ઓડિશા:સેલ્ફીના ચક્કરમાં મોત આવ્યું, પરિવારની નજર સામે યુવતી નદીમાં ડૂબી

ઓડિશાના સુંદરગઢમાં સેલ્ફીના ચક્કરમાં યુવતીનું મોત થયું છે. ગત ત્રીજી જાન્યુઆરીએ કનાકુંડ પિકનિક પોઈન્ટ પર આ ઘટના બની છે. નિરુપમા પ્રજાપતિ નામની યુવતી પરિવાર સાથે અહીં આવી હતી. આ દરમિયાન સેલ્ફી લેવા માટે તે નદીના વહેણ સુધી ગઈ હતી. જ્યારે તે પથ્થર પર ઊભીને સેલ્ફી લઈ રહી હતી, આ સમયે નજીકમાં જ રહેલો યુવાન સ્લિપ થતાં નીચે પડે છે. આ યુવકની ઠોકર લાગતાં નિરુપમા બેલેન્સ ગુમાવે છે અને સીધી નદીમાં પડી જાય છે. તેજ વહેણને કારણે તે પાણીમાં તણાઈ જાય છે અને 400 મીટર દૂર ઘુનામાં ગરકાવ થઈ જાય છે. રેસ્ક્યૂ ટીમે લગભગ 24 કલાકની જહેમત બાદ તેનો મૃતદેહ પાણીમાંથી બહાર કાઢ્યો હતો.