બિહારમાં જદયૂ-ભાજપ હજી પણ અસહજ:વિધાનસભાની સીટો વહેંચાય તો 8 દિવસમાં, નહિતર પછી 38 દિવસ પછી મંત્રીમંડળના વિસ્તરણનું મુહુર્ત

બિહારની NDA સરકારમાં ભાજપની પાસે વધુ સીટો હોવાના કારણે મંત્રીમંડળનું વિસ્તરણ અટકી ગયું છે. વિધાનસભાની 12 સીટો પર પણ પેંચ ફસાયેલો છે. તેની વહેંચણી ઝડપથી થઈ જાય તો આઠ દિવસમાં જ મંત્રીમંડળનું વિસ્તરણ થઈ જશે. જો ભાજપ અને જદયૂની વચ્ચે સહમતિ ન બની તો મામલો અધિકમાસ પછી ચાલ્યો જશે. એટલે કે 38 દિવસ પછી જ મંત્રીમંડળના વિસ્તરણનું મુહુર્ત નીકળવાની શકયતા સર્જાશે. ત્યાં સુધી નીતિશ કેબિનેટના મંત્રીઓ પર વધારાના કામનો બોજો રહેશે.

22 વધારાના વિભાગની જવાબદારીઓ
કેબિનેટમાં હાલ નીતિશ કુમાર સિવાય 13 મંત્રીઓ છે, જેમની પાસે 22 વધારાના વિભાગની જવાબદારીઓ છે. એક માત્ર ડેપ્યુટી સીએમ તારકિશોર પ્રસાદ પાસે જ છ વિભાગ છે. તેમના ઘણા વિભાગોની ઓફિસો પણ દૂર-દૂર છે. જદયૂમાંથી આવનાર વિજય કુમાર ચૌધરી અને અશોક ચોધરી પર 5-5 વિભાગોની જવાબદારી છે. મેવાલાલ ચૌધરીના રાજીનામાના કારણે અશોક ચૌધરીની પાસે ચારની જગ્યાએ પાંચ વિભાગ થઈ ગયા છે. એક-એક મંત્રી પર આટલા વિભાગોની જવાબદારી હોવાના કારણે મુશ્કેલી પડી રહી છે.

બિહાર ચૂંટણી પર ભાજપનું નિવેદન:પાર્ટી અધ્યક્ષ નડ્ડાએ કહ્યું- ભાજપ, JDU અને લોજપા સાથે મળીને નીતિશ કુમારના નેતૃત્વમાં ચૂંટણી લડશે

નીતિશની ઈચ્છાઃ બજેટ સત્ર પછી કરવામાં આવે વિસ્તરણ
મુખ્યમંત્રી નીતિશ કુમારની ઈચ્છા છે કે કેબિનેટનું વિસ્તરણ બજેટ સત્ર પછી કરવામાં આવે. તેની પાછળનું કારણ છે નવી સરકારની રચના પછી થયેલા સત્રમાં જ જોવા મળેલું વિપક્ષનું વલણ. મજબૂત વિપક્ષના કારણે સરકારને ખતરો દેખાઈ રહ્યો છે. એવામાં વિપક્ષને જદયૂના નારાજ ધારાસભ્યોનું મૌન સમર્થન મળી ગયું તો નવી બનેલી સરકાર માટે મોટી મુશ્કેલી સર્જાઈ શકે છે.

ભાજપની ઈચ્છાઃ ઝડપથી કરવામાં આવે કેબિનેટનું વિસ્તરણ
નીતિશની ઈચ્છા વિરુદ્ધ ભાજપ કેબિનેટનું વિસ્તરણ ઝડપથી કરવા માંગે છે. ભાજપ અત્યારથી જ 2025ની તૈયારીઓ કરી રહી છે. રાજ્યની સૌૈથી મોટી પાર્ટી બનતા રહી ગયેલી ભાજપ બિહારમાં એકલી સત્તામાં આવવા હાલ પણ એક્શન મોડમાં છે. જૂના નેતાઓની નારાજગીને સમજીને પાર્ટી ઝડપથી કેબિનેટનું વિસ્તરણ કરવાની સાથે પોતાના મંત્રીઓને કામે લગાડવા માંગે છે.

18 હજાર કિમી લાંબી માનવ શ્રૃંખલા બનાવવામાં આવી, CM નીતિશ સામેલ થયા; 3 મુદ્દાઓ પર જાગૃતિનો સંદેશ અપાયો