• Gujarati News
  • National
  • Experienced Drivers In The Country Proved Fatal, 62% Of Accidents Were Due To Them, 1.2% Of Accidents Were Due To Navasava.

ભાસ્કર રિસર્ચ:દેશમાં અનુભવી ડ્રાઈવરો ઘાતક સાબિત થયા, 62% દુર્ઘટના તેમના કારણે જ સર્જાઈ, નવાસવાના કારણે 1.2% દુર્ઘટના થઈ

બેંગાલુરુએક મહિનો પહેલા
  • કૉપી લિંક
  • જાન્યુઆરીથી એપ્રિલ 2022 વચ્ચે થયેલા અકસ્માતો પર સંશોધન

| દેશમાં 2020માં 3.54 લાખ માર્ગ અકસ્માત થયા, જેમાં 1.33 લાખના જીવ ગયા. તેમાં 56.6% મોત ઓવરસ્પીડ અને 26.4% મોત ડ્રાઈવરની બેદરકારી કે ઓવરટેક કરવાના કારણે થઈ. એનસીઆરબી-2020ના રિપોર્ટમાં આ આંકડા સામે આવ્યા છે. જો તમે એવું વિચારો છો કે, આ માટે નવા-સવા ડ્રાઈવરો જવાબદાર છે, તો કર્ણાટક રોડ ટ્રાન્સપોર્ટ કોર્પોરેશનનો તાજો રિપોર્ટ જુઓ. જાન્યુઆરી-એપ્રિલ 2022 વચ્ચે કર્ણાટકમાં 71 માર્ગ અકસ્માત થયા, જેમાંથી 39% દુર્ઘટના માટે 40-50 વર્ષના અનુભવી ડ્રાઈવરો જવાબદાર હતા. 23% દુર્ઘટના 36-40 વયજૂથના ડ્રાઈવરોની ભૂલથી થયા એટલે કે તેમના કારણે જ 62% દુર્ઘટના સર્જાઈ. 21-30 વયજૂથના નવાસવા ડ્રાઈવરોના કારણે ફક્ત 1.2% દુર્ઘટના થઈ.

ઓવરસ્પીડ-બેદરકારીથી ડ્રાઈવિંગ ના કરાય તો 83% દુર્ઘટના અટકે

  • 2020માં થયેલા માર્ગ અકસ્માતોમાં 1.33 લાખ મોત થયા, જેમાંથી 75,333ના ઓવરસ્પીડના કારણે થયા.
  • માર્ગ અકસ્માતોમાં 35,219 લોકોનો જીવ ડ્રાઈવિંગમાં બેદરકારી કે ઓવરટેકના કારણે ગયો.
  • 3,026 લોકો માર્ગ અકસ્માતમાં એટલા માટે માર્યા ગયા કારણ કે, ડ્રાઈવરો ડ્રગ્સ કે દારૂના નશામાં હતા.

બાઈક સવાર સૌથી વધુ ખતરામાં, દુર્ઘટનામાં 44% મોત તેમના જ થયા

  • ​​​​​​​2020માં માર્ગ અકસ્માતોમાં મરનારામાં સૌથી વધુ 43.6% બાઈક અને 13.2% કારસવાર હતા.
  • મહારાષ્ટ્રમાં સૌથી વધુ 5,877 દ્વિચક્રી વાહનો દુર્ઘટનાના શિકાર બન્યા. તેમાં યુપી (5,735) બીજા ક્રમે રહ્યું.
અન્ય સમાચારો પણ છે...