તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • National
  • Locals In Lakshadweep Are Worried About Their Own Existence While Administrator Praful Patel Said Change Is Needed.

ભાસ્કર વિશેષ:લક્ષદ્વીપમાં સ્થાનિક લોકોને પોતાના અસ્તિત્વની ચિંતા છે જ્યારે વહીવટદાર પ્રફુલ્લ પટેલે કહ્યું- પરિવર્તન જરૂરી છે

તિરુવનંતપુરમ8 દિવસ પહેલાલેખક: કે. એ. શાજી
  • કૉપી લિંક
  • લક્ષદ્વીપમાં કાનૂની જોગવાઈના મુદ્દે સ્થાનિકો અને સત્તાવાળા વચ્ચે ઘર્ષણ

કેન્દ્ર શાસિત પ્રદેશ લક્ષદ્વીપમાં છેલ્લા કેટલાક દિવસથી બીફ પર પ્રતિબંધ, બે બાળકોથી વધુ હોય તો પંચાયત ચૂંટણી લડવા પર પ્રતિબંધ, કારણ જણાવ્યા વિના ધરપકડ અને ભૂમિ સંપાદન સંબંધિત નિયમોનો સ્થાનિક લોકો મોટા પાયે વિરોધ કરી રહ્યાં છે. એડમિનિસ્ટ્રેટર પ્રફુલ્લ પટેલ વિકાસ માટે આ પરિવર્તન જરૂરી હોવાનું જણાવે છે. તો સ્થાનિક લોકો કહે છે કે તેનાથી તેમના અસ્તિત્વ સામે સવાલ ઊભો થઈ જશે.

એન્ડ્રોટ ટાપુના એમ.એચ. શૈયદ કહે છે કે આ દ્વીપમાં માણસો 7મી સદીના પ્રારંભથી રહે છે. જીવન નિર્વાહ માટે માછલી પકડવાનો અને નાળિયેરની ખેતીનો વ્યવસાય કરે છે. નવા પરિવર્તનથી તેમના કામને અસર થઈ છે. તેમને માછલી પકડવા, નૌકા અને જાળ રાખવાથી વંચિત રાખવામાં આવે છે. અહીં પરંપરાગત રીતે આવું થાય છે. ગુજરાતના ભૂતપૂર્વ ગૃહમંત્રી પ્રફુલ્લ પટેલને 5 ડિસેમ્બર 2020ના રોજ લક્ષદ્વીપના એડમિનિસ્ટ્રેટર બનાવાયા હતા.

ત્યારપછી તેમણે પહેલું જે મોટું પરિવર્તન કર્યું તે કોરોના અંગે હતું. કોચીથી અહીં આવનારે પહેલા 8 દિવસ ક્વોરેન્ટાઈન થવું પડતું હતું. તેને બદલીને 48 કલાક પહેલા આરટીપીસીઅાર નેગેટિવ રિપોર્ટ દર્શાવવાનો નિયમ કરાયો. અાક્ષેપ છે કે તેનાથી અહીં કોવિડ દર્દીની સંખ્યા ઝડપથી વધી. ચાલુ વર્ષે 29 જાન્યુઅારીએ એન્ટી સોશિયલ એક્ટિવિટી રેગ્યુલેશન ડ્રાફ્ટ લવાયો.

આ કાયદા હેઠળ કોઈપણ વ્યક્તિને એક વર્ષ સુધી ટ્રાયલ કસ્ટડીમાં રાખવાની જોગવાઈ છે. ત્યારપછી 25 ફેબ્રુઆરીએ જાહેરનામું બહાર પાડ્યું. બીફ પર પ્રતિબંધ મૂકાયો. અહીં 96 ટકા વસતી મુસ્લિમની છે. લક્ષદ્વીપના લોકસભાના સાંસદ પી.પી. મોહમ્મદ ફૈઝલ કહે છે કે સરકારી શાળામાં મધ્યાહન ભોજનમાં નોનવેજ પર પ્રતિબંધ મૂકાયો. હવે પશુવધ, વેચાણ અને બીફ ખરીદવા પર પણ પ્રતિબંધ મૂકાયો છે.

પહેલા અહીં દારૂ વેચવા પર પ્રતિબંધ હતો. હવે પર્યટનના નામે પરમીટ અપાય છે. પંચાયત અધિનિયમ 2021 હેઠળ શિક્ષણ, આરોગ્ય, માછલી પાલન જેવા ક્ષેત્રમાં સ્થાનિક લોકોનો અધિકાર ઓછો કરવાની જોગવાઈ કરાઈ છે. આથી ગામપંચાયતની આર્થિક, વહીવટી અને રાજકીય તાકાત ખતમ થઈ જશે.

અમર્યાદિત પર્યટનથી ઘણું નુકસાન, સ્થાનિક લોકોનું હિત જરૂરી
28 માર્ચે જાહેર કરાયેલા ડ્રાફ્ટ અનુસાર વહીવટી વિકાસ કાર્યો માટે કોઈ જગ્યાને પ્લાનિંંગ એરિયા તરીકે જાહેર કરી શકાશે. તે કોઈપણ સંપત્તિ હટાવવા, સ્થાનાતંરિત કરવા, સંપાદન અને નિયંત્રણનો અધિકાર આપે છે. તેનો હેતુ ખનન, હાઈવેનું નિર્માણ, રેલવે, ટ્રામ્વે જેવા વિકાસ કાર્ય માટે કહેવાય છે. જો કે લોકોને ડર છે કે આવી અમર્યાદિત ગતિવિધિથી દ્વીપોની સ્થિતિ પર ખરાબ અસર પડશે.

અહીં લાંબા સમયથી ભણાવતા શિક્ષણ શાસ્ત્રી સ્મિતા પી. કુમાર કહે છે કે વહીવટદારનો હેતુ ખાનગી રોકાણ વધારી પર્યટન વધારવાનો છે પણ સમુદ્ર તટ પર નિર્માણ, મોટા જહાજોનું પરિવહન અને આડેધડ માછલી પકડવાથી સ્થાનિક સમુદાયની આજીવિકા પર દબાણ વધશે. સંવેદનશીલ દ્વીપમાં જવાબદાર પર્યટન જરૂરી છે.

અન્ય સમાચારો પણ છે...