'રાજીવના હત્યારા છૂટી ગયા, મને પણ છોડી દો':સ્વામી શ્રદ્ધાનંદની SCને અપીલ- 'વગર પેરોલ 29 વર્ષથી જેલમાં છું'

3 મહિનો પહેલા
  • કૉપી લિંક

પત્નીના પૈસા માટે તેની હત્યા કરનાર 80 વર્ષના સ્વામી શ્રદ્ધાનંદે સુપ્રીમ કોર્ટમાં પોતાને છોડવા માટેની માગ કરી છે. શ્રદ્ધાનંદે અપીલમાં કહ્યું છે કે રાજીવ ગાંધીના હત્યારાઓને છૂટા કર્યા છે, હવે મને પણ મુક્તિ આપો. શ્રદ્ધાનંદના વકીલે CJI ડીવાય ચંદ્રચૂડ, જસ્ટિસ હિમા કોહલીની બેન્ચની પાસે અરજી કરી છે. સ્વામી શ્રદ્ધાનંદ પત્ની શકીરાની હત્યાના આરોપમાં માર્ચ 1994થી જેલમાં છે.

પહેલા જાણો કેમ સજા કાપી રહ્યા છે શ્રદ્ધાનંદ
મૈસુરના એક પૂર્વ દીવાન સર મિર્ઝા ઇસ્માઇલની પૌત્રી શકીરા ઓસ્ટ્રેલિયા અને ઇરાનમાં ભારતના પૂર્વ રાજદૂત રહેલા અકબર ખલીલી સાથે છૂટાછેડા આપીને લગ્ન તોડી નાખ્યાં હતાં. તેના એક વર્ષ પછી 1986માં શકીરાએ શ્રદ્ધાનંદ સાથે લગ્ન કર્યાં હતા.

શ્રદ્ધાનંદ (જમણે), અકબર ખલીલી અને શકીરને 1982માં બેંગ્લોરમાં પ્રથમ વખત મળ્યા હતા.
શ્રદ્ધાનંદ (જમણે), અકબર ખલીલી અને શકીરને 1982માં બેંગ્લોરમાં પ્રથમ વખત મળ્યા હતા.

શ્રદ્ધાનંગ પર આરોપ છે કે તેણે 600 કરોડની સંપત્તિ હડપવા માટે શકીરાને 1991માં માદક પદાર્થ આપીને બેંગલૂરુના રિચમંડ રોડ પર બનેલા બંગલામાં જીવતી દાટી દીધી હતી. ત્યાર બાદ 30 એપ્રિલ 1994ના શ્રદ્ધાનંદને એરેસ્ટ કરવામાં આવ્યા.

2000માં ટ્રાયલ કોર્ટે તેને મોતની સજા સંભળાવી હતી. 2005માં કર્ણાટક હાઇકોર્ટે સજા બહાલ રાખી હતી. પછી સુપ્રીમ કોર્ટે શ્રદ્ધાનંદની અપીલ પર 2008માં મોતની સજાને વગર કોઇ છૂટછાટ જન્મટીપમાં તબદીલ કરી હતી.

ભારતીય ન્યાયતંત્રમાં પ્રથમ વખત શકિરની કબર ખોદવાનું વીડિયો રેકોર્ડિંગ થયું હતું.
ભારતીય ન્યાયતંત્રમાં પ્રથમ વખત શકિરની કબર ખોદવાનું વીડિયો રેકોર્ડિંગ થયું હતું.

વકીલ બોલ્યા-આ સમાનતાના અધિકારનું ઉલંઘન
શ્રદ્ધાનંદના વકીલ વરુણ ઠાકુરે CJI ડીવાય ચંદ્રચૂડ, જસ્ટિસ હિમા કોહલી અને જસ્ટિસ જેબી પારદીવાલાની બેન્ચને કહ્યું કે દોષીને એક હત્યા માટે વગર કોઇ છૂટછાટ જન્મટીપ આપવામાં આવી હતી. તે પહેલાં પણ 29 વર્ષ જેલમાં વિતાવી ચૂક્યા છે, ત્યાં સુધી કે તેમને એક પણ દિવસની પેરોલ મળી નથી.

ઠાકુરે કહ્યું-પૂર્વ પ્રધાનમંત્રી રાજીવ ગાંધીની હત્યાના દોષી 30 સાલની કેદ પછી પેરોલ પર છોડવામાં આવ્યા છે. આ સમાનતાના અધિકારનું ઉલંઘનનો મામલો છે. ત્યાર બાદ બેન્ચ જલદી સુનાવણી માટે તૈયાર થઇ ગઇ છે.

ઠાકુરે અ પણ કહ્યું કે અપીલકર્તા 80 વર્ષથી વધુ ઉંમરના છે અને માર્ચ 1994થી જેલમાં છે. મૃત્યુદંડ છતાં તેને ત્રણ વરસ માટે બેલગામ જેલમાં એકાંત કારાવાસમાં રાખવામાં આવ્યો હતો. તે કેટલીય બીમારીઓથી પીડિત છે.

અન્ય સમાચારો પણ છે...