• Gujarati News
  • National
  • Delimitation Panel Want Increasing Seat In Jammu Kashmir And PoK For Assembly Election

J&Kમાં વિધાનસભાની 7 સીટ વધશે:26 વર્ષ પછી જમ્મુ-કાશ્મીરમાં નવું સીમાંકન થશે; જમ્મુમાં 6 અને કાશ્મીરમાં 1 સીટ વધવી જોઈએ-પંચનો પ્રસ્તાવ

એક મહિનો પહેલા
  • કૉપી લિંક

જમ્મુ-કાશ્મીર માટે બનાવવામાં આવેલી સીમાંકન પેનલે જમ્મુમાં 6 અને કાશ્મીર ખીણમાં 1 વિધાનસભા સીટ વધારવાનો પ્રસ્તાવ રજૂ કર્યો છે. તેથી હવે જમ્મુમાં 43 અને કાશ્મીરમાં 47 સીટ થઈ જશે. ST માટે 9 સીટ અને SC માટે 7 સીટ રિઝર્વ રાખવામાં આવશે. જ્યારે પીઓકે માટે 24 સીટ રિઝર્વ રાખવામાં આવશે. એસોસિયેટ મેમ્બર્સે 31 ડિસેમ્બર 2021 સુધી સૂચનો માગ્યાં છે.

સીમાંકન પંચનાં સૂચનોની PDP અધ્યક્ષ અને પૂર્વ મુખ્યમંત્રી મહેબૂબા મુફ્તીએ આકરા શબ્દોમાં નિંદા કરી છે. તેમણે ટ્વીટ કરીને કહ્યું છે કે લોકોને નજરઅંદાજ કરવામાં આવી રહ્યા છે. એક વિસ્તાર માટે 6 અને કાશ્મીર માટે માત્ર એક સીટ વધારવાનો પ્રસ્તાવ આપીને લોકોને એકબીજાની સામે ઊભા કરવાનો પ્રયત્ન કરવામાં આવી રહ્યો છે. બીજી બાજુ પીપલ્સ કોંગ્રેસના અધ્યક્ષ સજ્જાદ ગની લોને ટ્વીટ કરીને કહ્યું છે કે પંચની ભલામણ સંપૂર્ણ રીતે અમાન્ય છે અને એ પૂર્વગ્રહ આધારિત છે.

1995 પછી ક્યારેય સીમાંકન નથી થયું
જમ્મુ અને કાશ્મીરમાં 1951માં 100 સીટ હતી. એમાંથી 25 સીટ પાકિસ્તાનના કબજાવાળા કાશ્મીરમાં હતી. પહેલું ફુલ ફ્લેજ્ડ ડિલિમિટેશન (સીમાંકન પંચ) 1981માં બનાવવામાં આવ્યું હતું, જેણે 14 વર્ષ પછી 1995માં તેમની પહેલી ભલામણ મોકલી હતી. એ 1981ની વસતિ ગણતરીના આધારે હતી. ત્યાર પછી કોઈ સીમાંકન થયું નથી.

2020માં સીમાંકન પંચે 2011ની વસતી ગણતરીના આધાર પર ડિલિમિટેશન પ્રોસેસ પૂરી કરવાના આદેશ આપ્યા હતા. આ સીમાંકન પછી જમ્મુ-કાશ્મીરમાં 7 વધુ સીટ વધારવામાં આવશે. સુપ્રીમકોર્ટે કહ્યું હતું કે સીમાંકન કોઈ ગણિતની પ્રક્રિયા નથી, જેને ટેબલ પર બેસીને પૂરી કરી શકાય. એના દ્વારા સમાજની રાજકીય આશાઓ અને ભૌગોલિક પરિસ્થિતિઓ પણ દર્શાવવી જોઈએ.

જમ્મુ-કાશ્મીરની વિધનાસભાનું હાલનું સ્ટ્રક્ચર
જમ્મુ-કાશ્મીર રિઓર્ગેનાઈઝ એક્ટ અંતર્ગત નવી વિધાનસભામાં 83ની જગ્યાએ 90 સીટ હશે. નિષ્ણાતોનું માનવું છે કે સીટ વધારવા માટે માત્ર વસતિ જ આધાર નહીં હોય. એ માટે જમીનનો વિસ્તાર, વસતિ, વિસ્તારની પ્રકૃતિ અને ત્યાં સુધીની પહોંચને પણ આધાર બનાવવામાં આવશે.
અનુચ્છેદ 370 રદ થયા પહેલાં રાજ્યમાં કુલ 87 સીટ હતી. એમાંથી જમ્મુમાં 37, કાશ્મીરમાં 46 અને લદાખમાં 4 સીટ આવે છે. આ સંજોગોમાં જો 7 સીટ જમ્મુમાં આવે છે તો 90 સભ્યોની વિધાનસભામાં જમ્મુમાં 44 અને કાશ્મીરમાં 46 સીટ હોઈ શકે છે.

જમ્મુ-કાશ્મીરના સીમાંકનમાં ખાસ શું છે?
5 ઓગસ્ટ 2019 સુધી જમ્મુ-કાશ્મીરને સ્પેશિયલ સ્ટેટનો દરજ્જો આપવામાં આવ્યો હતો. ત્યાં કેન્દ્રના અધિકારીઓ સીમિત હતા. જમ્મુ-કાશ્મીરમાં આ પહેલાં 1963, 1973 અને 1995માં સીમાંકન કરવામાં આવ્યું હતું. રાજ્યમાં 1991માં વસતી ગણતરી કરાઈ હતી. આ કારણથી 1996ની ચૂંટણી માટે 1981ની વસતી ગણતરીને આધાર બનાવીને સીટો નક્કી કરવામાં આવી હતી. જમ્મુ-કાશ્મીરમાં સીમાંકન થઈ રહ્યું છે, જ્યારે આખા દેશમાં 2031 પછી જ આવું શક્ય છે.
જમ્મુ-કાશ્મીરમાં સીમાંકન અંતર્ગત જમ્મુ-કાશ્મીર રી-ઓર્ગેનાઈઝેશન એક્ટ (JKRA)ના નિયમો પણ ધ્યાનમાં રાખવું પડશે. આ એક્ટ ઓગસ્ટ 2019માં સંસદમાં પસાર કરવામાં આવ્યો છે. તેમાં અનુસુચિત જનજાતી માટે સીટ વધારવાની વાત કરવામાં આવી છે. JKRAમાં સ્પષ્ટ કહેવામાં આવ્યું છે કે, કેન્દ્ર શાસિત રાજ્યોમાં સીમાંકન 2011ની વસતી ગણતરીના આધારે થશે.

અન્ય સમાચારો પણ છે...