કોરોનાની ત્રીજી લહેર બાબતે મોટી ચેતવણી:ICMRએ MP અને હિમાચલ સહિત 9 રાજ્યો માટે એલર્ટ જાહેર કર્યું, બાળકો અને વેક્સિન ન લીધેલા લોકોને વધુ જોખમ

ઇન્ડિયન કાઉન્સિલ ઓફ મેડિકલ રિસર્ચ (ICMR)એ કોરોના સંક્રમણની ત્રીજી લહેર અંગે મોટી ચેતવણી જારી કરી છે. ICMRએ મધ્યપ્રદેશ, હિમાચલ પ્રદેશ સહિત 9 રાજ્યો માટે એલર્ટ જાહેર કર્યું છે. કાઉન્સિલે આગામી 8 અઠવાડિયા એટલે કે 2 મહિના માટે ખૂબ સતર્ક રહેવાનું જણાવ્યુ છે. નિષ્ણાતો પણ આગામી બે મહિનાને ત્રીજી લહેર માટે મહત્વના માની રહ્યા છે. જેમાં સૌથી વધુ જોખમ બાળકો અને જે લોકોને વેક્સિન આપવામાં આવી નથી તેમને જણાવવામાં આવી રહ્યું છે.

કોરોનાની બીજી લહેરની અસર શમી ગયા બાદ શાળાઓ, કોલેજો અને બજારો ખુલી ગયા છે. તહેવારો દરમિયાન બજારો અને મંદિરોમાં લોકોની ભીડ વધી રહી હોય ત્યારે કોરોના પ્રોટોકોલનું પાલન કરવું મુશ્કેલ બની શકે છે.મધ્યપ્રદેશમાં અત્યારે 10 થી 12 કોરોના કેસ આવવાના કારણે લોકો બેદરકાર દેખાઈ રહ્યા છે. આ સંક્રમણનું જોખમ વધી શકે છે.

આ રાજ્યો માટે એલર જાહેર કરવામાં આવ્યું
ICMR એ મધ્યપ્રદેશ, હિમાચલ પ્રદેશ, મિઝોરમ, હરિયાણા, ગુજરાત, ઝારખંડ, ગોવા, તમિલનાડુ અને પશ્ચિમ બંગાળ માટે કોરોનાની ત્રીજી લહેર અંગે એલર્ટ જારી કર્યું છે.

ત્રીજા લહેર આવશે કે નહીં આવે તે જનતા પર આધાર રાખે છે
ભોપાલ એઈમ્સના ડાયરેક્ટર ડો.સરમન સિંહે કહ્યું કે કોરોનાની ત્રીજી લહેર આવશે કે નહીં તે લોકો પર નિર્ભર છે. જો દરેકને વેક્સિન આપવામાં આવે. કોવિડ પ્રોટોકોલને અનુસરો, તો પછી ત્રીજી લહેરને આવતી રોકી શકાય છે. જો એક કે બે કેસ પણ સક્રિય રહેશે તો ત્રીજી લહેર આવવાની આશંકા રહેશે. તેમણે કહ્યું કે બાળકો માટે હજુ સુધી વેક્સિન આવી નથી, તેથી વેક્સિન ન લેનારા લોકો અને બાળકોને વધુ જોખમ છે.

ત્રીજા લહેર માટેની તૈયારીઓ પૂર્ણ
મધ્યપ્રદેશના આરોગ્ય વિભાગના ઉપસચિવ વસંત કુરેએ જણાવ્યું હતું કે, સરકાર ત્રીજી લહેરનો સામનો કરવા માટે સંપૂર્ણ રીતે તૈયાર છે. હોસ્પિટલોમાં બેડ વધારવાથી લઈને ઓક્સિજન સુધીની વ્યવસ્થા કરવામાં આવી છે. ત્રીજી લહેરને રોકવા માટે, સરકાર સતત પરીક્ષણ સાથે સંક્રમિત લોકોને આઇસોલેટ કરવા અને તેમની સારવાર પર ધ્યાન કેન્દ્રિત કરી રહી છે. સરકાર તરફથી કોરોના પ્રોટોકોલને અનુસરવા અંગે જાગૃતિનું કામ પણ કરવામાં આવી રહ્યું છે. કોરોનાની ત્રીજી લહેર જનતાના સહયોગથી જ અટકાવી શકાય છે.

24 કલાકમાં 14 નવા કેસ સામે આવ્યા, હજી 123 એક્ટિવ કેસ
મધ્યપ્રદેશમાં 24 કલાકમાં કોરોનાના 14 નવા કેસ મળી આવ્યા છે. જેમાં 9 કોરોના સંક્રમિત ઈન્દોર, 3 ભોપાલ અને 2 પન્ના જિલ્લામાંથી છે. રાજ્યમાં અત્યાર સુધીમાં 7 લાખ 92 હજાર 560 લોકો કોરોનાથી સંક્રમિત થયા છે. કોરોનાને કારણે 10 હજાર 522 લોકોના મોત થયા છે. હાલમાં રાજ્યમાં 123 સક્રિય કેસ છે.