તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • National
  • Farmers Tractor Rally Farmers Protest Delhi Burari Ghazipur Tikri LIVE Update Haryana Punjab Farmers Tractor Rally Delhi Chalo March Latest News Today 26 January

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

ટ્રેક્ટર રેલીથી દિલ્હીમાં વાતાવરણ તંગ:દિલ્હી અને સરહદીય વિસ્તારમાં CRPF કંપની તહેનાત; આઝાદ ભારતના લાલ કિલ્લા પર ખેડૂતોએ ચડાઈ કરી નિશાન સાહિબનો ધ્વજ ફરકાવ્યો, રાજ્યમાં ઈન્ટરનેટ બંધ

એક મહિનો પહેલા
  • ટ્રેક્ટર રેલી શરૂ થઈ એ પહેલાં સિંધુ બોર્ડર પર 35-40 કિમી સુધી ટ્રેક્ટરોની લાઇન લાગી
  • લાલકિલ્લા પર હજારો ખેડૂતોએ ચડાઈ કરી નિશાન સાહિબનો ધ્વજ ફરકાવ્યો, ખેડૂતો-પોલીસે વચ્ચે ઘર્ષણ
  • ભારતમાં Capitol Hill Moment, લાલ કિલ્લા પર ખેડૂતોએ લહેરાવ્યો પોતાનો ઝંડો

દિલ્હીમાં આંદોલનકારી ખેડૂતોના હોબાળા વચ્ચે કેન્દ્રીય ગૃહ મંત્રાલયે મોટો નિર્ણય લીધો છે. સ્થિતિને જોતા દિલ્હી અને બોર્ડર એરિયા પર CRPFની 10 કંપનીઓએ તહેનાતી કરવામાં આવશે. કેન્દ્રીય ગૃહમંત્રી અમિત શાહના ઘરે દિલ્હીની સ્થિતિને લઈને બેઠક થઈ હતી. આ બેઠકમાં લગભગ બે કલાક સુધી ચાલી. બેઠક દરમિયાન IBના નિર્દેશક અને ગૃહ સચિવ સહિત તમામ ઉચ્ચાધિકારીઓ ઉપસ્થિત રહ્યાં હતા. બેઠકમાં સ્થિતિની સમીક્ષા પછી અનેક સંવેદનશીલ સ્થાનો પર વધુ ફોર્સ તહેનાત કરવામાં આવ્યા છે. સૂત્રો મુજબ ગુપ્તચર એજન્સીઓને હજુ હિંસા થશે તેવી આશંકા છે.

દિલ્હીમાં ખેડૂતોની ટ્રેક્ટર માર્ચમાં લાલકિલ્લા પર ખૂબ હોબાળો થયો છે. અહીં ખેડૂતોને લાલકિલ્લામાંથી બહાર કાઢવા માટે પોલીસે લાઠીચાર્જ કરવો પડ્યો છે. ત્યારપછી ખેડૂતોએ ઉપદ્રવ અને તોડફોડ શરૂ કરી દીધી હતી. તણાવ વધતા દિલ્હીના વિવિધ વિસ્તારોમાં ઈન્ટરનેટ બંધ કરી દેવામાં આવ્યું છે, જેથી વધારે અફવા ન ફેલાય.

દિલ્હીમાં ખેડૂતોની ટ્રેક્ટર માર્ચથી વાતાવરણ તંગ થઈ ગયું છે. ખેડૂતો બેરિકેડ્સ તોડીને લાલ કિલ્લા પર પહોંચી ગયા છે અને ત્યાં તેમણે નિશાન સાહિબનો ઝંડો લહેરાવ્યો છે. ખેડૂતોનું એક ગ્રુપ ઈન્ડિયા ગેટ તરફ આગળ વધ્યું છે. લાલ કિલ્લા પર ચડાઈ કરી રહેલા ખેડૂતોને પોલીસે સમજાવટથી નીચે ઉતાર્યા છે. બીજી બાજુ ITO પાસે ટ્રેક્ટર પલટી થવાને કારણે એક ખેડૂતનું મોત થયું છે.

