તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • National
  • In Rajouri, Militants Hurled 3 Grenades, Injuring 5; The BSF Convoy Was Also Targeted In Kulgam

J&Kમાં BJP નેતાના ઘર પર હુમલો:રાજૌરીમાં આતંકવાદીઓએ 3 ગ્રેનેડ ફેંક્યા, 5 લોકો ઘાયલ; કુલગામમાં BSFના કાફલાને પણ નિશાન બનાવવામાં આવ્યો

શ્રીનગરએક મહિનો પહેલા
કાઝીગુંડના માલપોરામાં જમ્મુ-શ્રીનગર હાઇવે પર બીએસએફ પર આતંકવાદીઓએ ગોળીબાર કર્યો હતો. આ પછી સેનાના જવાનોએ સમગ્ર વિસ્તારને ઘેરી લીધો અને આતંકીઓની શોધખોળ શરૂ કરી.
  • આતંકવાદીઓએ રાજૌરીમાં ભાજપના નેતાના ઘર પર ગ્રેનેડથી હુમલો કર્યો

આતંકવાદીઓએ ફરી એકવાર જમ્મુ -કાશ્મીરમાં ભાજપના નેતાને નિશાન બનાવ્યા છે. ગુરુવારે રાત્રે આતંકવાદીઓએ રાજૌરીમાં ભાજપના નેતાના ઘર પર ગ્રેનેડથી હુમલો કર્યો હતો. આ હુમલામાં 5 લોકો ઘાયલ થયા છે. આતંકવાદીઓએ 3 ગ્રેનેડ ફેંક્યા હતા જે ભાજપના નેતાના ઘરની છત પર વિસ્ફોટ થયા હતા. મીડિયા અહેવાલો અનુસાર, આ હુમલો ખાંડલી વિસ્તારમાં ભાજપના મંડળ અધ્યક્ષ જસબીર સિંહના ઘરે થયો હતો. આ પછી આ વિસ્તારને સંપૂર્ણપણે સીલ કરી દેવામાં આવ્યો છે.

સેના દ્વારા સમગ્ર વિસ્તારને સંપૂર્ણપણે સીલ કરી દેવામાં આવ્યો છે.
સેના દ્વારા સમગ્ર વિસ્તારને સંપૂર્ણપણે સીલ કરી દેવામાં આવ્યો છે.

BSFના કાફલાને પણ નિશાન બનાવ્યો
BJP નેતાના ઘર પર હુમલા પહેલા, ગુરુવારે આતંકીઓએ કુલગામમાં BSFના કાફલા પર હુમલો કર્યો હતો. આ પછી સુરક્ષા દળોએ આતંકીઓને ઘેરી લીધા અને બંને તરફથી ફાયરિંગ શરૂ થયું. આ દરમિયાન આતંકવાદીઓના ફાયરિંગને કારણે 2 સુરક્ષા જવાન અને 2 નાગરિકો ઘાયલ થયા હતા. આ હુમલો કાઝીગુંડના માલપોરામાં જમ્મુ-શ્રીનગર હાઇવે પર થયો હતો.

એક વર્ષમાં BJPના 6 નેતાઓ પર આતંકવાદી હુમલા
છેલ્લા કેટલાક સમયથી BJPના નેતાઓ ઘાટીમાં આતંકવાદીઓના નિશાના પર રહ્યા છે. 9 ઓગસ્ટના રોજ આતંકીઓએ અનંતનાગમાં BJPના નેતા ગુલામ રસૂલ ડાર અને તેની પત્નીની ગોળી મારી હત્યા કરી હતી. ગયા વર્ષે 8 જુલાઈએ જમ્મુ -કાશ્મીરના ભાજપના નેતા વસીમ બારીની હત્યા કરવામાં આવી હતી.

સેનાએ સમગ્ર વિસ્તારનો ઘેરાવ કરીને સર્ચ ઓપરેશન હાથ ધર્યું હતું.
સેનાએ સમગ્ર વિસ્તારનો ઘેરાવ કરીને સર્ચ ઓપરેશન હાથ ધર્યું હતું.

આ પછી 4 ઓગસ્ટના રોજ કુલગામમાં BJPના નેતા આરીફ અહમદ પર હુમલો થયો હતો. ત્યાર બાદ 6 ઓક્ટોબરના રોજ આતંકવાદીઓએ ગાંદરબલમાં BJPના જિલ્લા ઉપાધ્યક્ષ ગુલામ કાદીરની હત્યા કરી હતી. અહીં બડગામમાં પણ BJPના કાર્યકર્તાને નિશાન બનાવવામાં આવ્યા હતા.