નવી કાર પર ફાયદો:વાહન સ્ક્રેપ પોલિસીમાં જૂનું વાહન રાખવાનું મોંઘું, પરંતુ નવી કાર પર સ્ક્રેપ વેલ્યૂ જેટલી છૂટ, નોંધણી ચાર્જ પણ માફ થશે

બજેટમાં નાણાંમંત્રી નિર્મલા સીતારમણે જૂના વાહનોનો અંત લાવવા વાહન સ્ક્રેપ પોલિસીની જાહેરાત કરી છે. પરંતુ હજી સુધી સ્પષ્ટ કરાયું નથી કે આ નીતિ કેવી રીતે લાગુ થશે અને સામાન્ય માણસને તેમાં શું ફાયદો થશે. બજેટ પછી પરિવહન મંત્રી નીતિન ગડકરીએ કહ્યું કે 15 દિવસની અંદર નિયમો જાહેર કરાશે. મંત્રાલય સ્તરે તૈયાર કરાયેલી નીતિનો મુસદ્દો જણાવે છે કે સરકારનો ઈરાદો જૂના વાહનોને ભંગારમાં લઈ જનારને નવા વાહન પરનો નોંધણી ચાર્જ માફ કરવાનો લાભ મળશે. જૂના વાહનની કિંમતની આકારણી કરીને તેના જેટલી છૂટ નવા વાહનની કિંમત પર પણ આપી શકાય છે. આ માટે સર્ટિફિકેટ દર્શાવવું પડશે.

નવી કારના નોંધણી ચાર્જમાં છૂટથી 5 હજારથી 20 હજારનો ફાયદો