અપડેટ્સ

  • સરકારે સિંધુ, ટીકરી, ગાઝીપુર બોર્ડરની સાથે મુકરબા ચોક અને નાંગલોઈ વિસ્તારમાં ઈન્ટરનેટ સર્વિસ આજે રાત્રે 12 વાગ્યા સુધી બંધ કરી દીધું છે. આ દરેક એવા પોઈન્ટ છે જ્યાં ખેડૂત આંદોલન ચાલી રહ્યું છે. બીજી બાજુ દિલ્હી મેટ્રો એડ્મિને ITO, દિલશાદ ગાર્ડન, ઝિલમિલ, માનસરોવર પાર્ક અને જામા મસ્જિદ મેટ્રો સ્ટેશન બંધ કર્યા છે.
  • સંયુક્ત કિસાન મોર્ચાએ કહ્યું છે કે, અમારા તમામ પ્રયત્નો છતા અમુક સંગઠનો અને લોકોએ રુટ તોડ્યો અને ખોટા કામમાં સામેલ થયા. પ્રદર્શનમાં અસામાજિક તત્વ ઘુસી આવ્યા, નહીં તો આંદોલન શાંતિ પૂર્ણ ચાલ્યું હોત. અમે હંમેશા શાંતિ જાળવી રાખી જે અમારી સૌથી મોટી તાકાત હતી અને તેના ઉલ્લંઘનથી આંદોલન નબળું થઈ શકે છે.
  • રાજ્યમાં રાત્રે 12 વાગ્યા સુધી ઈન્ટરનેટ બંધ કરાયું.

ખેડૂતોએ દાવો કર્યો હતો કે તેઓ શાંતિપૂર્ણ પ્રદર્શન કરશે, પરંતુ જ્યારે તેમણે સમય પહેલાં રેલી કાઢી અને પોલીસે તેમને રોક્યા તેઓ ભડકી ગયા હતા. ખેડૂતોએ પોલીસના બેરિકેડ પણ તોડી નાખ્યા હતા. ત્યારપછી પોલીસે જે રૂટ આપ્યો હતો તે પણ ખેડૂતોએ ફોલો કર્યો નહીં. ખેડૂતોનો એક જથ્થો લાલ કિલ્લા પર પહોંચી ગયા છે. જ્યારે એક જથ્થો ઈન્ડિયા ગેટ પર આગળ વધી રહ્યો છે.

ટ્રેક્ટર પલટી ખાતા ખેડૂતનું મોત
ITO પાસે ટ્રેક્ટર પલટી થવાના કારણે એક ખેડૂતનું મોત થયું છે. પ્રદર્શનકારીઓએ મૃતદેહ રાખીને ધરણાં શરૂ કર્યા હતા. આ પહેલાં પ્રદર્શનકારી આંધ્રા એજ્યુકેશન સોસાયટીમાં ઘુસી ગયા અને ગાર્ડને બંધક બનાવી દીધો. પોલીસે જણાવ્યું કે, ખેડૂતોને સોસાયટીમાં સીસીટીવી લગાવ્યા હોવાની શંકા હતી. તેના કારણે તેમણે ગાર્ડને બંધક બનાવી દીધો હતો.

પોલીસે લાઠીચાર્જ કરતાં ખેડૂતે ટ્રેક્ટરની સ્પીડ વધારી હતી; પરિણામે ટ્રેક્ટર ઊંધું પડતાં એક ખેડૂતનું મોત, ખેડૂતનું નામ નવનીત સિંહ હતું અને તે ઉત્તરપ્રદેશનો હતો.
પોલીસે લાઠીચાર્જ કરતાં ખેડૂતે ટ્રેક્ટરની સ્પીડ વધારી હતી; પરિણામે ટ્રેક્ટર ઊંધું પડતાં એક ખેડૂતનું મોત, ખેડૂતનું નામ નવનીત સિંહ હતું અને તે ઉત્તરપ્રદેશનો હતો.

લાઠીચાર્જ, પથ્થરમારામાં ધણાં કિસાનો અને પોલીસકર્મીઓ ઘાયલ ITO પર પોલીસે ખેડૂતો પર લાઠીચાર્જ કર્યો તો ખેડૂતોએ પણ પોલીસ પર પથ્થરમારો કર્યો હતો. ઝપાઝપીમાં ઘણાં ખેડૂતો અને પોલીસકર્મીઓ ઘાયલ થયા હતા. ખેડૂતોએ ટ્રેક્ટર દોડાવ્યા તો પોલીસે પીછેહટ પણ કરવી પડી. પોલીસકર્મી ભાગીને આજુબાજુની ઈમારતમાં ઘુસી ગયા અને ત્યાંથી તેમણે ખેડૂતો પર ટિયરગેસ છોડ્યા હતા. પ્રદર્શનકારીઓએ એક પોલીસને ઘેરીને તેમની સાથે ઝપાઝપી પણ કરી હતી. હોબાળાને ધ્યાનમાં રાખીને ITO મેટ્રો સ્ટેશનનો ગેટ બંધ કરી દેવામાં આવ્યો છે.

