• Gujarati News
  • National
  • If India Is To Benefit The Youth, The Southern States Will Have To Increase The Population: Dr. Joshua Wilde

ભાસ્કર ઇન્ટરવ્યૂ:ભારતે યુવાનોનો લાભ લેવો હશે તો દક્ષિણી રાજ્યોએ વસતી વધારવી પડશેઃ ડૉ. જોશુઆ વાઇલ્ડ

નવી દિલ્હી3 મહિનો પહેલા
  • કૉપી લિંક
ડૉ. જોશુઆ વાઇલ્ડ, ડેપ્યુટી હેડ, મેક્સ પ્લાન્ક ઇન્સ્ટિટ્યૂટ ફોર ડેમોગ્રાફિક રિસર્ચ - Divya Bhaskar
ડૉ. જોશુઆ વાઇલ્ડ, ડેપ્યુટી હેડ, મેક્સ પ્લાન્ક ઇન્સ્ટિટ્યૂટ ફોર ડેમોગ્રાફિક રિસર્ચ

દુનિયામાં કામ કરતી વસતીના 27% યુવાઓ ભારતમાં છે. આ વર્ગ રોજગારીની તકો વગર સમસ્યા બની શકે છે. આ અભિપ્રાય છે ડૉ. જોશુઆ વાઇલ્ડનો. 11 જુલાઇના રોજ વિશ્વ વસતી દિવસ પર તેમણે જણાવ્યું કે, જ્યારે વસતીના 70%થી ઓછા લોકો 20 વર્ષથી લઇને 64 વર્ષની ઉંમરના કામ કરતા લોકો પર નિર્ભર હોય છે ત્યારે ડેમોગ્રાફિક ડિવિડન્ડની શરૂઆત માનવામાં આવે છે. જો કામ કરવાની પ્રારંભિક ઉંમર 15 વર્ષ હોય, તો નિર્ભરતા 70%ને બદલે 50% હશે. 20 વર્ષના હિસાબે દેશમાં ડેમોગ્રાફિક ડિવિડન્ડ 2020માં શરૂ થઇ ચૂક્યું છે. તે 2070 સુધી ચાલશે.

15 વર્ષની તર્જ ઉપર ચરણ 2016માં શરૂ થયું, જે 2060 સુધી ચાલશે. ચીનમાં તેની શરૂઆત 1990ના દાયકામાં થઇ છે. જે 2040 સુધી ચાલશે. ચીને સ્થિતિનો ફાયદો ઉઠાવ્યો અને દુનિયાનું ઔદ્યોગિક હબ બન્યું. ભારતની તૈયારી પર્યાપ્ત નથી. ચીનનું ડિવિડન્ડ વધારે હતું. તેની નિર્ભર વસતી 53% હતી ભારતમાં તે 60%થી નીચે નહીં જોવા મળે. ચીનને તક મળી ત્યારે ક્લાઇમેટ ચેન્જ પર કાર્યવાહીનું દબાણ ન હતું. ટેક્નોલોજી પણ વિકસિત ન હતી, પરિણામે રોજગારની તકો સર્જાઇ.

આજે ભારત તેને નજરઅંદાજ ન કરી શકે. આ સ્થિતિમાં ચીની મોડલ ના અપનાવી શકાય. ભારતને યુવા વસતીનો લાભ લેવો છે તો દક્ષિણના રાજ્યોએ વસતી વધારવી પડશે.

આપણી સ્થિતિ ચીનથી વિપરિત
દક્ષિણ કોરિયા, ચીન અને તાઇવાનથી વિપરિત ભારતનું ડિવિડન્ડ વિખરાયેલું છે. દક્ષિણના રાજ્યો વધુ સાક્ષર છે. આરોગ્ય સુવિધાઓ બહેતર છે. તેથી ડિવિડન્ડ ચરણમાં પહેલા વર્ષ 2001માં પ્રવેશ કર્યો. જ્યારે એમપી, યુપી, બિહારમાં આ ચરણ 2025 થી 2035 વચ્ચે શરૂ થશે. પડકાર એ છે કે તેના ડિવિડન્ડની શરૂઆત થશે, તો દક્ષિણ રાજ્યો ઉતરતા ક્રમે હશે. તેમને વસતી વધારવી પડશે.

કઇ રીતે મળે છે ડેમોગ્રાફિક ડિવિડન્ડ
1. ભારત ઔદ્યોગિકીકરણમાં થયેલી ભૂલોને દોહરાવવાથી બચી શકે છે. ક્લાઇમેટ ચેન્જથી બચવા માટે ઇંધણનો આધાર બદલવો જરૂરી છે. ભારત જો ઝડપી ગતિએ સૌર ઉર્જાનું વિકેન્દ્રીકરણ કરે છે તો અનપેક્ષિત રીતે રોજગારી વધશે. તેનાથી દેશની ઘટતી બચત દર પણ વધી જશે.

2. ભારતમાં અત્યારે પણ મોટા ભાગની વસતી ગ્રામ્ય વિસ્તારમાં રહે છે. આ ભારત માટે અવસર છે. ગ્રામ્ય વિસ્તારોને શહેરી વિસ્તારમાં આવરવાને બદલે ગ્રામ્ય વિસ્તારોમાં શહેરો જેવી સુવિધા-રોજગારી ઉપલબ્ધ કરાવાય તો દેશમાં સામાજીક સોહાર્દ વધશે અને વિકાસનો માર્ગ મોકળો બનશે.

3. ગુડ ગવર્નન્સ વગર જળ, વાયુ, ખાદ્ય, સ્વાસ્થ્ય, શિક્ષણ અને રોજગાર સુરક્ષા પર ખતરો જોવા મળશે. ભારત જો ઇચ્છે તો તેમના ગ્રામીણ માહોલને ધ્યાનમાં રાખીને એવું વિકાસનું મોડલ બનાવી શકે છે જે ટકાઉ વિકાસની વ્યાખ્યા બની શકે છે.

અન્ય સમાચારો પણ છે...