MCD ચૂંટણી પહેલા BJPનું પંચ પરમેશ્વર સંમેલન:જેપી નડ્ડાએ કહ્યું- કેજરીવાલ તમે દિલ્હીના હાલ બેહાલ કરી દીધા છે, હવે તમારે જવું પડશે

નવી દિલ્હી2 મહિનો પહેલા
  • કૉપી લિંક

ભાજપના રાષ્ટ્રીય અધ્યક્ષ જેપી નડ્ડાએ શનિવારે દિલ્હીના રામલીલા મેદાનમાં 'પંચ પરમેશ્વર સંમેલન'માં સંબોધન કર્યું હતુ. આ રેલી એટલા માટે મહત્વની છે કારણ કે આ વર્ષે ડિસેમ્બરમાં દિલ્હી મ્યુનિસિપલ કોર્પોરેશનની ચૂંટણી યોજાય તેવી શક્યતા છે.

રેલીમાં નડ્ડાએ કહ્યું કે, કેજરીવાલ સરકારે દિલ્હીમાં કૌભાંડ પર કૌભાંડ કર્યું છે. કેજરીવાલ, તમે દિલ્હીના હાલ બેહાલ કરી દીધા છે, હવે તમારે દિલ્હી છોડવું પડશે. ભાજપે અહીં આવવું પડશે. નડ્ડાએ વધુમાં કહ્યું કે આ એ જ લોકો છે જે લોકપાલ બિલ લાવવાના હતા, આજે તેઓ કૌભાંડો પર કૌભાંડો કરી રહ્યા છે. કોંગ્રેસ પાર્ટી કમિશન માટે જાણીતી હતી, પરંતુ કેજરીવાલે તેનો પણ રેકોર્ડ પણ તોડી નાખ્યો છે.

1 લાખ કાર્યકરોને એકત્ર થયાનો દાવો
ભાજપે દાવો કર્યો છે કે આ રેલીમાં પાર્ટીના એક લાખ કાર્યકરો એકઠા થયા હતા. આ રેલીને રાજધાનીમાં ભાજપનું શક્તિ પ્રદર્શન માનવામાં આવી રહી છે. દિલ્હી ભાજપ પ્રમુખ આદેશ ગુપ્તાએ જણાવ્યું કે દિલ્હીના દરેક બૂથમાંથી 5 બૂથ કાર્યકરો સ્થળ પર હાજર હતા. અહીં કુલ 13,000 બૂથ છે. દિલ્હીમાં આ પ્રથમ મોટો કાર્યક્રમ છે જેમાં નડ્ડાઅ સંબોધન કર્યું છે.

નડ્ડાએ કહ્યું હતુ કે પોતાને માટી રાજકીય પાર્ટી પણ રામલીલા મેદાનમાં જાહેરસભા કરી શકતી નથી. પરંતુ ભાજપ કાર્યકર્તા સમ્મેલન આ જ મેદાનમાં યોજાય છે.
નડ્ડાએ કહ્યું હતુ કે પોતાને માટી રાજકીય પાર્ટી પણ રામલીલા મેદાનમાં જાહેરસભા કરી શકતી નથી. પરંતુ ભાજપ કાર્યકર્તા સમ્મેલન આ જ મેદાનમાં યોજાય છે.

ભાજપે 3 વખતથી મહાનગરપાલિકા પર કબજો કર્યો
MCD (દિલ્હી મ્યુનિસિપલ કોર્પોરેશન) પર સતત 3 વખત ભાજપનો કબજો છે. પરંતુ આ વખતે AAP ભાજપને ટક્કર આપી રહી હોય તેવું લાગી રહ્યું છે. એપ્રિલની શરૂઆતમાં, MCD ચૂંટણીની જાહેરાત કરવામાં આવી હતી, પરંતુ સંપૂર્ણ શેડ્યૂલ બહાર પાડવામાં આવે તે પહેલાં તેને મોકૂફ રાખવામાં આવી હતી. કારણ એ હતું કે કેન્દ્ર સરકાર ત્રણ વિવિધ મ્યુનિસિપલ કોર્પોરેશનોને એક કરવા માંગે છે. અગાઉ દિલ્હીમાં ઉત્તર MCD, દક્ષિણ MCD અને પૂર્વ MCD હતું, જે હવે એક થઈ ગયું છે.

આ સાથે વોર્ડની સંખ્યા ઘટાડવાનું સીમાંકન પણ બીજું કારણ હતું. ચૂંટણી પંચ સાથે સંકળાયેલા અધિકારીઓના જણાવ્યા મુજબ નગરપાલિકાના વોર્ડ યોજનાના સીમાંકન માટે રચાયેલી સમિતિ આ મહિનાના અંત સુધીમાં પૂર્ણ થઈ જશે. આ પછી ગૃહ મંત્રાલય ચૂંટણી માટે નોટિફિકેશન બહાર પાડી શકે છે.

પંચ પરમેશ્વર માટે બે મહિના પહેલા નામાંકન કરવામાં આવ્યું હતું
ભાજપ છેલ્લા બે મહિનાથી બૂથ લેવલ પાર્ટીના કાર્યકરોને નોમિનેટ કરી રહ્યું હતું. આ સાથે પંચ પરમેશ્વરની ટીમો પણ બનાવવામાં આવી હતી. પંચ પરમેશ્વરની ટીમમાં એક બુથ પ્રમુખ, ચૂંટણીને લગતી કામગીરી માટે એક બુથ લેવલ ઓફિસર, એક મહિલા, યુવા અને અનુભવી પાર્ટી કાર્યકરનો સમાવેશ કરવામાં આવ્યો છે.

ઉત્તર MCDના ભૂતપૂર્વ મેયર જય પ્રકાશે જણાવ્યું હતું કે શહેરના વિવિધ વિસ્તારોમાંથી લોકોને સ્થળ પર લાવવા માટે લગભગ 2,000 બસોની વ્યવસ્થા કરવામાં આવી હતી. આ કાર્યક્રમમાં 79,000 નવનિયુક્ત પેજ પ્રમુખોએ હાજરી આપી હતી. આ રેલી બાદ ભાજપે 2014થી અત્યાર સુધીની મોદી સરકારની ઉપલબ્ધિઓનો પ્રચાર કરવા માટે ડોર ટુ ડોર ઝુંબેશ પણ શરૂ કરવાનું આયોજન કર્યુ છે.

અન્ય સમાચારો પણ છે...