વિદેશી ભક્તોએ રમી ફૂલોની હોળી, VIDEO:રશિયા-યુક્રેન સહિત 32 દેશોમાંથી શ્રદ્ધાળુઓ વૃંદાવન પહોંચ્યા; ડીજે પર કર્યો ડાન્સ, કહ્યું- હોળી રમીને મજા પડી

મથુરાના વૃંદાવનના કીકી નગલામાં શનિવારે વિદેશી કૃષ્ણભક્તોએ ફૂલોની હોળી રમી હતી. આ દરમિયાન ઈંગ્લેન્ડ, રશિયા, યુક્રેન સહિત દુનિયાભરના 32 દેશોમાંથી આવેલા ભક્તોએ ડીજેના તાલ સાથે ડાન્સ કર્યો હતો. પછી એકબીજા પર ફૂલો ફેંકીને ઉત્સાહ સાથે હોળી રમી હતી. ભક્તોએ એક-બીજા પર એટલાં ફૂલો ફેંક્યાં કે ત્યાં ફૂલોની ચાદર પથરાઈ ગઈ હતી.

યુક્રેનથી આવેલી શંકર દાસીએ કહ્યું- ખૂબ જ સરસ સેલિબ્રેશન થયું
યુક્રેનથી આવેલ શંકર દાસીએ કહ્યું હતું કે અહીં ગુરુજીની સાથે હોળી રમી અને ભક્તોની સાથે ભજન ગાયા. ખૂબ જ સુંદર હોળીનું સેલિબ્રેશન કરવામાં આવ્યું. જ્યારે, આ તરફ જર્મનીથી આવેલી વિશ્વ મોહિનીએ જણાવ્યું હતું કે મેં પ્રથમ વખત 2014માં વૃંદાવનમાં હોળી રમી હતી. ત્યારબાદ હવે અહીં આવી છું. ખૂબ જ સારું લાગી રહ્યું છે.

ગિરખાડી દાસીએ કહ્યું- મારું હૈયું આજે આનંદથી ઉભરાઈ ગયું
જર્મનીની રહેવાસી ગિરખાડી દાસીએ જણાવ્યું હતું કે હું વિશ્વાનંદ મહારાજની શિષ્યા છું. વૃંદાવન ખૂબ જ સુંદર શહેર છે. હું ખૂબ જ ખુશ છું કે મારું હૈયું આજે આનંદથી ઉભરાઈ ગયું છે. જ્યારે અમેરિકામાં રહેતા દેવ નારાયણ દાસે કહ્યું કે હું પ્રથમ વખત ભારત આવ્યો છું. ફૂલોની હોળી અદ્ભુત છે. હું અહીં આવીને પોતાને ખૂબ જ ભાગ્યશાળી સમજું છું.

તસવીરોમાં જુઓ વિદેશના કૃષ્ણભક્તોમાં હોળીનો ઉત્સાહ...