આઠ ગુજરાતીઓને પદ્મ પુરસ્કાર:બાલકૃષ્ણ દોશીને મરણોત્તર પદ્મ વિભૂષણ, હેમંત ચૌહાણ અને 'રસના'ના સ્થાપક અરીઝ ખંભાતા સહિત 7ને પદ્મશ્રી

ગણતંત્ર દિવસની પૂર્વ સંધ્યાએ પદ્મ પુરસ્કાર વિજેતાઓના નામની જાહેરાત કરવામાં આવી હતી. પશ્ચિમ બંગાળના ડો. દિલીપ મહાલનાબીસને મરણોત્તર પદ્મ વિભૂષણ એનાયત કરવામાં આવ્યા છે. તેમને આ સન્માન ORSની શોધ માટે આપવામાં આવ્યું હતું. તેમના સિવાય સપા નેતા સ્વર્ગસ્થ મુલાયમ સિંહ યાદવ, તબલાવાદક ઝાકિર હુસૈન, બાલકૃષ્ણ દોષી અને શ્રીનિવાસ વર્ધનને પદ્મ વિભૂષણથી સન્માનિત કરવામાં આવ્યા છે. કુમાર મંગલમ બિરલા અને સુધા મૂર્તિ સહિત 9 હસ્તીઓને પદ્મ ભૂષણથી નવાજવામાં આવ્યા છે. આ સિવાય 91 લોકોને પદ્મશ્રીથી નવાજવામાં આવ્યા છે.

આ પદ્મ સન્માન મેળવનારાઓમાં 8 ગુજરાતીઓનો સમાવેશ થાય છે. જેમાં અમદાવાદના સ્થપતિ અને હમણાં જ જેમનું નિધન થયું તે સ્વ. બાલકૃષ્ણ દોશીને પદ્મવિભૂષણથી નવાજાયા છે જ્યારે 7 ગુજરાતીઓને પદ્મશ્રીથી નવાજવામાં આવ્યા છે.

સમગ્ર લિસ્ટ જોવા અહીં ક્લિક કરો

આ ગુજરાતીઓનું સન્માન થયું

ગુજરાતના ઉદ્યોગપતિ રસના ફેઇમ અરીઝ ખંભાતાને મરણોત્તર પદ્મશ્રી

અમદાવાદ સ્થિત કંપની રસનાના સ્થાપક સ્વ. અરીઝ ખંભાતાને મરણોત્તર પદ્મશ્રી પુરસ્કાર એનાયત કરવામાં આવ્યો છે. અરીઝ ખંભાતા બેનેવોલેન્ટ ટ્રસ્ટ અને રસના ફાઉન્ડેશનના ચેરમેન પણ હતા. તેઓ WAPIZ (વર્લ્ડ અલાયન્સ ઓફ પારસી ઈરાની જરથોસ્તી)ના પૂર્વ ચેરમેન અને અમદાવાદ પારસી પંચાયતના પૂર્વ અધ્યક્ષ પણ હતા. ખંભાતા લોકપ્રિય ઘરેલુ પીણાની બ્રાન્ડ રસના માટે જાણીતા છે, જેને દેશમાં 18 લાખ દુકાનો પર વેચવામાં આવે છે.

છેલ્લા 42 વર્ષથી હું ભજન ગાઉ છું: હેમંત ચૌહાણ

આ અંતર્ગત રાજકોટમાં રહેતા અને જાણીતા ભજનીક હેમંત ચૌહાણને પણ પદ્મશ્રી આપવામાં આવશે. ત્યારે આ અંગે હેમંત ચૌહાણે જણાવ્યું હતું કે, પદ્મશ્રી મળવાની જાહેરાત થતા હું ખૂબ ખુશ છું. આ તકે હું ભારત સરકારનો ખૂબ ખૂબ આભાર માનું છું. ગવર્મેન્ટ તરફથી મને જણાવવામાં આવ્યું છે કે, હું પદ્મશ્રી માટે સિલેક્ટ થયો છું. છેલ્લા 42 વર્ષથી હું ભજન ગાઉ છું. સંતોની વાણી ગાઉ છું. ઈશ્વરની આરાધના પણ કરું છું. ત્યારે પદ્મશ્રી મળવાની જાણ થતાં હું ખૂબ જ આનંદની લાગણી વ્યક્ત કરું છું.

