પહેલીવાર જયપુરને હેલિકોપ્ટરથી જુઓ, VIDEO:સોનાની જેમ ઝળહળે છે આમેરનો કિલ્લો, રમકડાં જેવો દેખાય છે જલમહેલ

હવે લોકો હેલિકોપ્ટરથી જયપુરને જોઈ શકશે. પાંચ અને પંદર મિનિટની આ રાઇટમાં જયપુરના વિવિધ ટૂરિસ્ટ સ્પોટને કવર કરવામાં આવશે. જોકે, રાજસ્થાન ટૂરિઝમ વિકાસ નિગમ તરફથી જયપુરમાં હેલિકોપ્ટર રાઇડની શરૂઆત કરવામાં આવી છે.

ભાસ્કર પણ આ હેલિકોપ્ટર રાઇડમાં પહોંચ્યું. પહેલીવાર હેલિકોપ્ટરથી જયપુરના ટૂરિસ્ટ સ્પોટ્સને કેમેરામાં કેદ કર્યો. કૂકસ સ્થિત હોટલ શિવ વિલાસથી આ રાઇડ શરૂ થઈ.

રાઇડ પહેલાં અમને સિક્યોરિટીને લગતી બધી જાણકારી આપવામાં આવી. તે પછી હેલિકોપ્ટર પાસે લઇ જવામાં આવ્યા. આ દરમિયાન લોકોમાં ફોટો અને સેલ્ફી લેવાનો ક્રેઝ જોવા મળ્યો.

15 મિનિટની સફર, મિનિટ ટૂ મિનિટ અપડેટ

નોંધ- હેલિકોપ્ટરનો ફાઇનલ રૂટ એટીએસની ગાઇડલાઇન અને વાતાવરણની અનુકૂળતાએ નક્કી થાય છે. એવામાં જોયરાઇડના રૂટમાં છેલ્લા સમયે ફેરફાર પણ થઈ શકે છે.

5 મિનિટના 5000 રૂપિયા
જયપુરમાં જોય રાઇડ કરાવી રહેલી ઓપરેટર કંપની એવન હેલિકોપ્ટરના ડાયરેક્ટર સોહન સિંહે જણાવ્યું- જયપુરમાં ટૂરિસ્ટ માટે અમે 2 પેકેજ શરૂ કર્યા છે. તેમાં પહેલું પેકેજ 5000માં 5 મિનિટનું હશે. આ પેકેજ દ્વારા ટૂરિસ્ટને શિવ વિલાસ હોટલથી આમેર સુધીનો રૂટ હશે. જ્યારે 15,000માં 15 મિનિટના પેકેજમાં ટૂરિસ્ટને આમેર મહેલ સાથે જ જયગઢ, નાહરગઢ, ગઢ-ગણેશ, હવામહેલ, સિટી પેલેસ, જંતર-મંતર, જલમહેલ, ગલતાની પહાડીઓ, ગોવિંદ દેવજી મંદિર સાથે જ વોલસિટીના મુખ્ય વિસ્તારોમાં પણ બતાવવામાં આવશે.

યાત્રીઓનો ઇન્શ્યોરન્સ હશે
સોહન સિંહે જણાવ્યું- હેલિકોપ્ટર બેલ 407 સુરક્ષાની દૃષ્ટિએ સિંગલ એન્જિનમાં સૌથી સુરક્ષિત હેલિકોપ્ટરની શ્રેણીમાં આવે છે. તેમાં યાત્રીઓની સુરક્ષા સાથે જ પ્રત્યેક યાત્રીનો ઇન્શ્યોરન્સ પણ કરવામાં આવે છે. જેથી દરેક પરિસ્થિતિ સામે લડી શકાય.

એક નિર્ણયથી 15,000ની ટિકિટ 5000ની થઈ જશે
સોહન સિંહે જણાવ્યું કે સરકારે શિવ વિલાસથી હેલિકોપ્ટર ઉડાડવાની મંજૂરી આપી છે. જો આ પરમિશન અમને શહેરી ક્ષેત્ર જેમ કે ચૌગાન સ્ટેડિયમ કે પછી જલમહેલની જલતરંગથી મળી જાય તો લોકો લગભગ 5000માં જ જયપુરની સુંદરતાને આકાશમાં હેલિકોપ્ટરમાં બેસીને નિહાળી શકે છે. અંતર વધારે હોવાના કારણે અમારે અલગ-અલગ પેકેજ બનાવવા પડ્યા છે. એવામાં જે પણ યાત્રી આખા જયપુરને નિહાળવા ઇચ્છશે તેણે 15,000 રૂપિયા આપવા પડશે.

માર્ચ મહિનામાં જ રાઇડ કરી શકશો
સોહન સિંહે જણાવ્યું- હાલ રાઇડને લઇને સરકાર દ્વારા ટ્રાયલ ફેસ શરૂ કરવામાં આવ્યો છે. એવામાં જેસલમેર અને અજમેરમાં ટૂરિસ્ટ સિઝનને જોઈને થોડા દિવસો માટે રાઇડ શરૂ કરવામાં આવી હતી. ત્યાં જ, જયપુરમાં એપ્રિલના શરૂઆતના દિવસો દરમિયાન રાઇડ શરૂ રહેશે. તે પછી નવેમ્બર સુધી તેને બંધ કરવામાં આવશે. જોકે, જયપુર પછી ઉદયપુર અને પ્રદેશના અન્ય શહેરોમાં રાઇડની શરૂઆત કરવામાં આવશે. તે પછી આરટીડીસી દ્વારા ધાર્મિક સ્થાનો ઉપર હેલિકોપ્ટર યાત્રાની શરૂઆત થશે.

35 કરોડના હેલિકોપ્ટર બેલ 407માં સફર કરશો

ખાટૂધામ, સાલાસર અને પુષ્કર દર્શન માટે સર્કલ બનશે
RTDC ચેરમેન ધર્મેન્દ્ર રાઠોડે કહ્યું- જયપુર પછી ઉદયપુરમાં પણ હેલિકોપ્ટર રાઇડની શરૂઆત કરવામાં આવશે. સાથે જ, મંદિર દર્શન માટે આવનાર ભક્ત માટે ખાસ સર્કલ તૈયાર કરવામાં આવી રહ્યા છે. જેના હેઠળ શ્રદ્ધાળુઓ હેલિકોપ્ટરથી ખાટૂશ્યામજી, સાલાસર હનુમાન મંદિર અને પુષ્કર જઈ શકશે. તે પછી રણથંભોર અને ઘના પક્ષી વિહાર (ભરતપુર) સહિત અન્ય ટૂરિસ્ટ સ્થળો ઉપર પણ હેલિકોપ્ટર રાઇડની શરૂઆત કરવામાં આવશે. ચંબલમાં ક્રૂઝ ટૂરિઝમ શરૂ કરવા અંગે પણ વિચાર ચાલી રહ્યો છે.
રાઠોડે જણાવ્યું- આ પહેલાં આરટીડીસીએ જેસલમેર અને અજમેરમાં પણ હેલિકોપ્ટર રાઇડની શરૂઆત કરી છે. અહીં ટૂરિસ્ટનો સારો રિસ્પોન્સ અમને મળ્યો છે. એવામાં હવે જયપુર પછી પ્રદેશનાં બીજાં શહેરોમાં પણ આ પ્રકારની સુવિધા શરૂ કરવામાં આવશે. તેમાં ઉદયપુર, સવાઈમાધોપુર, જોધપુર વગેરે સામેલ છે.