નાંગલોઈમાં લાઠીચાર્જ, મુકરબા ચોક પાસે તોડફોડ

  • નાંગલોઈમાં ખેડૂતોને રોકવા માટે પોલીસ રસ્તા પર બેસી ગઈ. તેમાં મહિલા પોલીસકર્મીઓ પણ સામેલ હતી. ખેડૂતો ના માન્યા તો પોલીસે લાઠી ચાર્જ કર્યો.
  • ગાઝીપુર બોર્ડરથી નીકળેલા કાફલાના કારણે ITO પર ચક્કાજામ થઈ ગયો હતો. અહીં પ્રદર્શનકારીઓએ વાહનો પર પથ્થરમારા પણ કર્યા હતા. સિંધુથી નીકળેલા ખેડૂતોએ પણ ઘણી જગ્યા પથ્થરમારો કર્યો હતો.
  • મુકરબા ચોક પાસે ખેડૂતો જ્યારે પોલીસે આપેલો રુટ તોડીને ISBT તરફ આગળ વધવા લાગ્યા તો પોલીસે ટિયર ગેસ છોડીને તેમને રોકવાનો પ્રયત્ન કર્યો. પરંતુ ખેડૂતો બેરિકેડ્સ તોડીને આગળ વધ્યા હતા. ખેડૂતોએ પોલીસની ગાડી સહિત DTCની ઘણી બસોના પણ કાચ તોડી નાખ્યા.

નિહંગોએ તલવારો કાઢી હોવાનો પોલીસોનો દાવો
ખેડૂતોએ દિલ્હી અને ટીકરી બોર્ડર પર જાતે જ બેરિકેડ્સ તોડી નાખ્યા હતા. ગાઝીપુર બોર્ડરથી નીકળેલા ખેડૂતોને પોલીસે નોઈડા પોઈન્ટ પર રોકી લીધા હતા, ત્યાં તેમના પર ટીઅર ગેસના સેલ છોડવામાં આવ્યા હતા. પોલીસનો દાવો છે કે ખેડૂતોએ પાંડવનગર પોલીસ જથ્થા પર ટ્રેક્ટર ચડાવવાનો પ્રયત્ન કર્યો હતો. પોલીસે એવો પણ દાવો કર્યો છે કે નિહંગોએ તલવારથી પોલીસકર્મીઓ પર હુમલો કર્યો હતો.

દિવસ દરમિયાનનું અપડેટ્સ

  • દિલ્હીમાં પ્રજાસત્તાક દિવસની પરેડ પૂરી થઈ ગઈ છે, થોડીવારમાં ખેડૂતોની ટ્રેક્ટર રેલી ઈન્ડિયા ગેટ પહોંચશે.
  • ગાઝીપુરથી નીકળેલા ખેડૂતો ઈન્ડિયા ગેટથી 4 કિમી દૂર.
  • ગાઝીપુર બોર્ડરથી નીકળેલા ખેડૂતો અને પોલીસ આમને-સામને થઈ ગયા હતા. ખેડૂતોએ ટીઅર ગેસના સેલ ઉપાડીને પોલીસ તરફ ફેંક્યા હતા.
  • સિંધુ બોર્ડરથી સતત ટ્રેક્ટરો નીકળી રહ્યા છે. અત્યારસુધી ખેડૂતો દિલ્હી પોલીસે આપેલા રૂટ પર છે. તેઓ આગળ એક ટી પોઈન્ટ પર રોકાઈ ગયા છે. માનવામાં આવે છે કે તેમનો રિંગ રોડથી એન્ટ્રી કરવાનો પ્લાન છે, તેથી ટી પોઈન્ટથી આગળ વધવાને બદલે ટ્રેક્ટરો વધવાની રાહ જોઈ રહ્યાં છે, જેથી એકસાથે દિલ્હી પહોંચી શકે.
  • સિંધુ બોર્ડરથી નીકળેલી ટ્રેક્ટર પરેડની આગળ ઘોડા પર નિહંગ ફોજ ચાલી રહી છે. સિંધુ અને ટીકરી બોર્ડરથી ખેડૂતોનો જથ્થો પગપાળા ચાલી રહ્યો છે.
  • રસ્તામાં લોકો ટ્રેક્ટર પરેડનું સ્વાગત કરી રહ્યા છે. સ્વરૂપનગરમાં લોકોએ ખેડૂતો પર ફૂલ વરસાવ્યાં હતાં. આ જગ્યા સિંધુ બોર્ડરથી 14 કિમી દૂર છે. નાંગલોઈમાં લોકો ઢોલ વગાડતા અને નાચતા દેખાયા હતા.
  • ગાઝીપુર બોર્ડર બેરિકેડ્સ તોડીને નીકળેલા ખેડૂતોને થોડા અંતરે જ પોલીસે રોકી દીધા હતા. પોલીસે ખેડૂતોને અપીલ કરી હતી કે શાંતિ વ્યવસ્થા જાળવી રાખવામાં મદદ કરે. પોલીસનું કહેવું છે કે જ્યાં સુધી પાછળના ટ્રેક્ટર ન આવી જાય ત્યાં સુધી ખેડૂતો એક પોઈન્ટ પર રોકાઈ જાય. આ વિશે ખેડૂતો અને પોલીસ વચ્ચે થોડી ખેંચતાણ પણ થઈ હતી.
  • ગાઝીપુર બોર્ડર પર સવારે 4 વાગ્યાથી ખેડૂતો માટે જમવાનું બની રહ્યું છે. અહીં મોટા ભાગના ખેડૂતો પશ્ચિમ યુપીથી આવ્યા છે. અહીં 10થી 15 હજાર ટ્રેક્ટરો પહોંચ્યાં છે. રૂટ વિશે ખેડૂતોમાં મૂંઝવણની સ્થિતિ જોવા મળી રહી છે, પરંતુ ભાકિયુના પ્રવક્તા ધર્મેન્દ્ર મલિકે કહ્યું હતું કે ગણતંત્ર દિવસના કાર્યક્રમ પછી પોલીસે આપેલા રૂટ પર જ પરેડ કરશે.
  • ટીકરી બોર્ડર પર યુવાઓનું ગ્રુપ સ્ટેજની પાસે ઊભું છે. હાલ બધું શાંતિથી ચાલી રહ્યું છે. પોલીસે અત્યારસુધીમાં બેરિકેડ્સ હટાવ્યાં નથી.

