અમેરિકા:વ્હાઈટ હાઉસમાં મહિલા પત્રકારના સવાલ પર ભડક્યા ટ્રમ્પ, કોરોના અંગે મીડિયા બ્રિફિંગ અચાનક ખતમ કરી

અમેરિકન રાષ્ટ્રપતિ ડોનાલ્ડ ટ્રમ્પનો કોરોના અંગે બ્રિફિંગ દરમિયાન બે મહિલા પત્રકાર સાથે વિવાદ થયો હતો. ત્યારબાદ તેમણે પ્રેસ કોન્ફરન્સ ઓચિંતી ખતમ કરી દીધી હતી. ન્યૂઝ વેબસાઈટ હિલના જણાવ્યા પ્રમાણે, ટ્રમ્પે કોરોના વાઈરસ અંગે પ્રતિક્રિયા માટે તેમના પ્રશાસનની પ્રશંસા કરતા લગભગ 40 મિનિટ સુધી રિપોર્ટર્સના સવાલના જવાબ આપ્યા હતા. 

રિપોર્ટરે પુછ્યું કે, ટેસ્ટિંગની વૈશ્વિક પ્રતિસ્પર્ધા શા માટે કરી રહ્યા છો 

ત્યાં જ સીબીએસની રિપોર્ટર વીજિયા જિયાંગ અને સીએનએનની કૈટલન કોલિંસ સાથે વિવાદ થઈ ગયો હતો. મૂળ ચીનની સીબીએસની પત્રકાર જિયાંગે તેમને પુછ્યું હતું કે તે હંમેશા એ વાત પર વધારે ભાર શા માટે આપે છે કે અમેરિકા અન્ય દેશો કરતા વધારે ટેસ્ટીંગ કરી રહ્યો છે. શું આ કહેવું જરૂરી છે? તેને વૈશ્વિક પ્રતિસ્પર્ધા શા માટે બનાવી રહ્યા છો, જ્યારે તેની સામે રોજ અમેરિકન નાગરિકો જીવ ગુમાવી રહ્યા છે. 

આ અંગે ટ્રમ્પે કહ્યું કે, દુનિયામાં દરેક જગ્યા લોકોના મોત થઈ  રહ્યા છે. આ સવાલ તમારે ચીનને કરવો જોઈએ, મને નહીં. જિયાંગે ટ્વીટર પર પોતાને ચીનમાં પેદા થયેલી વર્જિનીયાની નાગરિક ગણાવી હતી. ત્યારબાદ જિયાંગે કહ્યું કે, ખાસ કરીને તમે મને આવું કેમ કહી રહ્યા છો, અહીંયા જિયાંગ ચીનથી હતા એટલે આવું કહ્યું હતું. 

ટ્રમ્પે કહ્યું કે, આવા બેકાર સવાલ ચીનને પુછો 
ટ્રમ્પે કહ્યું કે, હું એ બધાને કહી રહ્યો છું, જે  આ પ્રકાપના બેકાર સવાલ પુછવા માંગે છે. ત્યારબાદ રાષ્ટ્રપતિએ તેમને નકારતા અન્ય રિપોર્ટરને સવાલ પુછવા માટે કહ્યું હતું. ત્યારબાદ જ્યારે વધુ એક સીએનએનની મહિલા રિપોર્ટરે તેમને સવાલ પુછવાનો પ્રયાસ કર્યો, ત્યારે વચ્ચે જ ટ્રમ્પે પ્રેસ કોન્ફરન્સ ખતમ કરી દીધી હતી.

ટ્વીટર પર #StandWithWeijiaJiang ટ્રેન્ડ થવા લાગ્યું છે