• Gujarati News
  • National
  • Seeing The Tough Stance Of The Nihang Government, Which Was Firm In The Morning, Softened; The Connection With The Peasant Movement Also Increased The Pressure On The Nihangs

નિહંગના આત્મસમર્પણની ઇનસાઈડ સ્ટ્રોરી:સવારે મક્કમ રહેલા નિહંગ સરકારનું કડક વલણ જોતા પડ્યા નરમ; ખેડૂત આંદોલન સાથે મામલો જોડવાના કારણે પણ નિહંગો પર વધ્યું દબાણ

સોનીપતએક મહિનો પહેલા
  • સોનીપતની સિંઘુ બોર્ડર પર લખબીર સિંહની નિર્દયતાથી હત્યા કરવામાં આવી હતી

શુક્રવારે વહેલી સવારે તરનતારનના લખબીર સિંહની સોનીપતની સિંઘુ બોર્ડર પર નિર્દયતાથી હત્યા કરવામાં આવી હતી. આ કિસ્સામાં કુંડલી પોલીસ સ્ટેશનમાં બેસીને નિહંગના શરણાગતિની સ્ક્રિપ્ટ લખવામાં આવી હતી. ગુનાના15 કલાકની અંદર આ શરણાગતિમાં ઘણા પરિબળોએ મહત્વની ભૂમિકા ભજવી હતી. કાયદો અને વ્યવસ્થાના મુદ્દે હરિયાણા સરકારનું કડક વલણ, ઘટનાનું હેડલાઇન્સ બનવું, આ ઘટનાને ક્યાંકને ક્યાંક ખેડૂતો આંદોલન સાથે જોડીને જોવામાં આવી રહી અને સંયુક્ત કિસાન મોરચા દ્વારા આ ઘટનાની નિંદા કરવી, આ બધા કારણોસર નિહંગો પર દબાણ વધતું રહ્યું હતું.

ચંદીગઢમાં મુખ્યમંત્રીના નિવાસસ્થાને મુખ્યમંત્રી મનોહર લાલની ગૃહમંત્રી અનિલ વિજ, ડીજીપી પીકે અગ્રવાલ અને અન્ય વરિષ્ઠ અધિકારીઓ સાથે ઉચ્ચ સ્તરીય બેઠકના લગભગ 2 કલાકની અંદર જ નિહંગ સરબજીત સિંહે શરણાગતિ સ્વીકારી હતી. કાયદો અને વ્યવસ્થાના મુદ્દે હરિયાણા સરકાર વતી, રોહતક રેન્જના આઈજી સંદીપ ખિરવારે મોરચો સંભાળ્યો. શુક્રવારે બપોરે 2.15 કલાકે સોનીપતના ડીસી લલિત સિવાચ અને એસપી જશ્નદીપ સિંહ રંધાવા સાથે કુંડલી પોલીસ સ્ટેશન પહોંચ્યા. ખિરવારે અહીં બેસીને નિહંગ જેઠબંધુઓ અને ખેડૂતોના આંદોલન સાથે જોડાયેલા સંગઠનોનો સંપર્ક કર્યો. ખિરવારે તેને હત્યા માટેના જવાબદાર લોકોને હાજર થવા બાબતે વાતચીત શરૂ થઈ.

કુંડલી પોલીસ સ્ટેશન પહોંચ્યાના એક કલાક પછી, જ્યારે ખિરવાર બંને અધિકારીઓ સાથે મીડિયા સામે આવ્યા અને કહ્યું કે આરોપીઓ તેમના રડાર પર આવી ચૂક્યા છે, ત્યારે નક્કી થયું કે મામલો ટૂંક સમયમાં જ ઉકેલાશે. શુક્રવારે સવારે 3.30 વાગ્યે લખવીરની હત્યા થયાના આઠ કલાક પછી, એટલે કે બપોરે 12 વાગ્યા સુધી, નિહંગ ગેંગો આ માટે લખવીરને જ દોષ આપતી રહી હતી. તે પોતાના સ્ટેન્ડ પર જ મક્કમ હતી, પરંતુ તે પછી ધીમે ધીમે વધતા દબાણની અસર તેમના પર દેખાવા લાગી. સંયુક્ત કિસાન મોરચાએ પહેલા એક પ્રેસ સ્ટેટમેન્ટ આપ્યું અને બાદમાં જ્યારે એક પ્રેસ કોન્ફરન્સ યોજી હત્યાની નિંદા કરવામાં આવી હતી. તેને કાયદાની વિરુદ્ધ કહેવામાં આવ્યું તો નિહંગો પર દબાણ વધુ ગયું હતું.

