106 હસ્તીઓ પદ્મ પુરસ્કારથી સન્માનિત:પંડવાની ગાયિકા ઉષાએ ઘૂંટણિયે બેસીને PMને પ્રણામ કર્યા, હીરાબાઈએ રાષ્ટ્રપતિના ખભા પર હાથ મૂક્યો

નવી દિલ્હી સ્થિત રાષ્ટ્રપતિ ભવનમાં રાષ્ટ્રપતિ દ્રૌપદી મુર્મૂએ બુધવારે 106 લોકોને પદ્મ પુરસ્કારથી સન્માનિત કરવાનું શરૂ કર્યું છે. રાષ્ટ્રપતિએ પહેલું સન્માન આર્કિટેક્ટ બાલકૃષ્ણ દોશીનું કર્યું. તેમની દીકરીએ પિતાને મળેલA પદ્મ વિભૂષણ ગ્રહણ કર્યો. ત્યાર પછી કુમાર મંગલમ બિરલાને વેપાર અને ઉદ્યોગ ક્ષેત્રમાં યોગદાન માટે 22 માર્ચે સન્માનિત કરાયા. બિરલા પરિવારમાં પદ્મ પુરસ્કાર મેળવનારા કુમાર મંગલમ ચોથી વ્યક્તિ બન્યા છે.

પંડવાની ગાયિકા ઉષાને પદ્મ શ્રીથી સન્માનિત કરાયા. અવોર્ડ મેળવતા પહેલા તેમણે વડાપ્રધાન મોદીને પ્રણામ કર્યા. ત્યાર પછી રાષ્ટ્રપતિને પગે લાગી અવોર્ડ ગ્રહણ કર્યો. લોકસભા સ્પીકર ઓમ બિરલા, કેન્દ્રીય મંત્રી ભૂપેન્દ્ર સિંહ યાદવ સહિત ઘણા લોકો હાજર છે.

કાર્યક્રમ સાથે જોડાયેલા વીડિયો...

જુઓ તસવીરો...

રાષ્ટ્રપતિના હાથે સન્માનિત થયેલા લોકોની લિસ્ટ...

ભારતના રાષ્ટ્રપતિ શ્રીમતી દ્રૌપદી મુર્મુએ સિવિલ ઇન્વેસ્ટિચર સમારંભ (નાગરિક પુરસ્કાર સમારંભ)માં ગુજરાતમાંથી પ્રો. બાલકૃષ્ણ દોશી (મરણોપરાંત)ને આર્કિટેક્ચર ક્ષેત્રે પદ્મ વિભૂષણ પુરસ્કાર એનાયત કર્યો હતો. રાષ્ટ્રપતિએ શ્રી ભાનુભાઇ ચુનીલાલ ચિતારા અને શ્રી મહીપતરાય પ્રતાપરાય કવિને કળા ક્ષેત્રે પદ્મશ્રી એવોર્ડ પણ એનાયત કર્યો હતો. ઉપરાંત, રાષ્ટ્રપતિએ શ્રીમતી હીરબાઇબેન ઇબ્રાહીમભાઇ લોબીને સામાજિક કાર્ય ક્ષેત્રે તેમજ પ્રો. (ડૉ.) મહેન્દ્ર પાલ વિજ્ઞાન અને એન્જિનિયરિંગ ક્ષેત્રે પદ્મ પુરસ્કાર એનાયત કર્યો હતો.

ભાનુભાઇ ચિતારા (કલમકારી ચિત્ર- કલા)
26 ઓક્ટોબર 1957ના રોજ ગુજરાતના અમદાવાદમાં જન્મેલા શ્રી ચિતારાએ તેમના માતા-પિતા પાસેથી હસ્તકળા શીખી હતી. તેમણે તેમનું આખું જીવન માતાની પછેડી હસ્તકળાના ક્ષેત્રમાં કામ કરવા માટે સમર્પિત કરી દીધું છે, જેમાં તેઓ હિન્દુ પૌરાણિક કથાઓ અને ધાર્મિક કથાઓના દૃશ્યોનું નિરૂપણ કરતા સુંદર અને જટિલ ચિત્રો બનાવે છે. તેમની રચનાઓમાં ઘેરા અને નજરમાં આવી જાય તેવા રંગો, ઝીણવટભરી કારીગરી અને અદભૂત રચનાઓ તેની ખાસ ઓળખ છે, જે તમામ લોકોની કલ્પનાશક્તિને આકર્ષિત કરે છે.

