• Gujarati News
  • National
  • What Will The Jawar Airport Look Like After Seeing 5 Photos; It Will Be Able To Accommodate 178 Aircraft Simultaneously

નોઈડાના જેવરમાં મોદીના આકરા પ્રહાર:આંતરરાષ્ટ્રીય એરપોર્ટના શિલાન્યાસમાં કહ્યું- હવે યુપીને ગરીબી-કૌભાંડી-ખંડણીખોરનાં ટોણાં નહીં સાંભળવા પડે

નવી દિલ્હી10 દિવસ પહેલા
  • જેવર એરપોર્ટના નિર્માણમાં 29 હજાર 650 કરોડ રૂપિયાનો ખર્ચ થશે

વડાપ્રધાન નરેન્દ્ર મોદીએ UPમાં ગ્રેટર નોઈડાની નજીક નિર્માણ થવા થઈ રહેલા જેવર ઈન્ટરનેશનલ એરપોર્ટનું શિલાન્યાસ કર્યું છે. તેમની સાથે ઉત્તરપ્રદેશના સીએમ યોગી આદિત્યનાથ અને એવિએશન મિનિસ્ટર જ્યોતિરાદિત્ય સિંધિયા પણ છે. મંચ પર આવતાં પહેલાં મોદી જેવર એરપોર્ટના મોડલને જોયું હતું. ઈન્ટરનેશનલ એરપોર્ટનો શિલાન્યાસ કર્યા પછી વડાપ્રધાન મોદીએ જંગી જનસભાને સંબોધન કર્યું હતું.

વડાપ્રધાન મોદીએ સંબોધનમાં કહ્યું હતું કે જેવર એરપોર્ટ કનેક્ટિવિટીને સરળ બનાવશે. એ યુપીને આંતરરાષ્ટ્રીય બજારો સાથે સીધું કનેક્ટ કરશે. ખેડૂત ફળ, શાકભાજી, માછલીને ઝડપથી એક્સપોર્ટ કરી શકશે. આઝાદી મળ્યા બાદ યુપીને ટોણાં સાંભળવા મજબૂર કરવામાં આવ્યું હતું. ગરીબી, ગોટાળા, ખરાબ માર્ગો દરેક બાબતનાં ટોણાં યુપીને સાંભળવા પડતા હતા. હવે યુપી ઈન્ટરનેશનલ છાપ છોડી રહ્યું છે. આ અગાઉ સીએમ યોગીએ કહ્યું હતું કે જિન્નાના અનુયાયીઓએ શેરડીની મીઠાશમાં કડવાશ ભેળવી હતી. શેરડીની મીઠાશને આંતરરાષ્ટ્રીય સ્તર પર લઈ જવા માટે આ એરપોર્ટ મહત્ત્વપૂર્ણ ભાગ બનશે.

પીએમ મોદીએ કહ્યું, પહેલાંની સરકાર દરમિયાન ખેડૂતો પાસેથી જે જમીન લેવામાં આવી એમાં ઘણી જગ્યાએ વળતરની સમસ્યા રહી હતી અને વર્ષો સુધી જમીન બેકાર પડી રહી હતી. અમે ખેડૂતના હિતમાં, દેશના હિતમાં આ અડચણોને દૂર કરી છે. અમે ખાતરી કરી હતી કે પ્રશાસને ખેડૂતો પાસેથી યોગ્ય સમયે જમીન ખરીદી અને ત્યાર પછી 30 હજાર કરોડની આ યોજનાના ભૂમિપૂજન માટે અમે આગળ વધ્યા છે.

તેમણે વધુમાં કહ્યું હતું કે આઝાદી પછી યુપીને ટોણાં સાંભળવા માટે મજબૂર કરવામાં આવ્યું હતું. ક્યારેક ગરીબીનાં ટોણાં, ક્યારેક કૌભાંડનાં ટોણાં, ક્યારેક ખરાબ રસ્તાનાં ટોણાં તો ક્યારેક ખંડણીખોરનાં ટોણાં મારવામાં આવતાં હતાં. હવે યુપી એક આંતરરાષ્ટ્રીય ઓળખ બની રહ્યું છે. પહેલાં રાજકીય લાભ માટે આડેધડ ઈન્ફ્રાસ્ટ્રક્ચર પ્રોજેક્ટોની જાહેરાત કરવામાં આવતી હતી, પરંતુ આ પ્રોજેક્ટને હકીકત કેવી રીતે બનાવવો એ વિશે કોઈ વિચાર કરવામાં આવતો નહોતો. દાયતાઓ સુધી પ્રોજેક્ટ્સ ચાલતા રહેતા હતા અને એમાં મોડું થાય તો એના દોષનો ટોપલો બીજા પર ઢોળવામાં આવે છે.

