• Gujarati News
  • National
  • Drought In 85 Districts With A Population Of 32 Crore, With 9% More Rainfall Than The National Average

મોનસૂન:દેશમાં સરેરાશથી 9% ટકા વધુ વરસાદ પણ 32 કરોડ વસતીવાળા 85 જિલ્લામાં દુકાળ

નવી દિલ્હી3 મહિનો પહેલા
  • કૉપી લિંક
  • દેશનાં 25 રાજ્યમાં મોનસૂન સક્રિય પણ વરસાદની અસમાન પેટર્ન

દેશનાં 25 રાજ્યમાં મંગળવારે મોનસૂન સક્રિય રહ્યું. હવામાન વિભાગના જણાવ્યાનુસાર જૂનથી અત્યાર સુધીમાં દેશમાં સરેરાશથી 9% વધુ વરસાદ થયો છે. મંગળવાર સુધીમાં 266 મિ.મી.ની દેશની સરેરાશ સામે 289 મિ.મી. વરસાદ નોંધાયો પણ જૂન દરમિયાન દેશમાં વરસાદની અસમાન પેટર્ન પણ સામે આવી છે. દેશના લગભગ 85 જિલ્લા દુષ્કાળની સ્થિતિનો સામનો કરી રહ્યા છે.

અંદાજે 32 કરોડની વસતીવાળા આ જિલ્લાઓમાં અપૂરતો વરસાદ નોંધાયો છે. તેમાંથી સૌથી વધુ 42 જિલ્લા ઉત્તરપ્રદેશના છે. તમિલનાડુના પણ લગભગ 12 જિલ્લા હાલ દુષ્કાળની સ્થિતિનો સામનો કરી રહ્યા છે. દેશના ઉત્તર-પશ્ચિમી ક્ષેત્રોમાં વરસાદનો અભાવ છે. તેમાં રાજસ્થાનના પશ્ચિમી જિલ્લા સામેલ છે. ઉત્તરપ્રદેશના પૂર્વના જિલ્લાઓમાં ઓછા વરસાદને કારણે કાનપુર અને લખનઉ જેવાં શહેરોનું મહત્તમ તાપમાન 37 ડિગ્રી સે. આસપાસ છે. ઓછા વરસાદને કારણે વાવણીનો વિસ્તાર પણ ઘટી શકે છે.

9 રાજ્યમાં આગામી 4 દિવસ સુધી ભારે વરસાદની શક્યતા
આગામી 4 દિવસ સુધી ગુજરાત, મધ્યપ્રદેશ, છત્તીસગઢ, મહારાષ્ટ્ર, ઓડિશા, કેરળ, કર્ણાટક, તેલંગાણા અને આંધ્રમાં મધ્યમથી ભારે વરસાદની શક્યતા છે. તેનું કારણ બંગાળના અખાતમાં સર્જાયેલો લાૅ પ્રેશર ઝોન છે. દક્ષિણ-પશ્ચિમમાં અરબી સમુદ્રમાંથી પણ મોનસૂન સિસ્ટમ મજબૂત થઇ રહી છે.

ઓછા વરસાદથી પૂર્વ યુપીના 26 જિલ્લામાં ધાન પર અસર
અત્યાર સુધી ઓછા વરસાદને કારણે પૂર્વ યુપીના 26 જિલ્લામાં ધાનની ઉપજ પર અસર થવાની આશંકા છે. લખનઉ કૃષિ યુનિ.ના ડૉ. એ. પી. રાવે આશંકા વ્યક્ત કરી કે આ અઠવાડિયે સારો વરસાદ નહીં થાય તો ધાનની ઉપજ ઘટી શકે છે. યુપીમાં 5,967 હેક્ટરમાં ધાનની ખેતી થાય છે.

યુપી સહિત 4 રાજ્યમાં 18 જુલાઇ બાદ સારો વરસાદ થશે
વરસાદની અછતનો સામનો કરી રહેલા યુપી, બિહાર, ઝારખંડ અને પ.બંગાળમાં 18 જુલાઇ બાદ સારો વરસાદ થવાની શક્યતા છે. 21 જુલાઇ સુધી ત્યાં સારો વરસાદ રહેશે. તેનું કારણ પૂર્વ ક્ષેત્રના પહાડી વિસ્તારો અને બંગાળના અખાતમાં સર્જાયેલી ચક્રવાતી સિસ્ટમ છે.

અન્ય સમાચારો પણ છે...