સહેજમાં બચાવ:શ્રીનગરથી દિલ્હી ટેકઓફ પહેલાં વિમાન બરફ સાથે ટકરાયું, મોટી દુર્ઘટના ટળી, 233 મુસાફરો સુરક્ષિત

જમ્મુ-કાશ્મીરના શ્રીનગર એરપોર્ટ પર બુધવારે એક મોટી દુર્ઘટના ટળી ગઈ. અહીંથી બુધવારે બપોરે દિલ્હી માટે ઉડાન ભરી રહેલા ઈન્ડિગોના વિમાનનું એન્જિન રન-વે પર બરફ સાથે ટકરાયું હતું. જોકે, પાઈલટે સૂઝબૂઝ દાખવીને વિમાન રોકી દીધું હતું. આ દરમિયાન એક જોરદાર ઝટકો લાગતા પ્રવાસીઓ ગભરાઈ ગયા હતા. બાદમાં તમામ 233 પ્રવાસીને તાત્કાલિક વિમાનમાંથી બહાર કઢાયા હતા. રન વે પરથી બરફ હટાવ્યા પછી વિમાન સેવા ફરી શરૂ કરાઈ હતી.

શ્રીનગરમાં ઠંડીનો પારો માઈનસ 7.8 ડિગ્રી
શ્રીનગરમાં મંગળવારે નવ વર્ષની સૌથી ઠંડી રાત્રિ હતી. આ દરમિયાન પારો માઈનસ 7.8 ડિગ્રી સુધી નીચે ગયો હતો. જમ્મુ-કાશ્મીરમાં બે દિવસથી હિમવર્ષા થઈ રહી છે.