આ પહેલાં સીએમ યોગીએ કહ્યું હતું કે જિન્નાના અનુયાયીઓએ શેરડીમાં પણ કડવાશ ભેળવી છે. શેરડીની મીઠાશ આંતરરાષ્ટ્રીય સ્તર પર લઈ જવા માટે આંતરરાષ્ટ્રીય એરપોર્ટ ખૂબ મહત્ત્વનું છે.

સપ્ટેમ્બર- 2024માં ઊડશે પહેલી ફ્લાઈટ
નોઈડા ઈન્ટરનેશનલ એરપોર્ટ દુનિયાનું ચોથું એરપોર્ટ બનવાનું છે. આ એરપોર્ટ અંદાજે 62,000 હેક્ટરમાં બનાવવામાં આવશે. એના નિર્માણમાં 30 હજાર કરોડનો ખર્ચ કરવામાં આવશે. પહેલાં તબક્કામાં 1,334 હેક્ટર જમીન પર એક રનવે અને એર ટર્મિનલ વર્ષ 2024 સુધીમાં બનાવી દેવાશે.
સરકારની ઈચ્છા છે કે સપ્ટેમ્બર 2024થી અહીં ભારતનાં 9 શહેર સહિત દુબઈ માટે ફ્લાઈટ શરૂ થશે. આખા એરપોર્ટનું નિર્માણ કાર્ય વર્ષ 2050 સુધીમાં પૂરું કરવાનો ટાર્ગેટ છે. આ એરપોર્ટની નજીકમાં જ એરક્રાફ્ટના મેઈન્ટેનન્સ માટે દેશનું સૌથી મોટું સેન્ટર બનવાનું છે.

અપડેટ્સ

  • મંચ પર પહોંચતાં પહેલાં મોદીએ સીએમ યોગી આદિત્યનાથ અને એવિએશન મિનિસ્ટર જ્યોતિરાદિત્ય સિંધિયાની સાથે જેવર એરપોર્ટના મોડલને જોયું હતું.
  • પીએમના પહોંચતાં પહેલાં નોઈડ પ્રાધિકરણની વિરુદ્ધ એક સપ્ટેમ્બરથી ધરણાં પર બેઠેલા 60થી વધુ ખેડૂતોની પોલીસે ધરપકડ કરી છે. આ ખેડૂતોને ગાજિયાબાદ પોલીસલાઈનમાં રાખવામાં આવ્યા છે.
  • સિંધિયાએ કહ્યું, જેવરની જનતાની આંખોમાં નવી ચમક દેખાઈ રહી છે. આ સપનું પૂરુ થવાની ચમક છે. વડાપ્રધાન મોદી તે સંકલ્પને પૂરો કરવા જઈ રહ્યા છે. વડાપ્રધાનનું સપનું હતું કે, એશિયામાં સૌથી મોટું એરપોર્ટ બને. આ માટી પર 30 હજાર કરોડનું રોકાણ કરાશે. આ એરપોર્ટ દિલ્હીના એરપોર્ટ કરતા પણ મોટું હશે. જેવરના રોડ, રેલ અને મેટ્રો સાથે પણ તેને જોડવામાં આવશે. એરપોર્ટથી નોઈડા, ગાઝિયાબાદ અને આસપાસના વિસ્તારનો વિકાસ થશે. એક લાખ લોકોને રોજગારી મળશે. 60 હજાર કરોડનું રોકાણ કરાશે.
  • પહેલાં માત્ર દેશમાં 74 એરપોર્ટ હતા. હવે 136 થઈ જશે. પહેલાં જે યુપીમાં માત્ર 4 એરપોર્ટ હતા, ત્યાં હવે 9 થશે. આગામી સમયમાં 17 થઈ જશે. 5 આંતરરાષ્ટ્રીય એરપોર્ટ બની જશે. રનવે પર પ્લેન અને ટ્રેક પર ટ્રેન...આ વડાપ્રધાનના વિચાર અને વિચારધારા છે. જૂની કહેવત છે ને કે, મન હોય તો માળવે જવાય. આ ઉદાહરણ સંકલ્પ સાકાર થવાનું છે.

