કોનરાડ સંગમાએ મેઘાલયના CM પદના શપથ લીધા:બીજી વખત બન્યા મુખ્યમંત્રી, PM મોદી અને અમિત શાહે મંચ પર હાજરી આપી

કોનરાડ સંગમાએ મંગળવારે બીજી વખત મેઘાલયના CM પદના શપથ લીધા છે. આ પ્રસંગે પીએમ મોદી અને અમિત શાહ પણ હાજર રહ્યા હતા. જ્યારે, આ તરફ નાગાલેન્ડમાં નેફ્યુ રિયો બપોરે 1.45 વાગે પાંચમા કાર્યકાળના શપથ લેશે. અહીં પણ મોદી અને શાહ હાજરી આપશે.

મેઘાલયમાં NPP, UDP, BJP અને HSPDP ગઠબંધનની સરકાર બની ગઈ છે. સંગમાએ રાજ્યપાલને 32 ધારાસભ્યોનો સમર્થન પત્ર સોંપ્યો હતો. સોમવારે રાજ્યના મુખ્યમંત્રી અને NPPના રાષ્ટ્રીય અધ્યક્ષ સંગમાએ કહ્યું કે નવા ગઠબંધનને 'મેઘાલય ડેમોક્રેટિક અલાયંસ 2.0' કહેવામાં આવશે. તેમણે જણાવ્યું હતું કે રાજ્યની કેબિનેટમાં NPPને 8 સીટોં, UDPને 2 સીટોં અને એક-એક સીટ BJP અને HSPDPને આપવામાં આવશે.

મેઘાલયમાં 27 ફેબ્રુઆરીએ વિધાનસભાની 59 સીટોં પર મતદાન થયું હતું. 2 માર્ચે ચૂંટણીના પરિણામ જાહેર થયા હતા. જેમાં NPP 26 સીટોં જીતીને સૌથી મોટી પાર્ટી બનીને ઉભરી છે. જ્યારે, UDPએ 11 સીટોં પર જીત મેળવી હતી. કોંગ્રેસ અને TMCના ખાતામાં 5-5 સીટોં આવી. જ્યારે, BJPએ 2 સીટોં જીતી હતી.

મેઘાલયમાં 85.27%​ મતદાન થયુ હતું
મેઘાલયમાં 27 ફેબ્રુઆરીએ 60માંથી 59 સીટોં પર મતદાન થયું હતું. 85.27%​ મતદાન થયું હતું. સોહિયોગ સીટ પર UDP ઉમેદવાર એચડીઆર લિંગદોહના નિધનના કારણે ચૂંટણી ટળી હતી. 2018માં
67% મતદાન થયું હતું.

નાગાલેન્ડમાં 85.90% મતદાન થયુ હતું
નાગાલેન્ડના 19 જિલ્લાની 60માંથી 59 વિધાનસભા સીટોં પર 27 ફેબ્રુઆરીએ 85.90% મતદાન થયું હતું. તે ગયા વર્ષ કરતા 10% વધું હતું. 2018માં અહીં 75% મતદાન થયું હતું. અહીં 10 ફેબ્રુઆરીના રોજ કોંગ્રેસના ઉમેદવાર ખેકાશે સુમીએ અકુલુતો વિધાનસભા મતવિસ્તારમાંથી પોતાનું નામાંકન પાછું ખેંચ્યું હતું, એેને પગલે ભાજપના ઉમેદવાર કાજેતો કિનિમી બિનહરીફ ચૂંટાયા હતા.

NDPP 2017માં અસ્તિત્વમાં આવી હતી. NDPPએ ત્યારે 18 અને ભાજપે 12 સીટોં જીતી હતી. બંને પક્ષોએ ચૂંટણી પહેલા ગઠબંધન કર્યું હતું. સરકારમાં NDPP, BJP, NPP અને JDU સામેલ છે.