પૂરઝડપમાં પરિવાર વિખેરાયો:સૂરતથી હનુમાનગઢ જતા પરિવારને અકસ્માત નડ્યો, ગાડી પર કાબૂ ગુમાવતા પલટી, માતા-પિતાનું મોત; બાળકો ઘાયલ

રાજસ્થાનના રાજસમંદ જિલ્લાના ભીમ વિસ્તારના હાઈવે પર રવિવારે બેકાબૂ કાર પલટી ખાઈ ગઈ હતી. કારમાં સવાર પતિ-પત્નીનું ઘટનાસ્થળે મૃત્યું થયું હતું. ત્યાં, તેમના 2 બાળકોનો આબાદ બચાવ થયો હતો, પરંતું અકસ્મતના પગલે બાળકોને ઈજાઓ પહોંચી હતી. પોલીસે મૃતદેહોને મોર્ચરીમાં મોકલીને બાળકોને સારવાર અર્થે હોસ્પિટલ ખસેડ્યા હતા.

અકસ્માતમાં બાળકોએ મા-બાપને ગુમાવ્યા
ભીમ પોલીસ સ્ટેશનના SI બાલૂરામે જણાવ્યું હતું કે ટોગીની પાસે એક બેકાબૂ કાર પલટી મારી ગઈ હતી. કારચાલક તેમના પરિવાર સાથે સૂરતથી હનુમાનગઢ તરફ જઈ રહ્યા હતા. આ દુર્ધટનામાં કારચાલક અને તેમના પત્નીનું કમકમાટી ભર્યું મોત નીપજ્યું હતું. તો તેમના બાળકો સાત્વિક (13 વર્ષ) અને તન્વી (5 વર્ષ)ને ગંભીર ઈજાઓ પહોંચી હતી.

આ ઘટનાની સૂચના પ્રાપ્ત થતા પોલીસની ટીમ ઘટનાસ્થળે પહોંચીને દંપતીના શવને એમ્બુલન્સની સહાયતાથી ભીમ ચિકિત્સાલયના મોર્ચરીમાં મોકલાયા હતા અને ઈજાગ્રસ્ત બાળકોને ત્યાંજ સારવાર કેન્દ્રમાં દાખલ કરાયા હતા. માર્ગ દુર્ઘટનામાં સિદ્ધાર્થ અને તેની પત્ની સુમનનું મોત નીપજ્યું હતું. પોલીસે આ સમગ્ર ઘટનાની જાણકારી તેમના પરિવારજનોને આપી હતી.