મોદીની ખેડૂતોને ભેટ:PMએ કૃષિ વિકાસ માટે એક લાખ કરોડ રૂપિયાનું ફંડ આપ્યું, ખેડૂતોના ખાતામાં 17 હજાર કરોડ રૂપિયા ટ્રાન્સફર કરાયા

વડાપ્રધાન મોદી આજે ખેડૂતો માટે ઘણી જાહેરાતો કરી રહ્યા છે. કૃષિ વિકાસ માટે એક લાખ કરોડ રૂપિયાનું ભંડોળ જાહેર કર્યુ છે. આ ઉપરાંત પીએમ કૃષિ યોજનાનો છઠ્ઠો હપ્તો પણ આપી રહ્યા છે. આ હેઠળ સાડા આઠ કરોડ ખેડૂતોના ખાતામાં 17 હજાર કરોડ રૂપિયા ટ્રાન્સફર કરાયા છે.આ કાર્યક્રમમાં કેન્દ્રીય કૃષિ મંત્રી નરેન્દ્ર સિંહ તોમર પણ હાજર છે. દેશના અલગ અલગ રાજ્યોના ખેડૂતો, સામાન્ય નાગરિક અને કો-એપોરેટિવ મેમ્બર પણ ઓનલાઈન જોડાયા છે.

વડાપ્રધાન મોદીના ભાષણની મુખ્ય વાતો

કૃષિ સાથે જોડાયેલા ઈન્ફ્રાસ્ટ્રક્ચર માટે લોન આપવામાં આવશે
આ એક લાખ કરોડ રૂપિયાના એગ્રી ઈન્ફ્રા ફંડનો ઉપયોગ ગામમાં કૃષિ ક્ષેત્ર સાથે જોડાયેલા ઈન્ફ્રાસ્ટ્રક્ચર તૈયાર કરવામાં આવશે. આ ફંડથી કોલ્ડ સ્ટોર, વેયરહાઉસ, સાઈલો, ગ્રેડિંગ અને પેકેજિંગ યૂનિટ્સ લગાવવા માટે લોન આપવામાં આવશે.

એગ્રીકલ્ચર ઈન્ફ્રાસ્ટ્રક્ચર ફંડ અંગેની ખાસ વાત

એગ્રીકલ્ચર ઈન્ફ્રાસ્ટક્ચરનું શું મહત્વ છે?
એગ્રીકલ્ચર ઈન્ફ્રાસ્ટ્રક્ચર હેઠળ કોલ્ડ સ્ટોરેજ, કલેક્શન સેન્ટર, પ્રોસેસિંગ યૂનિટ તૈયાર કરવામાં આવશે. આનાથી ખેડૂતોને નુકસાન ઓછું થશે અને આવક વધશે.

બલરામ જયંતી, હળછઠ અને દાઉ જન્મોત્સવની શુભકામનાઓ
મોદીએ દેશની જનતાને ખાસ કરીને ખેડૂતોને બલરામ જયંતી, હળછઠ અને દાઉ જન્મોત્સવની શુભકામનાઓ પણ પાઠવી છે.