લોકડાઉનમાં સગવડ:ITBPએ 21 દિવસમાં 900 ટ્રકોને જોજિલાથી કારગીલ પહોંચાડી જેથી દુર્ગમ વિસ્તારોમાં જરૂરી સામાનની અછત ન થાય

ઇન્ડો તિબેટિયન બોર્ડર પોલીસ (ITBP)એ 21 દિવસોમાં જોજિલાથી દુર્ગમ રસ્તા પર કારગીલ, લદ્દાખ સુધી લગભગ 900 ટ્રકોને એસ્કોર્ટ કરીને પહોંચાડવાનું ખૂબ મહત્વનું કામ પૂર્ણ કર્યું છે. ટ્રકો દ્વારા દૂરના વિસ્તારોમાં તેલ અને  ભોજનનો સામાન પહોંચાડવામાં આવ્યો જેથી લોકડાઉન દરમિયાન અહીં જરૂરી ચીજોની અછત ન થાય. 

કારગીલ-લદ્દાખ દેશના અત્યંત દુર્ગમ વિસ્તારો છે. અહીં લગભગ દોઢ લાખ લોકો રહે છે જેમનું જીવન પૂર્ણ રીતે સપ્લાય લાઇન પર જ નિર્ભર છે. 

માઇનસ 10 ડિગ્રી તાપમાનમાં સુરક્ષા આપી
આ વિસ્તારોમાં જતા ટ્રક સુરક્ષિત રહે તેમાં ITBPના જવાનોની ભૂમિકા મહત્વપૂર્ણ હતી. જવાનોએ માઇનસ 10 ડિગ્રી તાપમાનમાં લગાતાર આ વાહનો સાથે ચાલીને તેમને સુરક્ષા પ્રદાન કરી. સાથેજ અલગ પોઇન્ટ્સ પર કોરોના સ્ક્રીનિંગ પોઇન્ટ્સ બનાવીને ડ્રાઇવર્સ અને અન્ય લોકોનું સ્ક્રિનીંગ પણ કર્યું. 

સોશિયલ ડિસ્ટન્સિંગનું ધ્યાન રાખ્યું
સંપૂર્ણ પ્રવાસમાં સોશિયલ ડિસ્ટન્સિંગનું ધ્યાન રાખ્યું અને તેમાં ITBPની મેડિકલ વિંગ અને અન્ય જવાનોની ભૂમિકા અગત્યની રહી. ITBPના નોર્થવેસ્ટ ફ્રન્ટીઅર લેહના જવાનોએ સ્થાનિક વહીવટીતંત્ર સાથે મળીને આ સંપૂર્ણ અભિયાનને અંજામ આપ્યો અને દુર્ગમ વિસ્તારોમાં સપ્લાય લાઇનને સુનિશ્વિત કરી. સપ્લાય હજુ પણ ચાલુ છે.