• Gujarati News
  • National
  • The Daughter Was Attending The Father's Funeral; Accused Arrested In CCTV Accident, Arrest

હમીરપુરમાં ડમ્પરે 2 મહિલાને કચડી નાખી:પિતાના અંતિમસંસ્કારમાં જતી હતી દીકરી; CCTVમાં કેદ દુર્ઘટના, આરોપીની ધરપકડ

હમીરપુર2 મહિનો પહેલા

ઉત્તરપ્રદેશના હમીરપુરમાં બે મહિલાને ડમ્પરે કચડી નાખી છે. એના CCTV ફૂટેજ બહાર આવ્યા છે, જેમાં બે મહિલા રોડના કિનારે ચાલી રહી છે. પાછળથી ઝડપી ગતિએ આવી રહેલું ડમ્પર તેમને કચડીને નીકળી ગયું હતું. એ પછીથી પરિવારના સભ્યો અને ગ્રામીણોએ ભેગા મળીને હંગામો શરૂ કર્યો હતો. પોલીસે ગ્રામીણોને સમજાવ્યા અને આરોપી ડમ્પર-ડ્રાઈવરની ધરપકડ કરી છે.

મામલો કુછેછા ગામનો છે. અહીં જગન્નાથ નામના શખસનું બીમારીના કારણસર મંગળવારે મોડી રાતે મૃત્યુ થયું હતું. માહિતી મળ્યા પછીથી રાધા તેની કાકી સુશીલાની સાથે ગામમાં જ રહેતા પિતાના અંતિમસંસ્કારમાં સામેલ થવા જઈ રહી હતી. બંને સાથે ચાલીને જઈ રહ્યાં હતાં. કુછેછા ચોકીની પાસે બેકાબૂ બનેલા ડમ્પરે બંનેની કચડી નાખ્યાં હતાં. એને કારણે બંનેનાં ઘટનાસ્થળે જ મૃત્યુ થયાં હતાં.

દુર્ઘટનામાં તેમનાં મૃત્યુ પછી ગામના લોકોએ હાઇવે જામ કર્યો હતો.
દુર્ઘટનામાં તેમનાં મૃત્યુ પછી ગામના લોકોએ હાઇવે જામ કર્યો હતો.

ડમ્પરચાલકની ધરપકડ કરવામાં આવી
એક્સિડન્ટ પછી ડમ્પરચાલક ભાગ્યો તો ચોકી પર બેઠેલા પોલીસકર્મચારી અને ગ્રામીણોએ તેને દોડીને પકડી લીધો હતો. સંબંધીઓએ ગામના લોકોની સાથે મળીને રોડ જામ કરી દીધો હતો. ઘટનાસ્થળ પર પહોંચેલા પોલીસકર્મચારીઓએ તેમને સમજાવ્યા, પછીથી બધા શાંત થઈ ગયા હતા. હાલ મૃતદેહોનું પંચનામું કરીને એને પોસ્ટમોર્ટમ માટે મોકલવામાં આવ્યા છે.

બલરામપુરનો રહેવાસી છે ડ્રાઈવર
પોલીસે જણાવ્યું હતું કે ઘટનાના CCTV ફૂટેજ બહાર આવ્યા છે. એના આધારે ડમ્પરચાલકની ધરપકડ કરી લેવામાં આવી છે. તેની ઓળખ બલરામપુરના અમરેશ તરીકે થઈ છે. ડમ્પરને પણ કબજામાં લેવામાં આવ્યું છે.

ઘટનાસ્થળ પર લોકોનાં ટોળાં ઊમટી પડ્યાં હતાં.
ઘટનાસ્થળ પર લોકોનાં ટોળાં ઊમટી પડ્યાં હતાં.
અન્ય સમાચારો પણ છે...