પોલીસ સામે ગુંડાગર્દી કરીને હંગામો કર્યો, VIDEO:કારમાં સિગારેટ પીવા પર રોક્યો, પહેલા તો માન્યો નહીં; પછી કેસ દાખલ થતાં જોઈને માફી માગી

પંજાબના લુધિયાણામાં જગરાં બ્રિજ પર એક એન્જિનિયરે હાઈવોલ્ટેજ ડ્રામા કર્યો હતો. તે કારમાં સાર્વજનિક સ્થળે સિગારેટ પી રહ્યો હતો, જેના પર ટ્રાફિક પોલીસે તેને ના પાડી હતી, પરંતુ તે પોલીસકર્મીને કટ મારીને ભાગી ગયો હતો.

આ દરમિયાન ટ્રાફિક પોલીસ અધિકારી પરમજીત સિંહે આગળના ચોકમાં તહેનાત પોલીસ કર્મચારીઓને બોલાવીને તે યુવકને રોકવા માટે કહ્યું હતું, પરંતુ તે યુવક ત્યાં પણ રોકાયો નહીં. થોડા સમય પછી, જ્યારે તેણે જાલંધર બાયપાસ પર પાછા જવા માટે જગરાં બ્રિજ પરથી વાહન પરત લેવાનું શરૂ કર્યું હતું, ત્યારે ટ્રાફિક કર્મચારીએ તેને પકડી લીધો હતો.

આ દરમિયાન યુવાન રિષભે જગરાં બ્રિજ પર ભારે હોબાળો મચાવ્યો હતો. તે પોતાને પૂર્વ મંત્રી ભારત ભૂષણ આશુનો પાડોશી કહેવા લાગ્યો હતો. ટ્રાફિક સ્ટાફે મામલો વધતો જોઈને ટ્રાફિક ઝોનના ઈન્ચાર્જ અશોકકુમારને સ્થળ પર બોલાવ્યા હતા. સાથે જ પોલીસ સ્ટેશન ડિવિઝનને પણ જાણ કરવામાં આવી હતી.

જ્યારે યુવકે તેની સામે કેસ નોંધવાની પ્રક્રિયા જોઈ તો તેની અકડ નીકળી ગઈ હતી. યુવકે પોલીસ કર્મચારીઓની માફી માગી અને મેમો આપીને પોતાને બચાવ્યો હતો.

ASIને કહ્યું- પોલીસ શિક્ષિત હોવી જોઈએ
તમને જણાવી દઈએ કે પોલીસથી નારાજ યુવકે ASI ગુરમીત અને પરમજીત સિંહ સાથે મળીને જગરાં બ્રિજ પર લગભગ 2 કલાક સુધી ડ્રામા કર્યો હતો. પોલીસ કર્મચારીઓએ યુવકને તેની કારમાંથી બહાર આવીને વાહનની RC ચેક કરાવવા કહ્યું હતું. યુવક કારમાંથી બહાર ના નીકળવાની વાત પર અડગ રહ્યો હતો. યુવકે ઓનલાઈન RC ચેક કરવાનું કહ્યું હતું. રોષે ભરાયેલા યુવકે તો ત્યાં સુધી કહ્યું કે શિક્ષિત પોલીસને ચોક પર તહેનાત કરવી જોઈએ.

મહિલાઓના મેમો ફાડવા પર જીદ પકડી
કાર ચાલકનો ઘમંડ એટલો બધો હતો કે તેણે પોલીસ કર્મચારીઓની સામે ચોકની વચ્ચે જ ધુમ્રપાન કરવાનું શરૂ કરી દીધું હતું. તેણે પોલીસ કર્મચારીઓ સાથે દલીલ કરવાનું શરૂ કર્યું કે આટલી બધી મહિલાઓ હેલ્મેટ વિના જઈ રહી છે, તે તેમનો મેમો કેમ ફાડતા નથી. દરમિયાન, પોલીસ કર્મચારીઓએ જણાવ્યું હતું કે કારમાં ધૂમ્રપાનને કારણે આગનું જોખમ છે, તેથી તેને કારમાં ધૂમ્રપાન ન કરવા માટે અટકાવવામાં આવ્યો હતો.

યુવકે શું કહ્યું?
યુવક રિષભે કહ્યું હતું કે તે કોઈ મહત્વપૂર્ણ કામ માટે ક્યાંક જઈ રહ્યો છે. તેને મોડું થઈ રહ્યું હતું, જેના કારણે તેણે ગુસ્સામાં પોલીસ કર્મચારીઓ સાથે ગેરવર્તન કર્યું હતું. આ માટે તે શરમ અનુભવે છે. તેણે માફી માગી છે.