• Gujarati News
  • National
  • India US Trade May Be Affected, Misunderstanding Has Arisen Between The Two Countries On Many Issues

બે વર્ષથી દેશમાં US એમ્બેસી કાયમી રાજદૂત વગરની:ભારત-અમેરિકાના વ્યાપાર પર થઈ શકે છે અસર, બંને દેશ વચ્ચે અનેક મુદ્દે ગેરસમજ પેદા થઈ

19 દિવસ પહેલા
  • કૉપી લિંક

ભારતમાં અમેરિકાના કાયમી રાજદૂત બે વર્ષથી નથી. આ પહેલીવાર છે, જ્યારે નવી દિલ્હીમાં યુએસ એમ્બેસી આટલા લાંબા સમયથી સ્થાયી રાજદૂત વગર છે. જોકે રાષ્ટ્રપતિ જો બાઇડન ગયા વર્ષે લોસ એન્જલસના મેયર એરિક ગાર્સેટીની એમ્બેસેડર તરીકે નિમણૂકને મંજૂરી આપી હતી.

ઘણા નિષ્ણાતો આને બાઇડન દ્વારા ભારતનું મહત્ત્વ દર્શાવતા એક સંદેશ તરીકે જોઈ રહ્યા હતા, પરંતુ રિપબ્લિકન પાર્ટીના બે સાંસદે એના પર પ્રતિબંધ મૂક્યો હતો, જેના પછી સેનેટમાં મંજૂરી મળી શકી ન હતી. ગારસેટી બાઇડનના નજીક મિત્ર છે, તેઓ હિન્દી અને ઉર્દૂ પણ જાણે છે.

એક્સપર્ટે કહ્યું હતું કે ભારત જેવા મહત્ત્વપૂર્ણ દેશમાં કાયમી રાજદૂત ન હોવાથી બંને દેશ વચ્ચેના સંબંધોને અસર કરી શકે છે. ભારતમાં અમેરિકાના ભૂતપૂર્વ રાજદૂત કેનેથ જસ્ટરે ભાસ્કરને જણાવ્યું - રાજદૂતની નિમણૂકમાં વિલંબ સારો નથી.

રાજદૂત ન હોવાથી સમસ્યા વધુ મુશ્કેલ બની શકે છે
રાજદૂતને મહત્ત્વપૂર્ણ મુદ્દાથી સમજ છે, જે બંને દેશ વચ્ચેના વિવાદોના ઉકેલ શોધવામાં મદદ કરે છે. ભારત-અમેરિકા સંબંધો હવે સારી સ્થિતિમાં છે, પરંતુ રાજદૂત ન હોવાથી સમસ્યા વધુ મુશ્કેલ બની શકે છે. તેમણે કહ્યું હતું કે બંને દેશો વચ્ચે રાજદૂત ન હોવાથી વ્યાપારમાં સમસ્યાઓ આવે છે. આ જ કારણ છે કે પોલિસીની પ્રગતિમાં અવરોધો આવી રહ્યા છે.

જ્યોર્જ વોશિંગ્ટન યુનિવર્સિટીના સિગુર સેન્ટર ફોર એશિયન સ્ટડીઝમાં પ્રોફેસર દીપા ઓલાપલ્લીના જણાવ્યા અનુસાર, અમેરિકા ભારતનું સૌથી મોટું વ્યાપારી ભાગીદાર અને હથિયાર સપ્લાયર છે. જ્યારે જાપાન, ઓસ્ટ્રેલિયા, સાઉથ આફ્રિકા, શ્રીલંકા અને પાકિસ્તાન જેવા દેશોમાં અમેરિકાના રાજદૂત હાજર છે, તેથી ભારતમાં અમેરિકા રાજદૂતને ન હોવાની એક મોટી બેદરકારી છે.

ચીનની ઘૂષણખોરી રોકવા માટે કાયમી રાજદૂત જરૂરી
આ સાથે ભારતના ડિફેન્સ, ટ્રેડ એન્ડ એનર્જીથી લઈ હેલ્થ સર્વિસના ક્ષેત્ર સુધી ઘણા લાંબા ગાળાનાં હિતોને પણ અસર થશે. ચીનની ઘૂષણખોરી રોકવા માટે કાયમી રાજદૂત જરૂરી છે. અત્યારે અમેરિકાએ ભારતીય દૂતાવાસના 5મા અસ્થાયી પ્રભારીની નિમણૂક કરી છે. કાયમી રાજદૂતની ગેરહાજરીમાં અમેરિકા-ભારત સંબંધોના સૌથી વધુ અસર થઈ શકે છે.

આ ફોટો દિલ્હી સ્થિત અમેરિકન એમ્બેસીની છે.
આ ફોટો દિલ્હી સ્થિત અમેરિકન એમ્બેસીની છે.

ઈન્ડો-અમેરિકન સાંસદ રો ખન્નાએ પણ રાજદૂતની નિમણૂકની આવશ્યકતા ગણાવતાં કહ્યું હતું કે ચીનની દૃષ્ટિએ મજબૂત સંરક્ષણ અને વ્યૂહાત્મક ભાગીદારીની જરૂર છે. બીજી તરફ, અન્ય નિષ્ણાત રોનક દેસાઈએ કહ્યું હતું કે અફઘાનિસ્તાનની સેના બોલાવવી, રશિયા-યુક્રેન યુદ્ધ અને પાકિસ્તાન સામે સંરક્ષણ કરાર જેવા મુદ્દાઓ પર ભારત- અમેરિકાની વચ્ચે ટકરાવ ચાલી રહ્યો છે. કાયમી રાજદૂત રાખવાથી આવી પરિસ્થિતિઓને સંભાળવામાં મદદ મળી હોત.

અમેરિકાના 50 દેશમાં કાયમી રાજદૂતો નથી
અમેરિકી રાષ્ટ્રપતિ કાર્યાલયનાં સૂત્રોનું કહેવું છે કે સેનેટની ફોરેન રિલેશન્સ કમિટીએ સર્વસંમતિથી ગાર્સેટીની પસંદગી કરી છે. નિમણૂકને ટૂંક સમયમાં મંજૂરી મળવાની આશા છે. સાઉદી અરેબિયા, કુવૈત, કતાર અને UAE સહિત 50 દેશમાં અમેરિકા પાસે કાયમી રાજદૂત નથી.

અન્ય સમાચારો પણ છે...