ટ્રેક્ટર રેલી શરૂ થઈ એ પહેલાં સિંધુ બોર્ડર પર 35-40 કિમી સુધી ટ્રેક્ટરોની લાઈન લાગી ગઈ છે. ખેડૂતોએ જાતે જ બેરિકેડ્સ હટાવવાની શરૂઆત કરી દીધી હતી. પોલીસે જે ટ્રકો ઊભી રાખી હતી એને ખેડૂતો તેમના ટ્રેક્ટરથી ધક્કા મારીને ખસેડી દીધી હતી.

એક લાખ ટ્રેક્ટર પહોંચ્યાં હોવાનો ખેડૂતોનો દાવો
પોલીસે ખેડૂતોનો માત્ર 5 હજાર ટ્રેક્ટર્સ સાથે રેલી કાઢવાની મંજૂરી આપી હતી, પરંતુ માત્ર સિંધુ બોર્ડર પર જ 20 હજારથી વધારે ટ્રેક્ટરો પહોંચી ગયાં છે. ખેડૂતોએ દાવો કર્યો છે કે સિંધુ, ટીકરી અને ગાઝીપુર પર અંદાજે એક લાખ ટ્રેક્ટર પહોંચશે.

આ રૂટ પર પોલીસે પરેડની મંજૂરી આપી હતી

  • સિંધુ બોર્ડર: સંજય ગાંધી ટ્રાન્સપોર્ટ નગર, ડીટીયુ, શાહાબાદ ડેરી, બરવાલા, પુથ ખુર્દ, કંઝાવાલા, ટી પોઈન્ટ, બવાના ટી પોઈન્ટ, કંઝાવાલા ચોક, કુતુષગઢ, ઔચંદી બોર્ડર, ખરખોદા ટોલ પ્લાઝા.
  • ટીકરી બોર્ડર: નાંગલોઈ, બપરોલા, નજફગઢ, ફિરની રોડ, ઝરોડા બોર્ડર, રોહતક બાયપાસ, અસોદા ટોલ પ્લાઝા
  • ગાઝીપુર બોર્ડર: અપ્સરા બોર્ડર, હાપુડ રોડ, ભોપુર, આઈએમએસ કોલેડ, લાલકુઆ, ગાઝીપુર બોર્ડર
અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- આ સમયે ગ્રહ સ્થિતિ અનુકૂળ રહેશે. સન્માનજનક સ્થિતિઓ બનશે. વિદ્યાર્થીઓને કરિયરને લગતી કોઇ સમસ્યાનું સમાધાન મળવાથી ઉત્સાહમાં વધારો થશે. તમે તમારી કોઇ નબળાઇ ઉપર પણ વિજય પ્રાપ્ત કરવામાં સક્ષમ રહે...

    વધુ વાંચો