• Home
  • National
  • Railways said that since May 1, 45 lakh people have traveled so far, 36 lakh passengers will travel in 2600 trains in the next 10 days.

શ્રમિક ટ્રેન / રેલ્વેએ કહ્યું કે- 1 મેથી અત્યાર સુધીમાં 45 લાખ લોકોએ મુસાફરી કરી, આવતા 10 દિવસમાં 2600 ટ્રેનોમાં 36 લાખ મુસાફરી કરશે

Railways said that since May 1, 45 lakh people have traveled so far, 36 lakh passengers will travel in 2600 trains in the next 10 days.
X
Railways said that since May 1, 45 lakh people have traveled so far, 36 lakh passengers will travel in 2600 trains in the next 10 days.

  • રેલ્વે બોર્ડના અધ્યક્ષ વિનોદકુમાર યાદવે જણાવ્યું હતું કે- અત્યારે રોજની 200થી વધુ મજૂર ટ્રેનો ચાલે છે.
  • રેલ્વેએ કહ્યું- બુકિંગ કાઉન્ટર્સ ખોલવાના ઓર્ડર અપાયા છે, હજી સુધીમાં 1000 કાઉન્ટરો ખોલવામાં આવ્યા છે

દિવ્ય ભાસ્કર

May 23, 2020, 06:00 PM IST

નવી દિલ્હી. લોકડાઉન દરમિયાન રેલવેએ શનિવારે મુસાફરો અને પરપ્રાંતિય મજૂરોના વાહન વ્યવહાર વિશે માહિતી આપી હતી. રેલવેએ જણાવ્યું હતું કે લોકડાઉન દરમિયાન અત્યાર સુધીમાં 45 લાખ લોકો શ્રમિક ટ્રેનમાં મુસાફરી કરી ચુક્યા છે. આમાં 80% યુપી અને બિહારના લોકો હતા. રેલવે બોર્ડના અધ્યક્ષ વિનોદકુમાર યાદવે કહ્યું કે, આગામી 10 દિવસમાં 36 લાખ મુસાફરો 2600 ટ્રેનોમાં મુસાફરી કરશે. તેમણે કહ્યું કે અમે પરપ્રાંતિય મજૂરોની હિલચાલ અંગે 27 માર્ચે એડવાઇઝરી જારી કરી હતી જેમાં ટ્રક અથવા અન્ય માધ્યમથી સ્થળાંતર કરનારાઓની ગેરકાયદેસર મુસાફરી અટકાવવાનું કહેવામાં આવ્યું હતું.

રેલ્વે પ્રેસ કોન્ફરન્સની મુખ્ય બાબતો

  1. રેલ્વે બોર્ડના અધ્યક્ષ વિનોદકુમાર યાદવે કહ્યું કે, 1 મેથી, પરપ્રાંતિય મજૂરોને શ્રમિક ટ્રેનો દ્વારા તેમના ઘરે લઈ જવામાં આવી રહ્યા છે. તેમને ટ્રેનમાં મફત ખોરાક અને પાણી આપવામાં આવી રહ્યું છે. આ સમય દરમિયાન, સોશિયલ ડિસ્ટન્સિંગ અને અન્ય સાવચેતીના પગલા લેવાઈ રહ્યા છે.
  2. તેમણે જણાવ્યું કે આજે રોજ 200થી વધુ શ્રમિક ટ્રેનો દોડી રહી છે. 200માંથી 190 ગાડીઓમાં બુકિંગ ઉપલબ્ધ છે. અત્યારે માત્ર 30% ટિકિટ બુક કરાઈ છે.
  3. તમામ બુકિંગ કાઉન્ટરો ખોલવા આદેશ કરાયો છે. હજી સુધી 1000 કાઉન્ટરો ખોલવામાં આવ્યા છે. 6000 રેલ્વે સ્ટેશનોમાં રેલ્વે સ્ટોલ ખોલવા પણ કહેવામાં આવ્યું છે.
  4. અમે કોવિડ કેર સેન્ટર માટે 5,000 કોચ તૈયાર કર્યા હતા. તેમાં 80 હજાર પથારી છે. 17 રેલ્વે હોસ્પિટલો ફક્ત કોવિડ દર્દીઓ માટે બનાવવામાં આવી છે. તેમાં 5000 પથારી છે.
  5. રેલ્વેની 33 હોસ્પિટલોમાં કોવિડ કેર બ્લોક્સ બનાવવામાં આવ્યા છે.

