તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • National
  • Rains With Strong Winds In Madhya Pradesh, Rajasthan And Bihar; Record Drop In Delhi Temperature

ચોમાસાને 24 કલાકની વાર:મધ્યપ્રદેશ, રાજસ્થાન અને બિહારમાં ઝડપી પવનની સાથે વરસાદ; દિલ્હીના ટેમ્પરેચરમાં રેકોર્ડ ઘટાડો

નવી દિલ્હી20 દિવસ પહેલા
  • કૉપી લિંક
  • ચોમાસુ આ વર્ષે નિયત સમય કરતા 2 દિવસ મોડુ છે, કેરળમાં 3 દિવસથી પ્રી-મોનસૂન વરસાદ ચાલુ છે

મોસમ વિભાગના જણાવ્યા મુજબ આગામી 24 કલાકમાં ચોમાસાની કેરળમાં શરૂઆત થાય તેવી શકયતા છે. ચોમાસુ આ વર્ષે નિયત સમય કરતા 2 દિવસ મોડુ છે. કેરળમાં 3 દિવસથી પ્રી-મોનસૂન વરસાદ ચાલુ છે. સેટેલાઈટ ઈમેજમાં કેરળના તટવર્તી વિસ્તારમાં અને તેની નજીક આવેલા દક્ષિણ-પૂર્વી અરબ સાગરમાં વાદળ દેખાઈ રહ્યાં છે. જોકે ખાનગી મોસમ એજન્સી સ્કાઈમેટે 30 મેની બપોરે જ ચોમાસુ કેરળ પહોંચવાની જાહેરાત કરી છે.

આ વખતે બે વાવાઝોડા તાઉ-તે અને યાસની ઘણા રાજ્યો પર અસર પડવાને કારણે નૌતપાની અસર બિલકુલ જોવા ન મળી. દિલ્હીમાં બુધવારે 22.2 ડિગ્રી તાપમાન નોંધાયું હતું. તે સામાન્યથી 5 ડિગ્રી ઓછુ છે.

દિલ્હીઃ 13 વર્ષમાં પ્રથમ વખત મેમાં પારો 37.5થી નીચે
દિલ્હીમાં બુધવારે વરસાદની શકયતા છે. મંગળવારે દિલ્હીનું તાપમાન 17.6 ડિગ્રી નોંધાયું હતું, જે સામાન્યથી 10 ડિગ્રી ઓછુ હતું. દિલ્હીનું અધિકતમ તાપમાન બુધવારે 33 ડિગ્રી નોંધાયું છે. એક દિવસ પહેલા મંગળવારે તે 33.6 ડિગ્રી નોંધાયું હતું. દિલ્હીમાં 13 વર્ષ પછી મેમાં પારો 37.5 ડિગ્રીથી નીચે આવી ગયો છે. આ સિવાય 2014 પછી આવુ પ્રથમ વખત થઈ રહ્યું છે, જ્યારે સફદરજંગ વિસ્તારમાં નૌતપા દરમિયાન લૂ ન ચલી અને 2011 પછી પાલમ વિસ્તાર લૂથી અછુત રહ્યાં છે.

બિહારઃ ઝડપી પવન ફૂંકાયો અને વરસાદ થયો, ક્રેન પલટી ખાઈ ગઈ
બિહારના બેગૂસરાય જિલ્લામાં ઝડપી પવન ફૂંકાયા પછી એક ક્રેન ગંગામાં વહી ગઈ. અહીં સિમરિયામાં ગંગા નદી પર સિક્સ લેન પુલનું નિર્માણ ચાલી રહ્યું હતું. મંગળવારે સાંજે અહીં જોરદાર વાવાઝોડું આવ્યું, જેમાં મિકેનિકલ ક્રેન અને જેટી ગંગામાં વહી ગઈ.

બિહારના બેગૂસરાય જિલ્લાના સિમરિયામાં ગંગા નદી પરનો પુલ વહી ગયો.
બિહારના બેગૂસરાય જિલ્લાના સિમરિયામાં ગંગા નદી પરનો પુલ વહી ગયો.

રાજસ્થાનઃ વરસાદ, 50 KMPHની ગતિથી પવન ફૂંકાયો
રાજસ્થાનમાં જયપુર સહિત ઘણા શહેરોમાં બુધવાર સવારે મોસમ બદલાઈ ગયું. સવારે 5.30 વાગ્યાથી ઝડપી પવન ફૂંકાવવા લાગ્યો. લગભગ એક કલાક પછી હવામાન વધુ ખરાબ થઈ ગયું. તે પછી લગભગ 50થી 60 કિલોમીટરની ગતિથી પવન ફૂંકાયો અને વરસાદ થયો. પવનના કારણે ઘણા વિસ્તારોમાં મકાનના છાપરા ઉડી ગયા અને ઝાડ પડી ગયા. આગામી 24 કલાકમાં જયપુર સિવાય ચુરુ, ઝાંઝુનૂ, સીકર, દૌસા, અલવર, કરૌલી, ભરતપુર જિલ્લાઓમાં વરસાદની સાથે પવન ફૂંકાયો હતો.

જયપુરના મહેશ નગર વિસ્તારમાં ઝડપી પવન ફૂંકાવવાથી કારની ઉપર ઝાડ પડ્યું.
જયપુરના મહેશ નગર વિસ્તારમાં ઝડપી પવન ફૂંકાવવાથી કારની ઉપર ઝાડ પડ્યું.

