માંઝીએ કહ્યું- દેશમાં ધાર્મિક જૂલુસ પર પ્રતિબંધ લગાવવો જોઈએ:તેનાથી દેશની એકતા અને અખંડિતતાને જોખમ; PM-CM સમક્ષ કરી પ્રતિબંધની માંગ

બિહારના પૂર્વ CM અને હિન્દુસ્તાની અવામ મોરચાના સંરક્ષક જીતનરામ માંઝીએ ફરી એકવાર વિવાદાસ્પદ નિવેદન આપ્યું છે. આ વખતે તેમણે ધાર્મિક જૂલુસ પર નિશાન સાધ્યું છે. તેમણે PM નરેન્દ્ર મોદી, કેન્દ્રીય ગૃહ પ્રધાન અમિત શાહ અને બિહારના સીએમ નીતિશ કુમાર સમક્ષ દેશમાં ધાર્મિક જૂલુસ પર પ્રતિબંધ લગાવવાની માંગ કરી છે.

માંઝીએ ટ્વીટ કરીને કહ્યું, "સમય આવી ગયો છે જ્યારે દેશમાં તમામ પ્રકારના ધાર્મિક જૂલુસ પર પ્રતિબંધ લગાવી દેવો જોઈએ. ધાર્મિક જૂલુસના કારણે દેશની એકતા અને અખંડિતતા જોખમમાં મુકાય છે." તેને તાત્કાલિક અટકાવવી જોઈએ.

માંઝી ધર્મને લઈને સતત વિવાદાસ્પદ નિવેદનો આપી રહ્યા છે. માત્ર 4 દિવસ પહેલા જ તેમણે ભગવાન રામ પર વિવાદિત નિવેદન પણ આપ્યું હતું. 15મી એપ્રિલે સિકંદરામાં યોજાયેલી સભામાં તેમણે શ્રી રામના અસ્તિત્વ પર જ પ્રશ્ન ઉઠાવ્યો હતો. તેમણે વાલ્મીકિ અને તુલસીદાસની કવિતામાં શ્રી રામને એક પાત્ર તરીકે જણાવ્યા હતા.

જાણો, ક્યારે જીતનરામ માંઝી ધર્મ પર વિવાદાસ્પદ નિવેદન આપી ચૂક્યા છે...

ભગવાન રામના અસ્તિત્વ પર પહેલા પણ સવાલો ઉભા થયા છે
અગાઉ ગયા વર્ષે સપ્ટેમ્બરમાં પણ જીતનરામ માંઝીએ ભગવાન રામના અસ્તિત્વ પર સવાલ ઉઠાવ્યા હતા. તે દરમિયાન તેમણે કહ્યું હતું કે અમે રામાયણની વાર્તાને સત્યમાં માનતા નથી. જો રામને કહેવામાં આવે કે તે મહાપુરુષ હતા, જીવતા હતા, તો હું તે વાત પર વિશ્વાસ કરતો નથી.

સત્યનારાયણ પૂજા અને પંડિત પર પણ વિવાદીત નિવેદન આપ્યું હતુ
આજકાલ ગરીબ વર્ગના લોકોને ધર્મ પ્રત્યે વધુ લગાવ વધી રહ્યો છે. ભગવાન સત્યનારાયણની પૂજાનું નામ આપણે જાણતા ન હતા. હવે આપણા લોકોના દરેક વર્ગમાં અહીં ભગવાન સત્યનારાયણની પૂજા કરવામાં આવે છે. તેમણે કહ્યું- "એટલી પણ શરમ નથી લાગતી કે પંડિતો આવે છે, કહે કે તમારે ત્યા કાંઈ ખાઈશું નહીં, બસ થોડાક રોકડા આપી દેજો'

મંદિર-મસ્જિદ પર પણ ટિપ્પણી કરી ચુક્યા છે
જુલાઈ 2021માં જીતન રામ માંઝીએ કહ્યું હતું કે તેઓ કોઈ ધર્મમાં માનતા નથી. મહાત્મા ગાંધીએ કહ્યું હતું કે કર્મ જ પૂજા છે. એવું નથી કે મંદિરમાં જઈને જ ઘંટ વગાડો અથવા મસ્જિદમાં જઈને અલ્લાહને યાદ કરો. બાબાસાહેબ આંબેડકરના માર્ગે ચાલવું જોઈએ.