પ્રશ્નો દ્વારા જાણો ટ્રેનની મુસાફરીની શરતો
1) આગામી 10 દિવસમાં કેટલી ટ્રેનો દોડશે?

રેલ્વે બોર્ડના અધ્યક્ષ વિનોદકુમાર યાદવે કહ્યું કે, આગામી 10 દિવસમાં 2600 ટ્રેનો દોડાવવામાં આવશે.
2) તે કયા રાજ્યો વચ્ચે ચાલશે?
આ શ્રમિક સ્પેશિયલ ટ્રેન આંધ્રથી અસમ, બિહારથી બિહાર, છત્તીસગઢથી છત્તીસગઢ, દિલ્હીથી ગુજરાત, ગોવાથી જમ્મુ અને કાશ્મીર, ગુજરાતથી કર્ણાટક, હરિયાણાથી ઝારખંડ, જમ્મુ અને કાશ્મીરથી કેરળ, કર્ણાટકથી મણિપુર, કેરળથી ઓડિશા, મધ્યપ્રદેશથી રાજસ્થાન, મહારાષ્ટ્રથી ઉત્તરાખંડ, પંજાબથી ઉત્તરાખંડ, રાજસ્થાનથી ત્રિપુરા, તામિલનાડુથી ઉત્તર પ્રદેશ, તેલંગાણાથી પશ્ચિમ બંગાળ વચ્ચે દોડશે. આ સિવાય ત્રિપુરા, ઉત્તર પ્રદેશ અને ઉત્તરાખંડમાં ટ્રેનો દોડાવવામાં આવશે.
3) 1 જૂનથી શરૂ થતી ટ્રેનોનું શું?
રેલવેએ માહિતી આપી હતી કે 1 જુનથી 200 મેઇલ-એક્સપ્રેસ ટ્રેનો શરૂ કરવામાં આવશે. લોકો 30 દિવસ અગાઉથી રિઝર્વેશન મેળવી શકશે.
4) આરએસી અને વેઇટિંગ ટિકિટનું શું થશે?
આરએસીને એટલે કે રિઝર્વેશન અગેન્સ્ટ કેન્સલેશનને પરવાનગી આપવામાં આવી છે. વેઇટિંગ લિસ્ટ પર મુસાફરો મુસાફરી કરી શકશે નહીં.
5) આ ટ્રેનોમાં કેટલી ટિકિટ ખાલી છે, કેટલી બુક કરાઈ છે?
દરરોજ 200થી વધુ શ્રમિક ટ્રેનો દોડી રહી છે. 200માં 190 ગાડીઓનું બુકિંગ ઉપલબ્ધ છે. અત્યારે માત્ર 30% ટિકિટ બુક કરાઈ છે.
6) શું રેલવે દ્વારા આ ટ્રેનો માટે શું વધારે ભાડું નથી લીધું?
રેલ્વે બોર્ડના અધ્યક્ષે કહ્યું કે આ ટ્રેનોનો 85% ખર્ચ કેન્દ્ર ઉઠાવે છે. રાજ્યો ખર્ચના 15% ભાડા તરીકે ચૂકવી રહ્યા છે. જ્યાં સુધી રાજધાની જેવી વિશેષ ટ્રેનોની વાત છે, અમે વધારે ચાર્જ વસૂલ્યો નથી. ભાડું તે જ છે જે લોકડાઉન પહેલાં હતું. કન્શેશન પણ પહેલા જેવા જ છે. લોકડાઉન પહેલા વૃદ્ધો માટે કન્શેશન બંધ કર્યું હતું કેમ કે અમે ઈચ્છતા હતા કે વૃદ્ધો પ્રવાસ ન કરે. જેમના માટે મુસાફરી ખૂબ જ મહત્વપૂર્ણ છે, તે જ ટ્રેનોમાં મુસાફરી કરે.
7) અત્યાર સુધી કેટલા લોકો શ્રમિક ટ્રેનમાં પ્રવાસ કરી ચૂક્યા છે?
રેલવેએ જણાવ્યું હતું કે લોકડાઉન દરમિયાન અત્યાર સુધીમાં 45 લાખ લોકો લેબર ટ્રેનમાં મુસાફરી કરી ચુક્યા છે. આમાંથી 80% યુપી અને બિહારના હતા.
8) બંગાળમાં ઓછી ટ્રેનના કારણો?
પશ્ચિમ બંગાળે અમને 105 ટ્રેનોની મંજૂરી આપી છે. 15 જૂન સુધી મુદત આપવામાં આવી છે. રાજ્યના મુખ્ય સચિવે અમને કહ્યું છે કે ચક્રવાતને કારણે ત્યાં સમસ્યા છે. જલ્દીથી ત્યાં પરિસ્થિતિ સુધારવામાં આવશે ત્યારે વધુ ટ્રેનો દોડાવવામાં આવશે.
9) મુંબઇથી ગોરખપુર જતી ટ્રેન ઓડિશા કેવી રીતે પહોંચી?
21 મેના રોજ મુંબઇથી ગોરખપુર જતી વિશેષ શ્રમિક ટ્રેન શનિવારે સવારે ઓડિશાના રાઉરકેલા પહોંચી હતી. આ ઘટના અંગે વેસ્ટર્ન રેલ્વેએ સ્પષ્ટતા પણ કરી હતી કે ડ્રાઈવર રસ્તો નથી ભૂલ્યા, પરંતુ રૂટ ઉપર ભારે ટ્રાફિક હોવાને કારણે આ ટ્રેનના રૂટને બદલીને ઓડિશા મોકલવામાં આવી હતી. રેલ્વેએ કહ્યું કે આ એક સામાન્ય પ્રક્રિયા છે. જે રૂટ પર ભારે ટ્રાફિક હોય છે અમે ત્યાં ટ્રેનો ઘટાડીએ છીએ. ઓછા ટ્રાફિકવાળા રૂટ ઉપર ટ્રેનો વધારાય છે. આ લોકડાઉન પહેલાના સામાન્ય દિવસોમાં પણ આમ કરવામાં આવ્યું છે.

