• Home
  • National
  • Italy Coronavirus Death Toll Latest Vs India COVID 19 Cases Updates: Reasons Why India Might Not Look Like Italy

કોરોના એલર્ટ / ઈટાલીના પગલે ભારત, મોત અને કેસની ઝડપ એક સરખી; સમયમાં બસ એક મહિના પાછળ

Italy Coronavirus Death Toll Latest Vs India COVID 19 Cases Updates: Reasons Why India Might Not Look Like Italy
X
Italy Coronavirus Death Toll Latest Vs India COVID 19 Cases Updates: Reasons Why India Might Not Look Like Italy

  • એક માર્ચ સુધીમાં ઈટાલીમાં કોરોના વાઈરસના 1577 કેસ આવ્યા હતા, જ્યારે 41 લોકોના મોત થયા હતા
  • એક એપ્રિલ સુધી ભારતમાં કોરોનાના 1998 કેસ આવ્યા હતા અને 58 મોત થઈ હતી
  • એક્સપર્ટના જણાવ્યા પ્રમાણે ભારતમાં કોરોનાનો ગ્રાફ એકદમ ઈટાલી જેવો દેખાઈ રહ્યો છે

દિવ્ય ભાસ્કર

Apr 09, 2020, 10:39 AM IST

નવી દિલ્હી. ભારતમાં કોરોના વાઈરસના કેસ અને મોતની સંખ્યા સતત વધી રહી છે. તેનાથી દેશમાં વાઈરસની કોમ્યુનિટી ટ્રાન્સમિશનનું જોખમ વધી ગયું છે. આને જ કોરોનાનું થર્ડ ફેઝ કહેવામાં આવે છે. નિષ્ણાતોના જણાવ્યા પ્રમાણે ભારત હવે ત્રીજા ફેઝમાં પ્રવેશી ચૂક્યું છે. તેની રિયલ તસવીર લોકડાઉન ખતમ થતાં એટલે કે 14 એપ્રિલે સ્પષ્ટ થઈ જશે. તેમણે ચેતવણી પણ આપી છે કે, ભારતમાં કોરોનાનો ગ્રાફ ઈટાલી જેવો જ દેખાઈ રહ્યો છે. ફેર બસ માત્ર સમયનો છે.

કોરોના વાઈરસના કેસ અને મોતની સંખ્યા પ્રમાણે જોઈએ તો ભારત ઈટાલીના પગલે જ આગળ વધી રહ્યું છે. બસ આપણે માત્ર સમયમાં એક મહિનો પાછળ છીએ. વર્લ્ડ મીટરના આંકડા પ્રમાણે એક એપ્રિલ સુધી ભારતમાં કોરોનાના 1998 કેસ આવ્યા હતા અને 58 લોકોના મોત થયા હતા. એક મહિના પહેલાં એટલે કે એક માર્ચે ઈટાલીના આંકડા જાઈએ તો અહીં આ તારીખ સુધી કોરોનાના 1577 કેસ સામે આવ્યા હતા જ્યારે 41 લોકોના મોત થયા હતા. સોમવારે એટલે કે 6 એપ્રિલ સુધીના આંકડા પ્રમાણે ભારતમાં કોરોના વાઈરસના 4778 કેસ સામે આવ્યા હતા અને 136 લોકોના મોત થયા હતા. હવે એક મહિના પછીની સ્થિતિ જોઈએ તો, એટલે કે ઈટાલીનો 6 માર્ચ સુધીનો ગ્રાફ જોઈએ તો અહીં 4636 કેસ આવ્યા હતા અને 197 લોકોના મોત થયા હતા.

રોજની સ્થિતિ:  ભારતમાં અત્યારે હવે રોજ એટલા જ કેસ નોંધાઈ રહ્યા છે, જેટલા એક મહિના પહેલાં ઈટાલીમાં આવી રહ્યા હતા
ભારત અને ઈટાલીમાં રોજના કેસ અને મોતની સંખ્યાનો આંકડો લગભગ એક જેવો જ છે. અહીં પણ બસ માત્ર સમયનું અંતર છે. એક મહિના પહેલાં ઈટાલીમાં રોજ ભારતમાં જેટલા કેસ નોંધાય છે અને મોત થયા છે તેટલા જ થતાં હતા. ઈટાલીમાં એક માર્ચે 573 કેસ આવ્યા હતા અને 12 મોત થઈ હતી. એક મહિના પછી ભારતમાં એક એપ્રિલે 601 કેસ આવ્યા અને 23 મોત થઈ છે.

રોજના મૃત્યુદર: ભારતમાં કોરોનાથી રોજનો મૃત્યુદર સરેરાશ એક મહિના પહેલાના ઈટાલી જેવો જ છે

1- ઓછું ટેસ્ટિંગ થવું:  ભારતમાં અત્યાર સુધી માત્ર 85 હજાર લોકોનો જ કોરોના વાઈરસ ટેસ્ટ થયો છે. એટલે કે એક લાખની વસતીએ માત્ર 6.5 લોકોનો જ ટેસ્ટ થઈ રહ્યો છે