‘હેમંત ચૌહાણનો ટૂંકો પરિચય
’ભજનીક હેમંત ચૌહાણનો જન્મ 1955માં ગુજરાતના રાજકોટ જિલ્લાના કુંદણી ગામમાં થયો હતો. તેમનું વિશેષ પ્રદાન ભજન ક્ષેત્રે છે. તેમણે ગુજરાતી ભજન-સંતવાણીનાં અનેક આલ્બમોમાં પોતાનો સ્વર આપ્યો છે. આ ઉપરાંત ગુજરાતી ગરબાનાં કેટલાય આલ્બમોમાં પણ તેમણે પોતાનોનો સ્વર આપ્યો છે. શ્રોતાને શબ્દેશબ્દ સંભળાય અને સમજાય તે રીતે બિલકુલ સ્પષ્ટ ઉચ્ચારણ સાથે ગાવું એ તેમની સૌથી મહત્વની વિશેષતા છે.

હીરાબાઈ લોબી કોણ છે?
સમાજસેવા સાથે સંકળાયેલા હીરાબાઈ નાનપણથી જ માતાપિતાની છત્રછાયા ગુમાવી ચૂક્યા હતાં. હીરાબાઈનો ઉછેર એમના દાદીમાએ કર્યો છે. હીરાબાઈ ઉદ્દાત ભાવનાથી અનેક બાલવાડી સ્થાપી સીદી સમુદાયના બાળકોને પાયાનું ભણતર પૂરું પાડ્યું છે. ઉપરાંત વર્ષ 2004માં મહિલા વિકાસ ફાઉન્ડેશન પ્રસ્થાપિત કરી અને સીદી મહિલાઓ આત્મનિર્ભર બને તે અંગે પણ ભગિરથ કાર્ય કર્યું છે. હીરાબાઈના આ ભગીરથ પ્રયત્નોથી જાંબુરની મહિલાઓ કરિયાણાની દુકાન, દરજીકામ વગેરે જેવા કામો કરી પરિવારને મદદરૂપ થઈ. વર્ષ 2006માં હીરાબાઈ જાનકીદેવી બજાજ પુરસ્કારથી પણ સન્માનિત થઈ ચૂક્યાં છે.

શ્રી મહીપતરાય પ્રતાપરાય કવિને કળાના ક્ષેત્રમાં પદ્મશ્રી પુરસ્કારથી

​​​​​​​​​​​​​​શ્રી મહીપતરાય પ્રતાપરાય કવિ (કવિ તરીકે જાણીતા) એક આંતરરાષ્ટ્રીય કઠપૂતળી કલાકાર છે અને 1973માં સ્થાપવામાં આવેલા "પપેટ્સ એન્ડ પ્લેઝ"ના સ્થાપક છે.

28 માર્ચ 1931ના રોજ જન્મેલા શ્રી કવિએ દર્પણ એકેડેમી ઓફ પરફોર્મિંગ આર્ટ્સમાંથી અભિનયમાં ડિપ્લોમાનો અભ્યાસ કર્યો હતો અને એકેડેમીમાં ભજવવામાં આવતા અનેક નાટકોમાં તેમણે ભાગ લીધો હતો. તેઓ 1960-1970 સુધી એકેડમીમાં હતા. જો કે, એકેડેમીમાં તેમના કાર્યકાળ દરમિયાન, તેઓ તેમની અભિનય કારકિર્દીથી સંતુષ્ટ ન હતા અને હંમેશા તેમને લાગ્યા કરતું હતું કે, કંઇક ખૂટે છે આથી તેમણે કંઇક નવું શોધવાનું શરૂ કર્યું. તે સમયે, તેમણે મહેરબેન કોન્ટ્રાક્ટરને તેમની કઠપૂતળીઓથી ખેલ કરતા જોયા. એવો ખેલ કરતા જોયા પછી, તેમને ખાતરી થઇ ગઇ કે પપેટ્રી તેમના માટે જ છે અને તે જ સમયે તેમણે આ ક્ષેત્રમાં ઝંપલાવવાનું નક્કી કર્યું.

પદ્મ પુરસ્કાર મેળવનાર લોકો સાથે જોડાયેલા કેટલાક ફેક્ટ વાંચો...