તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

વિદેશથી આવનારા માટે નવા નિયમ:કોરોના નેગેટિવ હોવાનો રિપોર્ટ પોર્ટલ પર સબમિટ કરવાનો રહેશે, 72 કલાકથી જૂનો રિપોર્ટ માન્ય નહીં

13 દિવસ પહેલા
વિદેશોથી આવતા પ્રવાસીઓએ RT-PCR ટેસ્ટ રિપોર્ટની ઓથેન્ટિસિટીનું ડિક્લેરેશન પણ આપવાનું રહેશે. આ ખોટું નીકળશે તો ગુનાહિત કાર્યવાહી કરાશે(ફાઈલ તસવીર). - Divya Bhaskar
વિદેશોથી આવતા પ્રવાસીઓએ RT-PCR ટેસ્ટ રિપોર્ટની ઓથેન્ટિસિટીનું ડિક્લેરેશન પણ આપવાનું રહેશે. આ ખોટું નીકળશે તો ગુનાહિત કાર્યવાહી કરાશે(ફાઈલ તસવીર).
  • નવી ગાઇડલાઇન્સ 22 ફેબ્રુઆરી રાતે 11.59 વાગ્યાથી લાગુ થઈ જશે

દુનિયાભરમાં કોવિડ-19નું મ્યૂટેન્ટ વેરિએન્ટ ફેલાવાની સ્થિતિને જોતાં સરકારે વિદેશથી આવતા પ્રવાસીઓ માટે નવી ગાઈડલાઈન્સ બહાર પાડી છે, જે 2 ઓગસ્ટ 2020ના રોજ જૂની ગાઈડલાઈન્સનું સ્થાન લેશે અને 22 ફેબ્રુઆરીની રાતે 11.59 વાગ્યાથી લાગુ થઈ જશે. ઉડ્ડયન મંત્રાલયે બુધવારે આ માહિતી આપી છે.

UK, યુરોપ અને મિડલ ઈસ્ટ સિવાય અન્ય દેશોથી આવનારા માટે ગાઈડલાઈન્સ
યાત્રાની તૈયારી પહેલા

  • યાત્રા પહેલાં એર સુવિધા પોર્ટલ પર સેલ્ફ ડિક્લેરેશન ફોર્મ સબમિટ કરવાનું રહેશે.
  • કોવિડનો નેગેટિવ RT-PCR ટેસ્ટ રિપોર્ટ પણ અપલોડ કરવાનો રહેશે. આ રિપોર્ટ 72 કલાકથી વધુ જૂનો ન હોવો જોઈએ.
  • તમામ પ્રવાસીના RT-PCR ટેસ્ટ રિપોર્ટની ઓથેન્ટિસિટીનું ડિક્લેરેશન પણ આપવું પડશે. જો ખોટું હશે તો ગુનાહિત કાર્યવાહી કરાશે.
  • પેસેન્જર્સે તેમની એરલાઈન દ્વારા એર સુવિધા પોર્ટલ અથવા ઉડ્ડયન મંત્રાલયને એ અંડરટેકિંગ આપવાનું રહેશે કે જો જરૂર જણાય તો તે 14 દિવસ હોમ ક્વોરન્ટીન અથવા સેલ્ફ હેલ્થ મોનિટરિંગના નિર્ણયને માનશે.
  • નેગેટિવ રિપોર્ટ વગર ભારત આવવાની મંજૂરી માત્ર એવા લોકોને અપાશે જે પરિવારમાં કોઈના મોત થવાથી આવી રહ્યા હોય. આ છૂટ લેવા માટે પેસેન્જર્સને બોર્ડિંગના ઓછામાં ઓછા 72 કલાક પહેલાં ઓનલાઈન પોર્ટલ પર અપ્લાઈ કરવાનું રહેશે. આ અંગેનો અંતિમ નિર્ણય સરકાર કરશે.

બોર્ડિંગ પહેલાં

  • એરલાયન્સ અથવા સંબંધિત એજન્સીની તરફથી તમામ પ્રવાસીઓને ટિકિટ સાથે Do's એન્ડ Don'tsની માહિતી અપાશે.
  • એરલાઈન માત્ર એવા જ પ્રવાસીઓને બોર્ડિંગની મંજૂરી આપશે, જેમણે એર સુવિધા પોર્ટલ પર સેલ્ફ ડિક્લેરેશેન અને નેગેટિવ ટેસ્ટ રિપોર્ટ સબમિટ કર્યો હશે.
  • તમામ પ્રવાસીઓને મોબાઈલ પર આરોગ્ય સેતુ એપ ડાઉનલોડ કરવાની સલાહ આપવામાં આવશે.
  • એરપોર્ટ્સ પર પેસેન્જર્સનું સેનિટાઈઝેશન અને ડિસઈન્ફેક્શન કરાશે.
  • બોર્ડિંગ દરમિયાન ફિઝિકલ ડિસ્ટન્સિંગનું ધ્યાન રખાશે.

UK, યુરોપ અને મિડલ ઈસ્ટથી આવતી ફ્લાઈટ માટે

  • તમામ પ્રવાસીઓને યાત્રા પહેલાં કોરોના નેગેટિવ હોવાનું સેલ્ફ ડિક્લેરેશન ફોર્મ એર સુવિધા પોર્ટલ પર સબમિટ કરવાનું રહેશે. આ સાથે જ 14 દિવસની ટ્રાવેલ હિસ્ટ્રી પણ જણાવવાની રહેશે.
  • સેલ્ફ ડિક્લેરેશન ફોર્મ સાથે જોડાયેલી તમામ માહિતી આપવાની સાથે જ એ સિલેક્ટ કરવાનું રહેશે કે તે જ્યાં ફ્લાઈટ જઈ રહી છે ત્યાં જ ઊતરશે કે પછી ત્યાંથી બીજી ફ્લાઈટ પકડશે.
  • જો તે બીજી ફ્લાઈટ પકડવાનો ઓપ્શન સિલેક્ટ કરે છે તો તેના ડિક્લેરેશન ફોર્મની કોપી મોટા ફોન્ટમાં T(Transit)લખેલું હશે.
  • UK, બ્રાઝિલ અને દક્ષિણ આફ્રિકાથી આવતા એવા પેસેન્જર્સ જે કનેક્ટિંગ ફ્લાઈટ લેશે, તેમણે ટિકિટ બુકિંગ વખતે એરલાઈન્સ તરફથી જણાવાશે કે ટ્રાન્ઝિટ ટાઈમ ઓછામાં ઓછા 6-8 કલાકનો રહેશે.

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- તમારા પોઝિટિવ અને સંતુલિત વિચાર દ્વારા થોડા સમયથી ચાલી રહેલી પરેશાનીઓનો ઉકેલ મળી શકશે. તમે એક નવી ઊર્જા સાથે તમારા કાર્યો પ્રત્યે ધ્યાન કેન્દ્રિત કરી શકશો. જો કોઇ કોર્ટ કેસને લગતી કાર્યવાહી ...

વધુ વાંચો