તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

સ્કૂલોનું ન્યૂ નોર્મલ:NCERTએ કેન્દ્રને ગાઈડલાઈનનો ડ્રાફ્ટ સોંપ્યો, હવે સ્કૂલો પણ ઑડ-ઇવન શરૂ થશે

નવી દિલ્હી10 મહિનો પહેલાલેખક: અમિત કુમાર નિરંજન
  • કૉપી લિંક
પ્રતિકાત્મક તસવીર. - Divya Bhaskar
પ્રતિકાત્મક તસવીર.
  • NCERTનું સૂચન: રૂમના બદલે ખુલ્લા આકાશ નીચે ભણાવાય તો વધુ સારું
  • ધોરણ પ્રમાણે સ્કૂલના સમયમાં 10 મિનિટનું અંતર, જેથી વિદ્યાર્થી એક સાથે ભેગા ન થાય
  • NCERTના ડ્રાફ્ટ મુદ્દે આખરી નિર્ણય લઈને કેન્દ્ર માર્ગદર્શિકા જાહેર કરશે
  • હવામાન ખરાબ થતાં રૂમમાં ક્લાસ લેવો પડે તો એસી બંધ રહેશે, બારી-બારણાં ખુલ્લાં

એનસીઈઆરટીએ સ્કૂલો ખોલવાની તૈયારીને લઈને સરકારને ગાઈડલાઈનનો ડ્રાફ્ટ સોંપી દીધો છે. આ ડ્રાફ્ટ પ્રમાણે, સ્કૂલ ખૂલ્યા પછી એક ધોરણમાં એક જ ક્લાસમાં ભણતા વિદ્યાર્થીઓને એકસાથે નહીં બોલાવાય. આ માટે રોલ નંબર પ્રમાણે ઑડ-ઈવન ફોર્મુલા અપનાવાશે અથવા તો બે શિફ્ટમાં ક્લાસ લેવાશે. વિદ્યાર્થીઓના સ્કૂલ પહોંચવાના સમયે ધોરણો પ્રમાણે 10-10 મિનિટનું અંતર રખાશે. આ ડ્રાફ્ટમાં સોશિયલ ડિસ્ટન્સિંગના હેતુથી ક્લાસ ખુલ્લા આકાશ નીચે લેવાય એવું પણ સૂચન કરાયું છે.

આ ઉપરાંત ટ્રાન્સપોર્ટ માટે એક સીટ પર એક જ વિદ્યાર્થીને બેસાડી શકાશે અને માર્ગદર્શિકામાં વધુ વિગતો જાહેર કરાશે. હોસ્ટેલ હોય ત્યાં બેડ પણ 6-6 ફૂટના અંતરે રાખવાના રહેશે અને કુલ ક્ષમતાના 33% વિદ્યાર્થી જ હોસ્ટેલમાં રહી શકશે.

6 તબક્કામાં સ્કૂલ ખૂલશે

  • પ્રથમ તબક્કો – 11માં અને 12માંના ક્લાસ શરૂ થશે.
  • 1 અઠવાડિયા પછી – 9માં અને 10માંના ક્લાસ શરૂ થશે.
  • 2 અઠવાડિયા પછી – 6થી 8 ધોરણ સુધીના ક્લાસ શરૂ થશે.
  • 3 અઠવાડિયા પછી – 3થી 5 ધોરણના ક્લાસ શરૂ થશે.
  • 4 અઠવાડિયા પછી – પહેલા ધોરણના ક્લાસ શરૂ થશે.
  • 5 અઠવાડિયા પછી – વાલીઓની સંમતિથી નર્સરી-કેજીના ક્લાસ શરૂ કરી શકાશે. કન્ટેનમેન્ટ ઝોનની સ્કૂલ બંધ રહેશે.

સ્કૂલ : ક્લાસમાં બાળકો વચ્ચે 6 ફૂટનું અંતર જરૂરી

  • ક્લાસમાં 30 કે 35 બાળકોને જ બેસાડી શકાશે. વિદ્યાર્થીઓ વચ્ચે 6 ફૂટનું અંતર જરૂરી.
  • ક્લાસમાં એસી નહીં ચલાવાય. દરવાજા-બારી ખૂલ્લાં રહેશે.
  • વિદ્યાર્થીઓને ઓડ-ઈવનના આધારે બોલાવવાના રહેશે પણ હોમ એસાઈનમેન્ટ રોજ આપવાનું.
  • ડેસ્ક પર નામ લખેલું હશે, જેથી બાળકો રોજ એક જ જગ્યાએ બેસે.
  • મોર્નિંગ એસેમ્બલી અને વાર્ષિક ઉત્સવ નહીં યોજાય.

બાળકો: નોટ-બુક્સ, પેન્સિલ, નાસ્તો શૅર નહીં કરી શકે

  • દરેક બાળક માટે માસ્ક જરૂરી.
  • બાળકો નોટ-બુક્સ, પેન, પેન્સિલ, ઇરેઝર વગેરે શૅર નહીં કરી શકે.
  • પાણી ઘરેથી લઇને આવશે. નાસ્તો કોઇની સાથે શૅર નહીં કરી શકે.
  • જે વિદ્યાર્થીઓ સ્કૂલમાં સોશિયલ ડિસ્ટન્સિંગ નહીં જાળવે તેમના વાલીઓને જાણ કરાશે.
અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- ગ્રહ સ્થિતિ અનુકૂળ છે. મિત્રોનો સાથ અને સહયોગ તમારી હિંમત અને તાકાત વધારશે. તમે તમારી કોઇ નબળાઈ ઉપર પણ કાબૂ મેળવવામાં સક્ષમ રહેશો. વાતચીતના માધ્યમથી તમે તમારું કામ પણ કઢાવી શકશો. નેગેટિવઃ...

    વધુ વાંચો