને ત્રણ એકરની વ્યવસ્થા કરી આપી. જે પૈકી બે એકરમાં સ્ટ્રોબેરી અને એક એકરમાં શાકભાજી લગાવવામાં આવી.

સ્ટ્રોબેરીના છોડની દેખરેખ બાળકોની માફક કરવી પડે છે, આ માટે રમેશે સાત મહિલાઓને કામ પર રાખ્યા છે. તેઓ છોડની કાળજી લે છે.
સ્ટ્રોબેરીના છોડની દેખરેખ બાળકોની માફક કરવી પડે છે, આ માટે રમેશે સાત મહિલાઓને કામ પર રાખ્યા છે. તેઓ છોડની કાળજી લે છે.

મદન કહે છે કે કોરોનાને લીધે જૂના કામો ઠપ્પ થઈ ગયા હતા,લાગી રહ્યું હતું કે બસ બધુ જ ખતમ થઈ ગયું છે. માટે રમેશ સાથે સ્ટ્રોબેરીની ખેતી કરવાની શરૂઆત કરી. જમીન અને પાણીની તપાસ કરાવી. પુણેથી 15 હજાર છોડ મંગાવ્યા. અમે સ્ટ્રોબેરીનો એક છોડ 15 રૂપિયાનો હતો. આ ઉપરાંત અમે સ્ટ્રોબેરીની ખેતી માટે આવશ્યક ઈન્ફ્રાસ્ટ્રક્ચર-ડ્રીપ ઈરિગેશન માટે સેટઅપ વગેરેની પણ વ્યવસ્થા કરી. ત્યારબાદ ઓર્ગેનિક પદ્ધતિથી ખેતીની શરૂઆત કરી અને આજે અમે ઘણો નફો મેળવી રહ્યા છીએ. રમેશ પણ આ વાત કહી રહ્યા છે. લોકડાઉનની સૌથી મોટો બોધ એ હતો કે નોકરીથી કોઈ પણ કાઢી શકે છે, માટે કંઈક પોતાનું કામ કરો. રમેશ કહે છે કે શરૂઆતમાં બે એકર જમીનમાં સ્ટ્રોબેરી લગાવવામાં 7થી 8 લાખ રૂપિયાનો ખર્ચ થતો હતો. આ ઉપરાંત સ્ટ્રોબેરીની ખેતીમાં ખૂબ જ કાળજી રાખવી પડતી હતી. તે કહે છે કે સ્ટ્રોબેરીના છોડની દેખરેખ બાળકની માફક કરવી પડે છે. અમે બન્ને સવારે જ ખેતી કરવા જઈએ છીએ. તડકામાં છોડને તપાસી છીએ. કોઈ છોડ કરમાઈ ન જાય તેની કાળજી રાખી છીએ. છોડ પર કોઈ પણ જગ્યાથી માટી જમા ન થાય તેનું ધ્યાન રાખી છીએ. દિવસભરમાં અનેક વખત ડસ્ટને સાફ કરી છીએ. આ માટે ગામની સાત મહિલાઓને કામ પર રાખી છે. પક્ષીઓ, કીટકોથી બચાવવા માટે ઓડિયો ટેપની રીલને છોડથી પાંચથી સાત ફૂટ ઉપર લગાવવામાં આવે છે, જેથી તે સુરક્ષિત રહે.

સ્ટ્રોબેરીના પેકિંગનું કામ રમેશ અને મદન જાતે જ કરે છે
સ્ટ્રોબેરીના પેકિંગનું કામ રમેશ અને મદન જાતે જ કરે છે

રૂપિયા 300 પ્રતિ કિલો હિસાબથી સ્ટ્રોબેરીનું વેચાણ કરી છીએ
ઉત્પાદન વેચવા અંગે રમેશ કહે છે કે નવેમ્બર,2020માં અમે લોકોએ દિલ્હી માલ મોકલવાની વાત કરી હતી, પણ બાદમાં લોકલ માર્કેટથી માંગ આવવા લાગી તો અમે બનારસ અને આજુહાજુ સ્ટ્રોબેરીનો સપ્લાઈ કરવા લાગ્યા. અહીં રૂપિયા 300 પ્રતિ કીલો હિસાબથી અમે સ્ટ્રોબેરીનું વેચાણ કરી છીએ. એક છોડથી 500થી 700 ગ્રામ સુધી સ્ટ્રોબેરીનું ઉત્પાદન થાય છે.

કેવી રીતે કરશો તેની ખેતી?
સ્ટ્રોબેરીની ખેતી ઓગસ્ટ-સપ્ટેમ્બર મહિનામાં તેના છોડ લગાવવા સાથે શરૂ થાય છે. આ માટે તાપમાન 30 ડિગ્રીથી વધારે તાપમાન ન હોવું જોઈએ. જો ગરમી વધે છે તો પાકને નુકસાન થાય છે. જોકે વધારે તાપમાનવાળી જગ્યા પર પણ લોકો હવે તેની ખેતી કરવા લાગ્યા છે.

રમેશ કહે છે કે સ્ટ્રોબેરીની ખેતીમાં દેખરેખની ખૂબ જ જરૂર રહે છે, માટે તેને વધારે જમીન પર કરવી જોઈએ નહીં, અન્યતા તમે સંપૂર્ણ પાકની પૂરતી કાળજી લઈ શકશો નહીં. મોટાપાયે સ્ટ્રોબેરીની ખેતી ત્યારે જ કરવી જોઈએ કે જ્યારે તમારી પાસે તેની દેખભાલ કરવા માટે પૂરતા પ્રમાણમાં સંશાધન હોય, અન્યથા નુકસાન થવાનું જોખમ રહે છે.

અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- તમારા પોઝિટિવ અને સંતુલિત વિચાર દ્વારા થોડા સમયથી ચાલી રહેલી પરેશાનીઓનો ઉકેલ મળી શકશે. તમે એક નવી ઊર્જા સાથે તમારા કાર્યો પ્રત્યે ધ્યાન કેન્દ્રિત કરી શકશો. જો કોઇ કોર્ટ કેસને લગતી કાર્યવાહી ...

    વધુ વાંચો