રેલ્વેને પાટા પર પાછા લાવવાનાં પગલાં

  • 1 જૂનથી 200 મેલ-એક્સપ્રેસ ટ્રેનો શરૂ કરવામાં આવશે.

  • લોકો 30 દિવસ અગાઉથી રિઝર્વેશન મેળવી શકશે.
  • ટિકિટનું બુકિંગ 21 મેથી શરૂ થઈ ગયું છે, તે પીઆરએસ, કોમન સર્વિસ સેન્ટર, પોસ્ટ ઓફિસ અને એજન્ટો દ્વારા ઓનલાઇન થઈ શકે છે.
  • આરએસીને એટલે કે રિઝર્વેશન અગેન્સ્ટ કેન્સલેશનને પરવાનગી આપવામાં આવી છે. વેઇટિંગ લિસ્ટ પર મુસાફરો મુસાફરી કરી શકશે નહીં.
  • ટ્રેનમાં અનરિઝર્વેટ કોચની કોઈ વ્યવસ્થા નથી. ટ્રેનની અંદર જ રેડી ટુ ઈટ ભોજનની ગોઠવણ કરવામાં આવી છે.
  • ટ્રેનની અંદર અને સ્ટેશનો પર સોશિયલ ડિસ્ટન્સિંગ અને સ્વચ્છતા પ્રોટોકોલનું પાલન કરવામાં આવી રહ્યું છે.
  • સ્ટેશનો ઉપર મુસાફરોની તપાસ કરવામાં આવી રહી છે.
  • મુસાફરી દરમિયાન, આરોગ્ય સેતુ એપ્લિકેશન ડાઉનલોડ કરવી અને મોઢે માસ્ક પહેરવું જરૂરી રહેશે.

Next Stories

    ની  સંપૂર્ણ વાંચનસામગ્રી