તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • National
  • People No Longer Have To Go To Court To Fill Memos, 25 States Funded After Success Of 9 E courts In 7 States

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

દેશભરમાં ટ્રાફિક ઇ-કોર્ટની શરૂઆત થશે:હવે વાહનોનો મેમો ભરવા લોકોને કોર્ટના ધક્કા નહીં ખાવા પડે, 7 રાજ્યમાં 9 ઇ-કોર્ટની સફળતા પછી 25 રાજ્યને ફંડ અપાયું

નવી દિલ્હી13 દિવસ પહેલાલેખક: પવન કુમાર
  • કૉપી લિંક
હવે ઓનલાઇન પણ મેમો ભરી શકાશે - ફાઇલ તસવીર. - Divya Bhaskar
હવે ઓનલાઇન પણ મેમો ભરી શકાશે - ફાઇલ તસવીર.

વાહનવ્યવહારના નિયમોનું ઉલ્લંઘન કરવા બદલ મેમો જમા કરાવવા હવે લોકોએ કોર્ટના ચક્કર કાપવા નહીં પડે. ઘેરબેઠા જ મેમો જમા કરાવી શકાશે. આ માટે દેશભરમાં ટ્રાફિક ઇ-કોર્ટ શરૂ કરાશે. કેન્દ્ર સરકારે આ માટે 25 રાજ્યમાં રૂ. 1,142 કરોડનું ફંડ જારી કર્યું છે. ઈ-કોર્ટ શરૂ કરવા જુલાઈ 2021 સુધીની ડેડલાઈન નક્કી કરાઈ છે.

અનેક રાજ્યોમાં ટ્રાફિક ઇ-કોર્ટ શરૂ થઈ
કેન્દ્ર સરકારે આ નિર્ણય છ રાજ્ય અને એક કેન્દ્રશાસિત પ્રદેશમાં શરૂ કરાયેલી નવ ઈ-કોર્ટની સફળતા પછી લીધો છે. કોરોનાકાળમાં દેશભરમાં ટ્રાફિક કોર્ટમાં પેન્ડિંગ કેસોના ઉકેલ માટે મે 2020માં સૌથી પહેલા દેશની રાજધાની દિલ્હીમાં બે ઈ-કોર્ટની શરૂઆત કરાઈ હતી. ત્યાર પછી દેશના હરિયાણા (ફરીદાબાદ), તામિલનાડુ (ચેન્નઈ), કર્ણાટક (બેંગલુરુ), કેરળ (કોચી), મહારાષ્ટ્ર (નાગપુર, પુણે) અને આસામ (ગુવાહાટી)માં ટ્રાફિક ઇ-કોર્ટ શરૂ કરાઈ હતી. કેન્દ્રીય કાયદા મંત્રાલયના મતે, આ તમામ ઈ-કોર્ટમાં 20 જાન્યુઆરી 2021 સુધી 41 લાખથી વધુ કેસનો ઉકેલ લવાયો હતો.

ટ્રાફિક ઈ-કોર્ટ આ રીતે કામ કરે છે
જો વાહનવ્યવહારના નિયમોનું ઉલ્લંઘન કરવા બદલ કોઈને મેમો ભરવાનું આવે છે, તો તે 24 કલાકમાં જ ગમે ત્યારે ઓનલાઈન ચુકવણી કરી શકે છે; તેમાંથી રસીદ પણ મળી જાય છે. ઉદાહરણ તરીકે, જો કોઈ વિસ્તારમાં પોલીસ દ્વારા કેમેરાની મદદથી કોઈ વાહનચાલકનું ઓવર સ્પીડ, હેલ્મેટ નહીં પહેરવા જેવા ગુનામાં મેમો કપાય છે, તો એની માહિતી તરત ઓનલાઈન પોર્ટલમાં આવી જશે. ત્યાર પછી પોર્ટલ મેસેજ કરીને વાહનમાલિકને તે માહિતી મોકલશે. ત્યારે વાહનમાલિક મેમો ભરવા ઈચ્છતો હશે, તો તે મોબાઈલમાં મળતી લિંકથી દંડ ભરી શકશે.

ઈ-કોર્ટ માટે કયા રાજ્યની હાઈકોર્ટને કેટલું ફંડ

રાજ્યફંડ (કરોડ રૂ)
મહારાષ્ટ્ર125.24
ઉત્તરપ્રદેશ109.48
મધ્યપ્રદેશ74.05
ગુજરાત72.82
તામિલનાડુ70.15
રાજસ્થાન67.8
આસામ67.28
કર્ણાટક65.38
બિહાર55.82
પંજાબ-હરિ.54.13
ઓડિશા46.41
કોલકાતા37.09
કેરળ35.03
છત્તીસગઢ27.31
દિલ્હી26.8
ઝારખંડ24.25
અન્ય સમાચારો પણ છે...

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- આ સમયે રોકાણ જેવા કોઇ આર્થિક ગતિવિધિમાં વ્યસ્તતા રહેશે. લાંબા સમયથી ચાલી રહેલી કોઇ ચિંતાથી પણ રાહત મળશે. ઘરના વડીલોનું માર્ગદર્શન તમારા માટે ખૂબ જ ફાયદાકારક તથા સુકૂન આપનાર રહેશે. નેગેટિવ...

વધુ વાંચો