‘હેમંત ચૌહાણનો ટૂંકો પરિચય

’ભજનીક હેમંત ચૌહાણનો જન્મ 1955માં ગુજરાતના રાજકોટ જિલ્લાના કુંદણી ગામમાં થયો હતો. તેમનું વિશેષ પ્રદાન ભજન ક્ષેત્રે છે. તેમણે ગુજરાતી ભજન-સંતવાણીનાં અનેક આલ્બમોમાં પોતાનો સ્વર આપ્યો છે. આ ઉપરાંત ગુજરાતી ગરબાનાં કેટલાય આલ્બમોમાં પણ તેમણે પોતાનોનો સ્વર આપ્યો છે. શ્રોતાને શબ્દેશબ્દ સંભળાય અને સમજાય તે રીતે બિલકુલ સ્પષ્ટ ઉચ્ચારણ સાથે ગાવું એ તેમની સૌથી મહત્વની વિશેષતા છે.

હીરાબાઈ લોબી કોણ છે?

સમાજસેવા સાથે સંકળાયેલા હીરાબાઈ નાનપણથી જ માતાપિતાની છત્રછાયા ગુમાવી ચૂક્યા હતાં. હીરાબાઈનો ઉછેર એમના દાદીમાએ કર્યો છે. હીરાબાઈ ઉદ્દાત ભાવનાથી અનેક બાલવાડી સ્થાપી સીદી સમુદાયના બાળકોને પાયાનું ભણતર પૂરું પાડ્યું છે. ઉપરાંત વર્ષ 2004માં મહિલા વિકાસ ફાઉન્ડેશન પ્રસ્થાપિત કરી અને સીદી મહિલાઓ આત્મનિર્ભર બને તે અંગે પણ ભગિરથ કાર્ય કર્યું છે. હીરાબાઈના આ ભગીરથ પ્રયત્નોથી જાંબુરની મહિલાઓ કરિયાણાની દુકાન, દરજીકામ વગેરે જેવા કામો કરી પરિવારને મદદરૂપ થઈ. વર્ષ 2006માં હીરાબાઈ જાનકીદેવી બજાજ પુરસ્કારથી પણ સન્માનિત થઈ ચૂક્યાં છે.

પદ્મ વિભૂષણ

પદ્મ ભુષણ

પદ્મશ્રી

સામાજિક કાર્ય(ગાંધીવાદી) માટે વી પી અપ્પુકુટ્ટન પોડુવલમને પદ્મશ્રી
હેરાકા ધર્મના સંરક્ષણ માટે પોતાનું જીવન સમર્પિત કરનાર દીમા હાસાઓના નાગા સામાજિક કાર્યકર રામકુઈવાંગબે ન્યુમેને સામાજિક કાર્ય(સંસ્કૃતિ) ક્ષેત્રમાં પદ્મ શ્રીથી સન્માનિત કરવામાં આવશે. સાથે જ ગાંધીવાદી અને પૈય્યાનૂરના સ્વતંત્ર સેનાની વી પી અપ્પુકુટ્ટન પોડુવલમને સામાજિક કાર્ય(ગાંધીવાદી) ક્ષેત્રમાં પદ્મ શ્રીથી સન્માનિક કરવામાં આવશે.

સામાજિક કાર્ય(સસ્તી સ્વાસ્થ્ય સેવા) માટે શંકુરથ્રી ચંદ્રશેખરની પસંદગી
કાકીનાડા સ્થિત સામાજિક કાર્યકર્તા શંકુરથ્રી ચંદ્રશેખર, જેમણે જરૂરતમંદ લોકોને મફત ચિકિત્સા અને શિક્ષા સેવાઓ પ્રદાન કરવા માટે પોતાનું જીવન સમર્પિત કર્યું, તેમણે સામાજિક કાર્ય(સસ્તી સ્વાસ્થ્ય સેવા) ક્ષેત્રમાં પદ્મ શ્રીથી સન્માતિ કરવામાં આવશે.

ઝેરી સાપ પકડવામાં નિષ્ણાત
ઈરૂલા જનજાતિના નિષ્ણાત સાપ પકડનારા વાડીવેલ ગોપાલ અને માસી સદૈયાને સામાજિક કાર્ય (પ્રાણી કલ્યાણ) ક્ષેત્રે પદ્મશ્રીથી નવાજવામાં આવ્યા છે.