આમ આદમી પાર્ટીને પછડાટ:કેજરીવાલે જે ત્રણ નેતાઓના નામ ચિઠ્ઠી પર લખ્યા હતા, જાણો ગુજરાતના પરિણામોમાં તેમનું શું થયું

ગુજરાતમાં, ભાજપ ફરી એકવાર પ્રચંડ બહુમતી સાથે સરકાર બનાવતી જોવા મળી રહ્યું છે, જ્યારે કોંગ્રેસને તેની અત્યાર સુધીની સૌથી ખરાબ હારનો સામનો કરવો પડ્યો છે. જ્યારે, ગુજરાતમાં પ્રથમ વખત, આમ આદમી પાર્ટીએ તમામ બેઠકો માટે ઉમેદવારો ઉભા રાખ્યા હતા, જેમાંથી તેના ઉમેદવારો પાંચ બેઠકો પર આગળ ચાલી રહ્યા છે. દિલ્હીના સીએમ કેજરીવાલે કાગળની સ્લિપ પર લખીને પોતાના ત્રણ નેતાઓની જીતનો દાવો કર્યો હતો, જેમાં AAPના સીએમ પદનો ચહેરો ઇસુદાન ગઢવી અને પ્રદેશ પ્રમુખ ગોપાલ ઈટાલીયા અને અલ્પેશ કથીરિયાના નામ હતા.

આમ આદમી પાર્ટીના સંયોજક અરવિંદ કેજરીવાલે એક પ્રેસ કોન્ફરન્સ દરમિયાન ઈસુદાન ગઢવી, પ્રદેશ પ્રમુખ ગોપાલ ઈટાસિયા અને અલ્પેશ કથીરિયાની જીતનો દાવો કર્યો હતો. આ માટે તેમણે ફરી એકવાર કાગળ પર ત્રણેય નેતાઓના નામ અને તેમની સીટ પર જીતનો દાવો લેખિતમાં આપવામાં આવ્યો હતો. આમ આદમી પાર્ટીના આ ત્રણેય નેતાઓ ચૂંટણી હારી ગયા છે.

ખંભાળીયા સીટ : ઈસુદાન ગઢવી
દેવભૂમિ દ્વારકાની ખંભાળિયા બેઠક પર આમ આદમી પાર્ટીના મુખ્યમંત્રીનો ચહેરો ઇસુદાન ગઢવી મેદાનમાં ઉતર્યા હતા, જેમની જીતનો દાવો કેજરીવાલે કર્યો હતો. આ સીટ પર ભાજપના ઉમેદવાર મુલુભાઈ બેરાને 77305 મત મળ્યા જ્યારે આમ આદમી પાર્ટીના ઈસુદાન ગઢવીને 58467 મત મળ્યા છે. જ્યારે કોંગ્રેસના વિક્રમ માડમને 44526 મત મળ્યા છે. આપ દ્વારા ઈસુદાન ગઢવીને મુખ્યમંત્રી પદના ચહેરા તરીકે જાહેર કર્યા હતા. જોકે, ખંભાળીયા બેઠક પરથી તેમની હાર થઈ છે.

કતારગામ બેઠકઃ ગોપાલ ઈટાલિયા હારી ગયા
ગુજરાતની કતારગામ વિધાનસભા બેઠક પર આમ આદમી પાર્ટીના રાજ્ય ગોપાલ ઇટાલિયાએ ચૂંટણી લડી હતી, તેનો પણ જીતનો દાવો અરવિંદ કેજરીવાલે કર્યો હતો. આ સીટ પર ભાજપના વિનુ મોરડિયાને 110515 મત મળ્યા જ્યારે ગોપાલ ઈટાલિયાને 49856 મત મળ્યા.
છે. ભાજપે આ સીટ 60,659 મતોથી જીતી છે.

વરાછા બેઠક: અલ્પેશ કથીરિયા
પાટીદારોના ગઢ ગણાતી વરાછા બેઠક પરથી પાટીદાર અનામત આંદોલનનો મુખ્ય ચહેરો અલ્પેશ કથીરિયા આમ આદમી પાર્ટીની ટિકિટ પર ચૂંટણી મેદાનમાં ઉતર્યા હતા. અરવિંદ કેજરીવાલે અલ્પેશ કથીરિયાની ચૂંટણી જીતવાનો દાવો કર્યો, પણ પરિણામ ઊલટું આવ્યું છે. ભાજપના ઉમેદવાર કિશોર કાનાણીને 66352 મત, અલ્પેશ કથીરિયાને 45358 મત જ્યારે કોંગ્રેસના પ્રફુલ્લ તોગડિયાને 43718 મત મળ્યા છે. અલ્પેશ કથીરિયાને પાટીદાર ચહેરા તરીકે ઓળખવામાં આવે છે. પાટીદાર વિસ્તારોમાં પાસ અનામત આંદોલન સમિતિ બાદ અલ્પેશ કથીરિયાની આપમાંથી રાજકીય સફર શરૂ થઈ હતી. જેમાં પહેલી ચૂંટણીમાં જ હાર મળી છે.