ક્રૂર પતિની હેવાનિયત:પત્નીનો એક હાથ દુર્ઘટનામાં ડેમેજ થઈ ગયો હતો, તેથી બીજા લગ્ન કરવા સોપારી આપી તેની હત્યા કરાવી દીધી

15 દિવસ પહેલા
  • કૉપી લિંક

બિહારમાં મુંગેરના કાસિમ બજાર પોલીસ સ્ટેશન વિસ્તારના ચુઆબાગમાં સોમવારે સવારે થયેલા દીપિકા મર્ડર કેસનો પોલીસે ખુલાસો કર્યો છે. પોલીસનો દાવો છે કે દીપિકા શર્માની હત્યા તેના પતિએ જ કરી હતી. CISF જવાન દીપિકાના પતિએ તેની હત્યાની સોપારી તેના નાના ભાઈ સહિત 3 શૂટર્સને 1.20 લાખ રૂપિયામાં આપી હતી. પોલીસે પાંચેયની ધરપકડ કરી જેલ હવાલે કર્યા હતા.

જેમાંથી 2 શૂટરની પોલીસે ધરપકડ કરી છે, જ્યારે એક શૂટર હજુ પણ ફરાર છે. હત્યારાઓની સાથે પોલીસે દીપિકાના પતિ રવિ કુમાર, સાળો છોટુ શર્મા ઉર્ફે આકાશ, જીજા સુમિત કુમાર, શૂટર ગૌતમ કુમાર અને સંજીવ કુમાર સહિત 5 આરોપીની ધરપકડ કરી છે અને તેમને જેલમાં મોકલી દીધા છે. નોંધનીય છે કે દીપિકા તેની માતાની હત્યાની પ્રત્યક્ષદર્શી હતી અને બે વર્ષ પહેલાં તેને હાથમાં ગોળી વાગી હતી.

મંગળવારે SP જેજે રેડ્ડીએ જણાવ્યું હતું કે દીપિકા શર્માનો પતિ CISFમાં કામ કરતો રવિ શર્મા તેની પત્નીનો હત્યારો નીકળ્યો હતો. એસપીએ જણાવ્યું હતું કે આ માટે મૃતકના પતિએ કોન્ટ્રેક્ટ કિલર સાથે સંપર્ક કરીને તેની પત્નીની હત્યાની સોપારી 1 લાખ 20 હજાર રુપિયામાં કોતવાલી ગામમાં સંજીવ કુમાર, ગૌતમ કુમાર અને પતલુ નામના ત્રણ શખસને આપી હતી.

મોબાઈલે ભેદ ખોલ્યા
SPએ જણાવ્યું હતું કે ઘટના બાદ રવિ શર્માના ભાઈ છોટુ શર્મા અને તેના પરિવારના સભ્યોના મોબાઈલ લઈને જ્યારે સીડીઆર બહાર કાઢવામાં આવ્યુો તો જાણવા મળ્યું કે તેના પતિએ કોન્ટ્રેક્ટ કિલર પાસેથી તેની પત્નીની હત્યા કરાવી હતી. આ કેસમાં પોલીસે પતિ રવિ શર્મા અને તેના બે ભાઈ સહિત બે કોન્ટ્રેક્ટ કિલર્સની ધરપકડ કરી છે. 5 મોબાઈલ મળી આવ્યા છે.

પતિ ફરીથી લગ્ન કરવા માગતો હતો, તેથી પત્નીની હત્યા કરવામાં આવી
એસપી જેજે રેડ્ડીએ જણાવ્યું હતું કે મૃતકના ભાઈ સાનુએ કહ્યું હતું કે દીપિકાના પતિ રવિના સંબંધ અન્ય મહિલા સાથે છે, તે તેની સાથે લગ્ન કરવા માગે છે. આ સિવાય એસપીએ જણાવ્યું હતું કે મૃતક દીપિકા શર્માને 2017માં બે ગોળીવાગી હતી. આ કારણે તેનો ડાબો હાથ કામ કરતો નહોતો. આ કારણે પણ લોકો તેને પતિ અને સાસરિયાંમાં પસંદ કરતા નહોતા. આ માટે તેના પતિએ પણ કોન્ટ્રેક્ટ કિલર્સ પાસે તેની હત્યા કરાવી દીધી.

અન્ય સમાચારો પણ છે...