સરકારના કોઈ મંત્રી કે અધિકારી બોલ્યા નહીં
રોહતક રેન્જના આઇજી સંદીપ ખિરવાર બપોરે 2.15 વાગ્યે સોનીપતના એસપી જશ્નદીપ સિંહ રંધાવા સાથે કુંડલી પોલીસ સ્ટેશન પહોંચ્યા હતા. જ્યારે, સોનીપતના ડીસી લલિત સિવાચ પણ ત્યાં પહોંચ્યા હતા. હકીકતમાં હરિયાણા સરકારે આ ત્રણ અધિકારીઓને મામલો ઉકેલવાની જવાબદારી આપી હતી. આ અંગે કોઈ મંત્રી કે અન્ય વરિષ્ઠ અધિકારી બોલ્યા નથી. આમ કરીને સરકારે સ્પષ્ટ સંદેશ આપ્યો કે આ કાયદો અને વ્યવસ્થાનો મુદ્દો છે. આમાં કોઈ નરમ વલણ નહીં અપનાવાય. ત્રણ અધિકારીઓની રણનીતિ હેઠળ કામ કરતા સૌપ્રથમ તે લોકોની ઓળખ કરવામાં આવી હતી જે બંને પક્ષો વચ્ચે મુખ્ય કડીની ભૂમિકા ભજવી શકે છે. સોનીપતના ડીસી અને એસપીએ આમાં મહત્વની ભૂમિકા ભજવી હતી. ડીસી અને એસપી ખેડૂતોના આંદોલનને કારણે બંધ થયેલો રાષ્ટ્રીય ધોરીમાર્ગ ખોલવા માટે હરિયાણા સરકાર તરફથી રચાયેલી હાઇ પાવર કમિટીના તેઓ સભ્ય છે આ બંને ખેડૂત નેતાઓના સંપર્કમાં હતા.

શક્ય તેટલી વહેલી તકે મામલો ઉકેલવા માટેની રણનીતિ
ત્રણેય અધિકારીઓની રણનીતિ વહેલી તકે મામલો ઉકેલવાની હતી. આ માટે, કુંડલી પોલીસ સ્ટેશનમાં બેસીને, તેમણે વિવિધ માધ્યમો દ્વારા ખેડૂત નેતાઓ અને નિહંગ ગ્રુપના અગ્રણી લોકો સાથે વાતચીત શરૂ કરી. સાડા ત્રણ કલાકમાં અનેક તબક્કામાં વાતચીત બાદ સાંજે 5.45 વાગ્યાની આસપાસ તેમણે નિહંગ ગ્રુપને હત્યાના આરોપીનું આત્મ સમર્પણ કરાવવા માટે સંમત કરી લીધી હતી. જ્યારે આત્મસમર્પણ અંગેની સંમતિ બની ગઈ ત્યારે કુંડલી પોલીસ સ્ટેશનથી સોનિપતના DSP વિરેન્દ્ર રાવની આગેવાનીમાં પોલીસની એક ટીમ સિંધુ બોર્ડર પર નિહંગોના ડેરામાં મોકલવામાં આવી હતી. નક્કી કરેલી સ્ક્રિપ્ટ મુજબ DSP વિરેન્દ્ર રાવ સોનિપત સીઆઇએ ઇન્ચાર્જ યોગેંદ્ર યાદવની સાથે સીધા જ નિહંગોના પાંડલમાં પહોંચ્યા હતા. પોલીસ અધિકારી લગભગ 15 મિનિટ પાંડલમાં રહ્યા અને 6.15 વાગે નિહંગ સરબજીત સિંહને લઈને બહાર નીકળ્યા હતા. ત્યાર બાદ નિહંગ સરબજીત સિંહ પોલીસ ટીમની સાથે ગુરુ ગ્રંથ સાહિબના દર્શન માટે લઈ જવાયો. ત્યાર બાદ પોલીસ તેને ગાડીમાં બેસાડીને કુંડલી પોલીસ સ્ટેશને જવા માટે રવાના થઈ હતી.

અન્ય સમાચારો પણ છે...