આજે એટલે કે 25 નવેમ્બરે નોઈડા ઈન્ટરનેશનલ એરપોર્ટ(જેવર એરપોર્ટ)નો શિલાન્યાસ કરવામાં આવ્યો છે. આ વિશ્વનું ચોથું સૌથી મોટું એરપોર્ટ બનશે. આ એરપોર્ટના નિર્માણમાં 29 હજાર 650 કરોડ રૂપિયા ખર્ચાશે. અહીં એકસાથે 178 વિમાન ઊભાં રહી શકશે. અમે તમને ફોટો પ્રેઝન્ટેશન દ્વારા જેવર એરપોર્ટ વિશે જણાવી રહ્યા છે.

જેવર એરપોર્ટના નિર્માણમાં 29 હજાર 650 કરોડ રૂપિયા ખર્ચાશે. પ્રથમ ફ્લાઈટ અહીંથી સપ્ટેમ્બર 2024માં ઊડશે. જેવર એરપોર્ટ 5845 હેક્ટર જમીન પર બનશે. જોકે પ્રથમ તબક્કામાં એનું નિર્માણ 1334 હેક્ટર જમીન પર થશે. ફર્સ્ટ ફેઝમાં બે પેસેન્જર ટર્મિનલ અને બે રનવે બનાવવામાં આવશે. પછીથી અહીં કુલ પાંચ રનવે બનશે.

જ્યારે જેવર એરપોર્ટ એના સંપૂર્ણ ક્ષેત્રફળ પર વિકસિત થશે, ત્યારે એ ફ્લોરિડાના ઓરલેન્ડો ઈન્ટરનેશનલ એરપોર્ટને પછાડીને વિશ્વના ચોથા મોટા હવાઈ એરપોર્ટની યાદીમાં સ્થાન બનાવી ચૂક્યું હશે. આ એરપોર્ટ વર્ષ 2030 સુધીમાં દિલ્હી જેવું ઈન્ટરનેશનલ એરપોર્ટ બની શકશે.

પ્રથમ વર્ષે લગભગ 40 લાખ મુસાફરની અવર-જવર રહેશે. 2025-2026માં મુસાફરોની સંખ્યા 70 લાખ થઈ શકે છે. દર વર્ષે આ સંખ્યા બેગણી વધવાનું અનુમાન છે. 2044 સુધીમાં મુસાફરોની સંખ્યા લગભગ 8 કરોડ થાય એવી શક્યતા છે.

અહીં એકસાથે 178 વિમાન ઊભાં રહી શકશે. એર ટ્રાફિક વધવા પર આનાથી વધુ રનવે બનાવવામાં આવી શકે છે. ઘરેલુ ઉડાનોમાં 40 ટકા માગ મુંબઈ, કોલકાતા, બેંગલુરુ, હૈદરાબાદ અને ચેન્નઈ જેવી મેટ્રોસિટીમાં અવર-જવર કરનારા મુસાફરોની છે. આ કારણે જેવર એરપોર્ટથી શરૂઆતમાં 8 ઘરેલુ ઉડાન શરૂ કરવામાં આવશે.

આ એરપોર્ટ ચાર એક્સપ્રેસ-વે, મેટ્રો, બુલેટ ટ્રેન અને પોડ ટેક્સી સાથે જોડાશે. એની સૌથી ખાસ વાત એ છે કે મેટ્રો અને બુલેટ ટ્રેન સ્ટેશન એરપોર્ટના ટર્મિનલ બિલ્ડિંગમાં બનશે, એમાં હવાઈ મુસાફરી કરનારા પેસેન્જરની તમામ સુવિધાનો ખ્યાલ રાખવામાં આવ્યો છે.

અન્ય સમાચારો પણ છે...