• Gujarati News
  • National
  • Demanding Victimization – This Should Also Be Banned; The Court Sought A Response From The Center In This Regard

SCમાં તલાક-એ-કિનાયા અને તલાક-એ-બૈન સામે અરજી:પીડિતાની માગ - આવી પ્રથા ઉપર પણ પ્રતિબંધ મૂકવો જોઈએ; કોર્ટે આ અંગે કેન્દ્ર પાસેથી જવાબ માગ્યો

2 મહિનો પહેલા
  • કૉપી લિંક

સુપ્રીમ કોર્ટમાં તલાક-એ-કિનાયા અને તલાક-એ-બૈનને ગેરબંધારણીય જાહેર કરવા માટેની અરજી દાખલ કરવામાં આવી હતી. જેને લઈ સુપ્રીમ કોર્ટે આ અંગે કેન્દ્ર પાસે જવાબ માગ્યો છે. જસ્ટિસ એસ.એ. નઝીર અને જસ્ટિસ જે.બી.પાર્ડીવાલાની બેન્ચે આ માટે નોટિસ બહાર પાડી છે.

સુપ્રીમ કોર્ટ કર્ણાટકની એક મહિલા દ્વારા દાખલ કરવામાં આવેલી અરજી પર સુનાવણી કરી રહી હતી. આ દરમિયાન જસ્ટિસ નઝીરે કહ્યું- આ ખૂબ જ દુર્ભાગ્યપૂર્ણ છે. એના વિશે વાંચીને હું પરેશાન થઈ ગયો. અરજીમાં મુસ્લિમોમાં તલાક-એ-કિનાયા અને તલાક-એ-બૈન સહિત તમામ પ્રકારના એકપક્ષીય તલાકને ગેરકાયદે અને ગેરબંધારણીય જાહેર કરવાના નિર્દેશની માગ કરવામાં આવી હતી.

સુપ્રીમ કોર્ટે માત્ર તલાક-એ-બિદ્દત પર પ્રતિબંધ મૂક્યો
સુપ્રીમ કોર્ટે 22 ઓગસ્ટ 2017ના રોજ માત્ર ટ્રિપલ તલાક કહીને લગ્ન તોડવા ગેરબંધારણીય ગણાવ્યા. તલાક-એ-બિદ્દત નામની આ પ્રક્રિયાને મોટા ભાગના મુસ્લિમ ઉલેમાઓએ પણ કહ્યું હતું કે એ કુરાન મુજબ નથી.

શું છે તલાક-એ-કિનાયા / તલાક-એ-બૈનનો કેસ
કર્ણાટકમાં રહેતા ડોક્ટર સૈયદા અમરીનના ઓક્ટોબર 2020માં લગ્ન થયા હતા. થોડા મહિના બાદ તેમના પતિ અને સાસરિયાં દહેજ માટે માગણી કરવા લાગ્યાં. પરંતુ સૈયદાના પિતાએ દહેજ આપવા માટે ઈન્કાર કર્યો ત્યારે તેમના પતિએ તલાક-એ-કિનાયા / તલાક-એ-બૈન આપી દીધા.

અરજીદારે તેની અરજીમાં કહ્યું હતું કે આવી પ્રથાઓ માત્ર મહિલાની ગરિમાની વિરુદ્ધ નથી, પરંતુ બંધારણની કલમ 14, 15, 21 અને 25નું પણ ઉલ્લંઘન કરે છે. અરજીમાં કહેવામાં આવ્યું હતું કે આ શબ્દોને કિનાયા શબ્દો કહેવામાં આવે છે, એટલે કે અસ્પષ્ટ શબ્દો અથવા કંઈક અસ્પષ્ટ રીતે કહેવા માટે, જેમ કે હું તમને આઝાદ કરું છું, હવે તમે આઝાદ છો, આ સંબંધ મારા પર હરામ છે, હવે તમે મારાથી અલગ થઈ ગયા છો. ટ્રિપલ તલાકની જેમ તલાક-એ-કિનાયા/તલાક-એ-બૈનને પણ એક જ વાર (બોલીને/લેખિતમાં મોકલીને) તલાક આપવામાં આવે છે.

ક્યાંથી આવ્યા આ શબ્દો

સુનાવણી દરમિયાન જસ્ટિસ જે.બી. પાર્ડીવાલાએ પૂછ્યું કે લોકોને આવા શબ્દો ક્યાંથી મળે છે, જેના જવાબમાં અરજદારના વકીલ અશ્વિની ઉપાધ્યાયે કહ્યું હતું કે આવા પ્રકારનો તલાક નવો છે અને અન્ય કોઈ દેશમાં આવું કંઈ થતું નથી.

ઈસ્લામમાં તલાક આપવાની ત્રણ રીત
પ્રથમ તલાક-એ-અહેસાન

ઈસ્લામ વિદ્વાનોના મતે આમાં પતિ પત્નીને ત્યારે તલાક આપી શકે છે, જ્યારે તેના પિરિયડ્સ ચાલુ ન હોય. આ તલાક દરમિયાન 3 મહિના એક જ છત નીચે તે પત્નીથી અલગ રહે છે, જેને ઈદ્દત કહેવાય છે. જો પતિ ઈચ્છે તો 3 મહિના પછી તલાક પાછા લઈ શકે છે. જો આમ ન થાય તો, તલાક હંમેશાં માટે થઈ જાય છે, જોકે પતિ-પત્ની ફરીથી લગ્ન કરી શકે છે.

બીજો તલાક-એ-હસન
આમાં પતિ ત્રણ અલગ-અલગ સમયે પત્નીને તલાક કહી અથવા લખીને આપી શકે છે. એ પણ જ્યારે પત્નીના પિરિયડ્સ ન હોય, પરંતુ ઈદ્દતની સમાપ્તિ પહેલાં તલાક પરત કરવાની તક હોય છે. ત્રીજી વખત તલાક ઉચ્ચારવામાં ન આવે ત્યાં સુધી લગ્ન અમલમાં રહે છે, પરંતુ એ બોલ્યા પછી તરત જ સમાપ્ત થઈ જાય છે. આ તલાક પછી પણ પતિ અને પત્ની ફરીથી લગ્ન કરી શકે છે, પરંતુ પત્નીએ હલાલા (બીજા લગ્ન અને પછી તલાક)માંથી પસાર થવું પડશે.

ત્રીજો ટ્રિપલ તલાક અથવા તલાક-એ-બિદ્દત
આમાં પતિ કોઈપણ સમયે, સ્થાને, ફોન પર લખીને પત્નીને તલાક આપી શકે છે. ત્યાર પછી લગ્ન તરત જ તૂટી જાય છે અને પાછું લઈ શકાતું નથી. એના પર પ્રતિબંધ મૂકવામાં આવ્યો છે. ઑગસ્ટ 2017માં સુપ્રીમ કોર્ટે 1,400 વર્ષ જૂની ટ્રિપલ તલાક (તલાક-એ-બિદ્દત)ની પ્રથાને ગેરબંધારણીય જાહેર કરી હતી અને સરકારને કાયદો ઘડવા જણાવ્યું હતું. સરકાર દ્વારા સપ્ટેમ્બર 2018માં વટહુકમ લાવવામાં આવ્યો હતો, જેમાં વિપક્ષની માગને ધ્યાનમાં રાખીને જામીનની જોગવાઈને જોડવામાં આવી હતી. વટહુકમમાં કહેવામાં આવ્યું છે કે ટ્રિપલ તલાક આપનારને ત્રણ વર્ષની જેલની સજા થશે.

અન્ય સમાચારો પણ છે...