• Gujarati News
  • National
  • Discussion Of Captain Being In Touch With Senior BJP Leaders; BJP Could Become The Face Of Punjab By Repealing Agricultural Laws

શું હશે કેપ્ટનની રણનીતિ:ભાજપના સિનિયર નેતાઓ સાથે કેપ્ટન સંપર્કમાં હોવાની ચર્ચા; કૃષિ કાયદા રદ કરાવીને પંજાબમાં ભાજપનો ચહેરો બની શકે છે

જલંધરએક મહિનો પહેલા
કેપ્ટન અમરિન્દર સિંહ ભાજપમાં જોડાય તેવી શક્યતા
  • અમરિન્દર સિંહે કોંગ્રેસ છોડી દેવાની ધમકી પણ આપી છે
  • કોંગ્રેસ છોડી દેવાની સ્થિતિમાં કેપ્ટનની સામે સૌથી મોટો રસ્તો ભાજપ તરફ જવાનો

પંજાબના CMને પદ પરથી હટાવવાની સ્થિતિમાં કેપ્ટન અમરિન્દર સિંહે કોંગ્રેસ છોડી દેવાની ધમકી આપી છે. પંજાબ કોંગ્રેસની હાલની સ્થિતિને જોતાં કેપ્ટનની જવાનું લગભગ નક્કી જ છે. રાજકીય પંડિતોનું માનીએ તો કેપ્ટનની રાજનીતિ કરવાની સ્ટાઈલને જોતાં તે વાતની શક્યતા ખૂબ જ ઓછી છે કે તેઓ રાજકારણમાંથી સન્યાસ લઈ લેશે. તેમનું કોંગ્રેસ છોડી દેવાની સ્થિતિમાં તેમની સામે સૌથી મોટો રસ્તો ભાજપ પાર્ટી તરફ જવાનો જ છે.

કેપ્ટન એક વખત પહેલા પણ કહી ચૂક્યા છે કે 2017ઇ વિધાનસભા ચૂંટણી પહેલા કોંગ્રેસનાં નજરઅંદાજ કરવાને કારણે તેઓ ભાજપમાં જોડાવા બાબતે વિચારી રહ્યા હતા. કેપ્ટન અમરિન્દર સિંહ અને વાદપ્રધાન નરેન્દ્ર મોદીની નિકટતા કોઈનાથી પણ છુપાયેલી નથી. એવામાં એવી પણ ચર્ચા છે કે ભાજપના સિનિયર નેતાઓએ કેપ્ટન સાથે સંપર્ક સાધ્યો છે.

કેપ્ટન અને ભાજપ માટે એકબીજા પર દાવ રમવાનો આ સૌથી અનુકૂળ સમય પણ છે. કેન્દ્ર સરકારના કૃષિ સુધારણા કાયદા સામે ખેડૂતો દિલ્હી સરહદ પર આંદોલન કરી રહ્યા છે. અકાલી દળે મંત્રી પદ છોડી દીધું અને ગઠબંધન તોડ્યું, પરંતુ કેન્દ્રએ કોઈ પગલું ભર્યું નહીં. તેનાથી વિપરીત કેપ્ટન શરૂઆતથી જ ખેડૂતોની તરફેણમાં રહ્યા છે. તેઓ હંમેશા કેન્દ્ર પર ખેડૂતો બાબતે હુમલાખોર રહ્યા છે. હાલમાં પંજાબમાં સૌથી મોટો મુદ્દો કૃષિ સુધારણા અધિનિયમ છે. તેનો વિરોધ પંજાબથી જ શરૂ થયો હતો. જો કેપ્ટન કૃષિ કાયદાને રદ્દ કરાવી દે તો પછી વિરોધીઓ કેપ્ટનના રાજકીય દબદબા સામે ટકી શકશે નહીં.

કેપ્ટન અમરિન્દર સિંહને PM મોદીના નજીકના માનવામાં આવે છે. તેઓ જ્યારે પણ દિલ્હી જાય છે તો તેમને PM સાથેની મુલાકાત માટેનો સમય સરળતાથી મળી જાય છે. આ સિવાય તેઓ ઘણી વખાય મોદીની સાથે અમિત શાહને પણ મળતા રહ્યા છે. આ બાબતો પરથી અંદાજો લગાવવામાં આવી રહ્યો છે કે કેપ્ટન ભાજપ હાઇકમાન્ડ સાથે સંપર્કમાં રહીને ભાજપના સામેલ થઈ શકે છે.

સિદ્ધૂને મંત્રી બનાવ્યા બાદથી જ નારાજ છે કેપ્ટન
કેપ્ટન અમરિન્દર સિંહ પંજાબમાં નવજોત સિંહ સિદ્ધૂને પાર્ટી પ્રમુખ બનાવ્યા બાદથી જ તેઓ હાઇકમાન્ડથી નારાજ ચાલી રહ્યા છે. તેમને હાઇકમાન્ડને નારાજગી બાબતે પણ જણાવ્યુ છે. આ ઉપરાંત તેમની વાત સાંભળવામાં આવી નથી. કેપ્ટને કહ્યું હતું કે સિદ્ધૂ તેમના પર લગાવેલા આરોપો બાબતે માફી માંગે, પરંતુ આ બાબતે પણ કશું ન થયું. ત્યાર બાદ પંજાબમાં સરકાર અને સંગઠનના તાલમેળના બદલે અંદરો-અંદર જ મુકાબલો શરૂ થઈ ગયો. કેપ્ટન પણ આ બધી બાબતો પર મક્કમ રહ્યા છે.

અન્ય સમાચારો પણ છે...