તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • National
  • Earthquake Shakes Bikaner For Second Day In A Row, Magnitude 4.8 On Richter Scale; However No Harm

રાજસ્થાનમાં ફરી ધરતી ધ્રુજી:બીકાનેરમાં સતત બીજા દિવસે પણ ભૂકંપના ભારે આંચકા અનુભવાયા, રિક્ટર સ્કેલ પર 4.8ની તીવ્રતા; કોઈ નુકસાન નહીં

જયપુર/નવી દિલ્હી6 દિવસ પહેલા
  • રાજસ્થાનના બિકાનેરમાં સતત બીજા દિવસે પણ ભૂકંપના આંચકા અનુભવાયા

રાજસ્થાનના બીકાનેરમાં ગુરુવારે સવારે ભૂકંપના ભારે આંચકા અનુભવાયા હતા. તેની તીવ્રતા રિક્ટર સ્કેલ પર 4.8 માપવામાં આવી છે. સિસ્મોલોજીના નેશનલ સેન્ટર અનુસાર, ભૂકંપ સવારે 7:42 વાગ્યે આવ્યો હતો. તેનું કેન્દ્ર બિકાનેરથી 413 કિ.મી. ઉત્તર-પશ્ચિમમાં 15 કિ.મી. જમીનની નીચે હતું. ભૂકંપથી હજી સુધી કોઈ નુકસાનની જાણકારી મળી નથી. આ પહેલા બુધવાર પણ બિકાનેરમાં ભૂકંપના આંચકા અનુભવાયા હતા. તેની તીવ્રતા રિક્ટર સ્કેલ પર 5.3 માપવામાં આવી હતી.

6ની તીવ્રતા સાથેનો ભૂકંપ જોખમી છે
ભૂસ્તરશાસ્ત્રીઓના જણાવ્યા અનુસાર, ભૂકંપનું અસલી કારણ ટેક્ટોનિકલ પ્લેટોમાં થતી મજબૂત હિલચાલ છે. આ ઉપરાંત ઉલ્કાના પ્રભાવો અને જ્વાળામુખી વિસ્ફોટ, માઇન ટેસ્ટિંગ અને પરમાણુ પરીક્ષણના કારણે ભૂકંપ પણ આવે છે. ભૂકંપની તીવ્રતા રિક્ટર સ્કેલ પર માપવામાં આવે છે. આ સ્કેલ પર 2.0 અથવા 3.0 ની તીવ્રતાનો ભૂકંપ હળવો હોય છે, જ્યારે 6ની તીવ્રતાનો અર્થ શક્તિશાળી હોય છે.

આ રીતે આપણે ભૂકંપની તીવ્રતાનો અંદાજ લગાવીએ છીએ
ભૂકંપની તીવ્રતાનો અંદાજ તેના કેન્દ્ર (એપી સેન્ટર)માંથી નીકળતી ઉર્જા તરંગો દ્વારા લગાવવામાં આવે છે. આ તરંગથી સેંકડો કિલોમીટર સુધી ધ્રુજારી અનુભવાય છે. ધરતીમાં તિરાડો પડી જાય છે. જો ભૂકંપનું કેન્દ્ર ઓછી ઉંડાઇ પર હોય, તો તેમાંથી બહાર નીકળતી ઉર્જા સપાટીની ખૂબ નજીક હોય છે, જેનાથી મોટો વિનાશ થાય છે.