મધ્યપ્રદેશઃ ઈન્દોર, ભોપાલ સહિત ઘણા જિલ્લાઓમાં વરસાદ
જૂનની શરૂઆત પણ વરસાદ સાથે થઈ. મંગળવારે સાંજે ઈન્દોર, ભોપાલ સહિત ઘણા જિલ્લાઓમાં વરસાદ થયો. ઈન્દોરમાં 20થી વધુ ઝાડ પડી ચૂક્યા છે. મોસમ વિભાગનું માનીએ તો હવે ગરમી વધવાની શકયતા નથી. આ વખતે ગરમીમાં એક દિવસ પણ લૂ ચાલવા જેવી સ્થિત ન બની. ઈન્દોર તરફ સતત હવાની દિશા ઉતર, પશ્ચિમ રહી. આ સિવાય ઈન્દોરને તપાવનારી રાજસ્થાનની ગરમ હવા પણ ન આવી. જોકે ભોપાલમાં જરૂરી પારો 42 ડિગ્રી સુધી આવી ગયો, કારણ કે અહીં હવાની દિશા દક્ષિણ તરફની રહી.

મધ્યપ્રદેશના ઈન્દોરમાં મંગળવાર સાંજે વરસાદ થયો.
મધ્યપ્રદેશના ઈન્દોરમાં મંગળવાર સાંજે વરસાદ થયો.

હરિયાણાઃ આંધીથી 1156 ઝાડ પડ્યા
રાજ્યમાં આંધી અને વરસાદનો ક્રમ ચાલુ છે. સોમવારે મોડીરાતે આંધી-વરસાદના કારણે 6 હજારથી વધુ વીજળીના થાંભલા તૂટી ગયા. લગભગ 1156 ઝાડ પડી ગયા. અંઘડમાં 517 ટ્રાન્સફાર્મર ખરાબ થવાથી 12થી 18 કલાક સુધી ગામો-શહેરની વીજળી ગુલ રહી. કેટલાક એરિયામાં બપોરે 12 વાગ્યા કે સાંજે 5 વાગ્યા સુધી વીજળીનો સપ્લાઈ ચાલુ ન થઈ શક્યો. કેટલાક ગામો પણ એવા છે, જ્યાં 6 વાગ્યા સુધી વીજળી ન પહોંચી શકી. આંધીની અસર 15 જિલ્લાઓમાં વધુ રહી.

હરિયાણાના કેથલમાં ઝડપી પવનના કારણે ટ્રક પર ઝાડ પડ્યું.
હરિયાણાના કેથલમાં ઝડપી પવનના કારણે ટ્રક પર ઝાડ પડ્યું.

ઝારખંડઃ ઘણા જિલ્લાઓમાં વાદળછાયુ વાતાવરણ રહ્યું
રાંચી, ગુમલા, હજારી, પૂર્વી સિંહભૂમ, પશ્ચિમી સિંહભૂમ, પલામૂ, ગઢવા, કોડરમા, પાકુર સહિત ઝારખંડના ઘણા જિલ્લાઓમાં બુધવારે સવારથી જ વાદળછાયુ વાતાવરણ છે. આ પહેલા મંગળવારે સાંજે રાંચીમાં ઝડપી પવન સાથે વરસાદ થયો. મોસમ વિભાગના જણાવ્યા મુજબ 3 કલાકમાં 42 મિમી વરસાદ થયો અને 30-40 કિમી પ્રતિ કલાકની ગતિથી પવન ફૂંકાયો હતો. IMDના જણાવ્યા અનુસાર, બિહારમાં એક ઓછા દબાણનું ક્ષેત્ર બનેલુ છે. તેની ટ્રફ લાઈન બિહારથી લઈને ઝારખંડ થતા પશ્ચિમ બંગાળ સુધી ફેલાઈ છે.

છત્તીસગઢઃ 14 જિલ્લામાં વરસાદની સાથે આંધીની શકયતા
રાયપુર સહિત સમગ્ર છત્તીગઢમાં મોસમની ઉથલપાથલ ચાલુ છે. મોસમ વિભાગે 14 જિલ્લાઓમાં આંધી આવવાની અને વીજળી પડવાની શકયતા વ્યક્ત કરી છે. IMDએ સૂરજપુર, સરગુજા, બલરામપુર, જશપુર, કોરબા, રાજનાંદગાંવ, બાલોદ, કાંકેર, દુર્ગ, રાયપુર, ધમતરી, ગરિયાબંદ, બાલૌદાબાજાર, મહાસમુંદ અને તેની નજીકના જિલ્લાઓમાં વરસાદની શકયતા વ્યક્ત કરી છે.

હિમાચલઃ 24 જૂનથી એન્ટ્રી કરશે ચોમાસુ
હિમાચલ પ્રદેશમાં મોનસુન આ વખતે 24 જૂનથી એન્ટ્રી કરશે. 15 જૂનથી પ્રી-મોનસૂનની શરૂઆત થશે. આ વખતે સામાન્યથી વધુ વરસાદ થવાની શકયતા છે. મોસમ વિભાગે જણાવ્યું કે આ વખતે મોનસૂનમાં વધુ વરસાદ થશે. ગત વર્ષે લગભગ 30 ટકા વરસાદ થયો હતો. તેનો લાભ રાજ્યના ખેડૂતોને થશે.