બિહાર:સ્કોર્પિયોની ટક્કરે બાઇક સવાર 70 ફૂટ ફંગોળાયો, ટર્ન લેવા જતાં મોત આંબી ગયું

બિહારના ભાગલપુરમાં ટર્ન લેવા જતાં બે બાઇકસવાર યુવકનું સ્કોર્પિયોની ટક્કરે મોત થયું હતું. આ અકસ્માતની ઘટના રોડ પર લાગેલાં CCTV કૅમેરામાં કેદ થઈ ગઈ હતી. CCTV ફૂટેજમાં સ્પષ્ટ જોઈ શકાય છે કે, સિંગલ પટ્ટી રોડ પર બે બાઇકસવાર ટર્ન લઈ રહ્યા છે અને તેમની સામેની સાઇડથી એક સ્કોર્પિયો કાર પૂરપાટ ઝડપે આવી રહી છે. જોતજોતામાં બાઇક સ્કોર્પિયો સાથે અથડાય છે અને બંને યુવકો 70 ફૂટ દૂર ફેંકાય છે. મહત્ત્વનું છે કે, આ અકસ્માતમાં બંને બાઇકસવાર યુવકનું ઘટના સ્થળે જ મોત થયું હતું. આ બંને યુવકો દુકાનના કામથી બહાર ગયાં હતાં.