નેપાળથી બિહારમાં ઘૂસેલા હાથીઓનો આતંક, VIDEO:કિશનગંજમાં મકાનો તોડ્યાં, પાકને નુકસાન પહોંચાડ્યું; રસ્તામાં જે આવ્યાં તેને કચડ્યાં

નેપાળથી કિશનગંજમાં પ્રવેશેલા જંગલી હાથીઓનાં ટોળાએ મંગળવારે હંગામો મચાવ્યો હતો. હાથીઓએ બૈરિયા અને તેહદાગચ બ્લોકને અડીને આવેલાં બે ગામોમાં ઘરોને નુકસાન પહોંચાડ્યું છે. આ ઘટનાનો વીડિયો સામે આવ્યો છે. જેમાં ત્રણ હાથી ગામમાં ઘૂસતા જોવા મળે છે. તેઓ ઘરોમાં તોડફોડ કરે છે. મકાઈના પાકનો નાશ કરે છે. આ પછી તેઓ જે કંઈ સામે આવ્યું તેને કચડીને આગળ વધતા રહ્યા...

પ્રથમ તસવીરોમાં જુઓ ગજરાજનો ગુસ્સો...

ગ્રામજનોએ વન વિભાગ સામે નારાજગી વ્યક્ત કરી હતી
ગ્રામજનો કહે છે- માહિતી આપવા છતાં વન વિભાગના કર્મચારીઓ અને અધિકારીઓ હજુ સુધી અહીં પહોંચ્યા નથી. અમે ડરી ગયા છીએ, ઘરની બહાર પણ નથી આવી શકતા. એવો ભય છે કે હાથી કોઈને મારી નાખશે.

શું કહે છે વન વિભાગના અધિકારીઓ?
ફોરેસ્ટ રેન્જ ઓફિસર ઉમાનાથ દુબેએ ભાસ્કરને જણાવ્યું કે વન વિભાગની ટીમે હાથીઓનું લોકેશન ટ્રેસ કર્યું છે. ત્રણ હાથી હાલમાં ભારત-નેપાળ સરહદને અડીને આવેલા ચિચુવાબારી સ્થિત જંગલમાં છે અને હાલમાં શાંત છે. તેઓએ બેથી ત્રણ ગામોમાં નુકસાન કર્યું છે. પીડિત પરિવારોને વળતર આપવામાં આવશે.