  • 130 કરોડની વસ્તીવાળા દેશમાં જે પ્રમાણે કોરોના વાઈરસના ઈન્ફેક્ટેડ લોકોનું સ્ક્રીનિંગ અને સેમ્પલ ટેસ્ટ કરવામાં આવી રહ્યા છે તે પૂરતાં નથી. ભારતમાં અત્યાર સુધી અંદાજે 85 હજાર ટેસ્ટ થઈ ચૂક્યા છે. અમુક રાજ્યોમાં અત્યારે પણ રોજના માત્ર 250થી 500 ટેસ્ટ જ થઈ રહ્યા છે. આમાં એક વ્યક્તિના ઘણાં ટેસ્ટ કરવામાં આવતા હોય છે. આ કારણથી પણ ભારતમાં કોરોનાના કેસ ઓછા આવી રહ્યા છે. ભારતમાં અત્યારે એક લાખની વસતીએ માત્ર 6.5 લોકોના ટેસ્ટ થઈ રહ્યા છે.
  • બીજી બાજુ અન્ય દેશોમાં આની સ્થિતિ ભારત કરતા થોડી અલગ છે. દક્ષિણ કોરિયાની વસતી માત્ર 5.1 કરોડ છે. જ્યારે અહીં 2.5 લાખથી વધુ લોકોના ટેસ્ટ કરી દેવામાં આવ્યા છે. એક એપ્રિલ સુધીના આંકડા પ્રમાણે દર એક લાખની વસતીએ બહરીનમાં 20,075 લોકોના, દક્ષિણ કોરિયામાં 8,222, ઈટાલીમાં 8,385, ઓસ્ટ્રેલિયામાં 6,203, બ્રિટનમાં 2,109, અમેરિકામાં 447, જાપાનમાં 257 લોકોના ટેસ્ટ કરવામાં આવી રહ્યા છે. ચીને માર્ચના અંત સુધીમાં કુલ 3.20 લાખ લોકોના ટેસ્ટ કર્યા હતા.

2- લોકડાઉન ઝડપથી લાગુ થવું: આ કારણથી જ કોરોના વાઈરસ એક મહિનામાં બીજા સ્ટેજમાં જ રહ્યો છે, તેથી અત્યારે રોજ સરેરાશ 500 કેસ જ સામે આવે છે

  • WHOના જણાવ્યા પ્રમાણે ભારત સરકારે યોગ્ય સમયે લોકડાઉન જાહેર કર્યું છે. તેથી દેશમાં કોરોનાના કેસ ઓછા આવી રહ્યા છે. ભારતમાં કોરોના વાઈરસની સ્પીડ ચીન, અમેરિકા અને યુરોપીય દેશોની સરખામણીએ ઘણી ધીમી છે.
  • 22 માર્ચે જનતા કર્ફ્યૂના દિવસ સુધી દેશમાં 374 કેસ સામે આવ્યા હતા. તેના 8 જિવસ પછી દેશમાં અંદાજે 820 નવા કેસ સામે આવ્યા. એટલે કે એક દિવસમાં સરેરાશ 100 કેસ જ નોંધાયા છે. 31 માર્ચે 1635 કેસ સામે આવ્યા હતા. 6 એપ્રિલે આ સંખ્યા વધીને 4778 થઈ ગઈ. એટલે કે 6 દિવસમાં 3145 કેસ આવ્યા. દેશમાં હવે એક દિવસમાં સરેરાશ 500થી વઘુ કોરોનાના કેસ સામે સામે આવે છે.
  • એક્સપર્ટના જણાવ્યા પ્રમાણે ભારતમાં કોરોના વાઈરસ એક મહિનાથી બીજા સ્ટેજમાં છે. હજી એ સંપૂર્ણ રીતે ત્રીજા સ્ટેજમાં નથી પહોંચ્યો છે. જેને કોમ્યુનિટી ટ્રાન્સમિશનનો ફેઝ પણ કહેવામા આવે છે. જ્યારે અમેરિકામાં 10 દિવસમાં જ કોરોના વાઈરસના કેસ એક હજારથી 20 હજાર સુધી પહોંચી ગયા હતા.

3- બીસીજીની વેક્સીન:  ભારત સહિત દુનિયાના જે દેશોમાં ઘણાં સમયથી બીસીજીની રસી આપવામાં આવે છે ત્યાં લોકોને વાઈરસનો ભય ઓછો છે

  • ભારતમાં કોરોના વાઈરસની સ્પીડ ઓછી હોવાના કારણમાં એક બીસીજી વેક્સીન પણ માનવામાં આવે છે. હકીકતમાં ભારતમાં 72 વર્ષથી બીસીજીની વેક્સીનનો ઉપયોગ કરવામાં આવી રહ્યો છે. તેને દુનિયા હવે કોરોના સામે લડવામાં મદદગાર માની રહી છે.
  • ન્યૂયોર્ક ઈન્સ્ટિટ્યૂટ ઓફ ટેક્નોલોજીના ડિપાર્ટમેન્ટ ઓફ બાયોમેડિકલ સાયન્સના સ્ટડી પ્રમાણે, અમેરિકા અને ઈટાલી જેવા દેશોમાં કે જ્યાં બીસીજીની વેક્સીનની પોલિસી નથી ત્યાં કોરોનાના કેસ વધારે સામે આવી રહ્યા છે. જોકે જાપાન અને બ્રાઝીલ જેવા દેશોમાં અમેરિકા અને ઈટાલીની સરખામણીએ મોતનો આંકડો ઓછો છે.
  • બીસીજીનું આખું નામ છે બેસિલસ કામેટ ગુએરિન. આ ટીબી અને શ્વાસની બીમારીઓ સાથે જોડાયેલી વેક્સીન છે. બીસીજીને જન્મના છ મહિના પછી જ બાળકને આપવામાં આવે છે. મેડિકલ સાયન્સની દ્રષ્ટ્રીએ બીસીજીની વેક્સીન બેક્ટેરિયાની સરખામણીએ રોગ પ્રતિરોધક શક્તિ આપે છે. તેનાથી શરીરને તાકાત મળે છે. જેથી તે રોગાણુઓનો હુમલો સહન કરી શકે છે. જોકે કોરોના એક વાઈરસ છે. બેક્ટેરિયા નહીં.

Next Stories

    ની  સંપૂર્ણ વાંચનસામગ્રી